Génesis 34:20 - Biblia Dc en Mixe de Quetzaltepec

²⁰ ënät ojts nimäjtsk nyëjkxtë jam ma ja naax kajpn yajnitëkën, tääts jam t'ënëmaaytyë ja ja'ayëty mëti'ipë jam to'ktëpën ets tu'kë'ëyë jënu'un kyunaax'at kyukajpn'atën:

Biblia Mixe de Quetzaltepec

²⁰ ënät ojts nimäjtsk nyëjkxtë jam ma ja naax kajpn yajnitëkën, tääts jam t'ënëmaaytyë ja ja'ayëty mëti'ipë jam to'ktëpën ets tu'kë'ëyë jënu'un kyunaax'at kyukajpn'atën:

Génesis 34:20 ပူးပေါင်းရင်းမြစ်များ

Rut 4:1

Ënet ojts ja Booz nyijkxy ma ja naax kajpn yajnitëkën, jam ijty ja ja'ay tyu'ukmuktë. E jamts ënety pyo'kxy pyiky ko ajotkumonë t'ijxpaty nyäxy ja ja'ay mëti'ipë ja Rut winkon myëku'uk'ajtypyën. Tä ja Booz ojts tmëkäjpxy ets t'ënëmaay: Mëku'uk. Min mpo'kxy. Tääts myiiny ja myëku'uk ets nyaaxwe'tsy.

Zacarías 8:16

Ya'atë mëpaat xëmë xytyuntë: Mëtëy winë xynyikajpx xynyimëtya'aktëty ma miitsëtyën nixim niyam, mëtëy tii xynyipaye'eytyëty ets yë'ë xëmë mmaytyëp mtajtëp yë oyajtën jotkujk'ajtën miitsëty yajkutujkpëtëjkëty;

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Amós 5:12

Ëjts nija'apës wi'ix mëj këjää të tyuuntëkoytyën ets wi'ix myäyëtyën ja nyëë pyokyëty: Yë'ëjëty, yaj'ëyoowtëp ets tyiytyuuntëp yë ja'ay ka'apë tii tuuntëkoyën; nyimeenypyëjktëp ko tii tuuntëkoytyë ets ko jam yajpaatë ma ëyoopëja'ay yajnipaye'eyën yë'ë ëyoopëja'ay yajnitujkëtyëp ets yajtsum yajmatsëty.

Amós 5:10

Janty mon janty tuk miitsëty myajpaatë mëti'ipë y'ëxëëk ijxtëpën ko ti mëtëy yajnipaye'ey ets mëti'ipë y'ëxëëk ijxtëpën ko ja pokyjyä'äy tkumëtoy ja nyëë pyoky.

Proverbios 31:23

Yë nyiye'etyëjk aak ixy'ajtëp yë ja'ay jam kajpnjotm, ets näjyëtu'un yë ja'ay mëj'äämpy jyëkyepyë tä mëj'äämpy yajjëkyäptën yë wintsëntëjkëty.

Job 29:7

koos ijty n'u'unyë npo'kxy ko yë ja'ay ye'eymyuktë ma naax kajpnën.

2 Samuel 15:2

Jä'ä ijty y'ëti'itsy, jopyëp pyëtë'kojy ets jam tu'u'ëkë'ëm nyäpyëjktä'äkyë ma ja kajpn yajnitëkën, ko pën tniminy ja yajkutujkpë ma ja jyotmay yajpayoyä'änyën, ënätyë tmëkäjpxy tääts tyajtëy maa tsyoony. Pën ja ja'ay ëtsoop ko jam muum tsyoony ma ja Israel ja naaxjot tnitänën,

Deuteronomio 17:5

Jam nëjkx ja ja'ay xywyoownëjkxtë ma kutuunkën, mëti'ipë jam yajpatpën ma ja kajpnën ma ja ja'ay tsyëënën, mëti'ipë ënety ja jëtu'unpë të tuuntëkoyën ets nëjkx yajkuka'atsy.

Génesis 23:10

E yë Efrón, ja Hit ja'ay tam ënety näjyëtu'un yajpaaty ma ja myëku'ukëtyën. Ënet t'ëtsooy ja Abraham ets ja myëku'uktëjk tukmëtowa'any ets tu'kë'ëyë jënu'un nyaxtën jam ma yajnitëkën ja kajpn.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 34:19

Yë Siquem ka'ap nëkoo xëëw po'o tyajtëkooy, ënätyë ojts tnatsujk'ëwtity ja ye'etyëjkajtën, jä'ä ko yajxon ënety mëk tsoky ja Jacob ja nyëëx. Ja Siquem mëët ja tyeety mëj'äämpy ënety yajjëkyäptë ma ja naax kajpnën,

Génesis 34:21

Ya'atë ja'ayëty ëjts yë nmëku'uk'ajtëmë ets yaa tsyëënëja'antë; jyuyan kyëpätantëp yë naax kam ets ijxtëm xy'ixtën yaa tää naax kam jyätyë oy pën jënu'un timtsyokëty; ëëts'ajtëm jyëkyejpy mëët npëjkmëty yë nyëëxëty ets yë'ëjëty jyëkyejpy mëët pyëktëty yë nnëëx'ajtëmë.

Salmos 127:5

Janty jotkujk yë ja'ay yajpaaty mëti'ipë nikanaak myëët'ajtypyën yë y'u'unk y'ëna'k. Ka'ap tsëtyu'unmëët wyë'ëmëty ma ja myëtsiptëjkën ko nyäkyukajpxëtëty ma nipaye'epyëtëjkëtyën.