Génesis 33:11 - Biblia Dc en Mixe de Quetzaltepec

¹¹ Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Dios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

Biblia Mixe de Quetzaltepec

¹¹ Mëyajtënës mpëjktsoopy ets ya'atë xy'ëxajëty mëti'ipë yam ntuknimiimpyën, mëti'ipë yam namo'ojäämpyën. Ëjts tëëjës yë Tios xypyutëk xypyupety, tëës xyajjotkujktä'äky ets nitiijës tyam xykyatëkoy'ajtxë. Yë Jacob ni'ikyë tjanty'ënëmaay'ëti'itsy ja y'äjty Esaú, koonëm tukkupëjky ja mëti'ipë nyamo'ojäämpyën.

Génesis 33:11 ပူးပေါင်းရင်းမြစ်များ

Génesis 30:43

Jëtu'un ojts ja Jacob myëkja'aytyä'äky, nimay ojts tmëët'aty ja tsajppax kupixyny ets tuumpëtëjk ye'etyëjk to'oxytyëjkpë, jëyujk jëku'uxëty ets kruktsëty.

Génesis 32:21

Jëtu'un ja näynyamo'ojë jëyëjp tkäjxë'ky, e yë'ë ojts jyaak maawë'ëmy ma jam ja wyittëjkën.

Génesis 33:10

E ja Jacob ni'ikyë y'ënaan'ëtë'ëtsy: Ka'ap, tun yë mëyajtën, pën jää'ajtp ja oyjyot oywyinma'any ma ëtsajtëmën, kupëk ya'atë näynyamo'ojë, ko mijts tyam nwinku'ixë, jëtu'unës näjyawëty Tiosës yowë ntimy'ijxyp kë'ëm. Ëjts nja'awëkyëtäkpyës koos mijts tyam oy xy'ëxaj xykyupëky.

Génesis 33:12

Tä yë'ë y'ënäny: Oy nja'amëty, min ëjts n'ëktu'uwinye'ey, ëjts mijts xypyaye'eyëp.

Génesis 33:9

Tä yë Esaú y'ënäny: Ka'ap mëku'uk këtii nëkoo mnämyä'äy mnätyajxëty. Tëës yë Dios näjyëtu'un xymyo'oy xykyexy yë njä'äjës, yajwë'ëm, mëët'at mëti'ipë mijts mjä'ä'ajtypyën.

2 Reyes 2:17

E jä'ä ko mëktä'äky ojts tjanty ënëëmëtë ja Elisejë ets nëjkx ja Elías yaj'ixta'ay, paaty ojts jyänty yajkäxtë niwëxtyikxymyajk ja ja'ayëty, tëkëëk xëëw tja'ixtaaytyë kooxyëp ntij jeexyë muum tpaatë ja Elías, ka'ap maa tpatë.

2 Reyes 5:23

Tä ja Naamán y'ëtsooy: Tun yë mëyajtën, ëxajë tëtujk mil aak poop pujxn meeny. Mëktä'äky ja Naamán jëtu'un y'ënäny, tääts tu'ukyë mëët mäjtsk ni'kx ja wit t'apëjkmujky jap xa'kjoty, tääts tukë'ëtëjkëy ja tyuunpë nimäjtsk ets tukninëjkxtëty ja Guehazí.

Lucas 14:23

Tääts ja wintsën ja tyuunpë t'ënëmaay: Nëjkx mjëtity kajpnpa'a kajpn nux ets xywyoowminëty yë ja'ay atsip koonëmës yë ntëjk y'utsëty.

1 Corintios 3:21

Paaty ka'ap miits tii mnätyukyajmëjnaxëtëty, jä'ä ko aak miits yë'ë mjä'äjëty;

2 Corintios 6:10

Jëtu'unës nyaj'ixtë maaytyëp tajtëpës yowë, je'eyëp ko jotkujkës n'itë; ëyoowtëpës nyaj'ixtë, je'eyëp nyajjotkujktaktëpës may ja ja'ay; jëtu'un kyëxë'ëky ka'apës yowë tii nmëët'atë, e nmëët'ajtaaytyëpës winë.

Filipenses 4:18

Tëës may winë n'ëxajë ets njaaktimmyëët'ajtypës ja natëkë, jä'ä ko nmëët'ajtypyës mëti'ipë ja Epafrodito ojts xytyukmëkäxëtën. Jëtu'un ya'atë putëjkën ijxtëm ja pa'akxu'kpën mëti'ipë yajyojxpën ets yajtukwintsë'këpën ja Dios ets tukjotkëta'akëty.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

Josue 15:19

Mëyajtënës n'amëtoowäämpy ma mijtsën, jëtu'un y'ëtsoy. Mëët koos të xymyo'oy yë naax jam Négueb të'ëts itjotm, näjyëtu'unës xymyo'ojëty yë nëëkopk. Paaty ojts tmo'oy ja nëëwooky mëti'ipë jam yajpatpën ëpa'tkë'ëmtsow ets anëkëjxytsyow.

Jueces 1:15

Pëjktso'owënës tu'uk ntunäämpy ma mijtsën, jëtu'un ojts y'ëtsoy. E komë mijtsës të xymyo'oy ja it naaxwiinyëtë jampë yajpaatyë Négueb, ntsojkpyës näjyëtu'un ets xymyo'ojëtyës maas nëëkon nëëwitsëtyën, yë'ë jëtu'un ja nëëwooky. Ets ja Caleb tmooy ja nyëëx ja nëëwooky jampë yajpaatyën anëkëjxmtsow ets ëpa'tkë'ëmtsow.

1 Samuel 25:27

E tyamtsës n'amëtoy npëjktsoy ma mijtsën ets wya'kxëty ma mtuunpëtëjkën mëti'ipë mjämyëët'ajtëpën, ya'atë näynyamo'ojë mëti'ipë ya ntuknimiimpyën,

1 Samuel 30:26

Ko ja David jyä'äjty jam Siclag, ënät ja myëku'uktëjk tuknikejxy ja näynyamo'ojë, ja mëjja'aytyëjkëty jampë yajpaatën ma Judá kajpnën, mëët ya'atë ja aaw ayuk: Jëëkyëty mëku'ukëty, tyaa ya'atë wäänë nmo'otë nkäxtë mëti'ipës të npëjkëtën ja Wintsën ja myëtsip.