Génesis 32:10 - Biblia Dc en Mixe de Quetzaltepec

¹⁰ Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Biblia Mixe de Quetzaltepec

¹⁰ Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënäty nkë'ëkap'ajtypyës yë ntajkës, nitiijës ënäty nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Génesis 32:10 ပူးပေါင်းရင်းမြစ်များ

Salmos 18:35

Mijtsës xykyuwaanp etsës xyajnitso'oky. Yë m'a'oykyë'ë yë'ëjës xytyukmajts'ijtp, ets mëët yë m'oyjot m'oywyinma'any ni'ikyës nnäjyawëty nyeeky npety maas winë nmëëtëtyën.

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

2 Samuel 7:18

Ënet ja yajkutujkpë David tyëjkëy jap tëkoty ets myëtya'aka'any mëët ja Wintsën ets t'ënëmaay: Wintsën, ¿jënu'unëmës jëtää ëjts tii n'ëktimtsyowëty ets näjyëtu'un ja n'u'unk n'ëna'kës, etsës mijts Yaapaat të xyajja'ty?

1 Pedro 5:5

Näyjyëtu'un miits ëna'ktëjkëty, mëmëtowtëp ja mëjja'aytyëjk ja y'ënä'ämën tyiyajtënëty. Nixim niyam mëpaat yu'unk naxym mnämyëmëtowëtë. Jä'ä ko yë Dios ka'ap t'oyjyawë mëti'ipë nämyëjja'aw näjyääntyjya'awëyëpën, yë'ë pyutëjkëp mëti'ipë yu'unk naxym ja'ay'ajtëpën.

2 Corintios 12:11

Jëtu'unës yam nkäjpxy nmëtyä'äky ijxtëm tu'uk ja ja'akyupojën, je'eyëp ko miits të xy'akwanë'atës etsës jëtu'un n'ëtë'ëtsëty. Jä'ä ko miits mjapatëtëp jeexyë oy xynyimëtya'aktës, ëjts ka'apës tii nkëjxmëty ma tääpë ja'ayëtyën mëti'ipë nätyijëtëp mëj ayuk käjpxynyajxpë. Ma yë'ëjëtyën, ëjts ka'apës tii ntsowëty.

Lucas 17:10

Näyjyëtu'un miits ja Dios xymyëtuntëty, ko xytyuunta'atëty pën tii mtuk'ënä'ämëtëp ets xy'ënëëmëtëty ka'apës tii të ntuntë, yi'iyës të ntuntë mëti'ipës të nyajtuk'ënä'ämtën.

Lucas 5:8

Ko ja Simón Pedro jëtu'un t'ijxy, ënät ojts nyäkyoxtënaaytyä'äkyë ma ja Jesús ets t'ënëmaay: Wintsën, winwa'ktutkës, ëjts pokyjyä'äyës.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Isaías 6:5

Ënätës të njootwinmay: Janty mon janty tukës nyajpaaty, yaajës ënät n'o'knëty, ëxëëkës të n'ëy të nkäjpxy ets jamës ntsëënë ma ja ja'ay ëxëëkjaty kyajpxtën myëtya'aktën.

Proverbios 4:18

Yë nyë'ë tyu'ujëty yë wa'ats ja'aytyëjk jëtu'un yë'ë tä yë xëëw y'aantä'äkyën komjëpom ko jyopyëp'aty. Ni'ikyë y'aantä'äky ets winë tukjajëtyä'äy.

Salmos 85:10

Yë tsojkën ja'awën ets tëyajtën tu'knax y'ita'antë, itaanp näjyëtu'un ja jotkujk'ajtën ets ja mëtëypyë,

Salmos 84:7

yë jyot myëjaawëty ni'ikyë kyëjääjëja'any, e jam ma Sión kopkën, jam nëjkx t'ixtë ja Dios mëjpë.

Salmos 61:7

ets y'ënä'äm yajkutukëty jeky mëët yë mkënu'kxën. Mijts mkëwent'atëp mëët yë tsojkën ja'awën ets yë tëyajtën;

Salmos 16:2

Tëë n'ënëëmë: Ko mijts nWintsën'ajtyp ets mijts ntuk'oy'äjtyp, nitii kyajëtu'unëty ijxtëm mijtsën.

Salmos 8:5

Jä'ä të xyajkojy jawäänë tkamëpaaty yë tios, tëë xymyo'oy ja mëj'ajt oyajtën ets wintsë'ëkë y'itëty,

Job 17:9

Yë'ë wa'ats nyäyajnaxëtë ets jëtu'un y'ëna'antë ko yë'ëjëty ka'ap nitii tuuntëkoytyë.

Job 8:7

Yë mwit mmeeny mëti'ipë ijty mmëët'ajtypyën wäänë yë'ë, ni'ikëjaanp ja mëti'ipë mpaatäämpyën.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Génesis 32:7

Ko jëtu'un tmëtooy yë Jacob ënät ojts ja tsë'ëkë tyuktëkëty ets tyëjkëy moonpë tujkpë. Ënet tyajnäywyä'kxyë mäjtskpëky ja jyä'äy, mëti'ipë ënety jam mëëtën; näjyëtu'un tyajwa'kxtaay ja jyëyujk, tsajpkaa, tsajppaxëty ets ja kyupixynyëty.

Génesis 32:5

Nmëëtës jëyujk, tsajpkaa, tsajppax, kupixyny, tuunpë, ye'etyëjkpë to'oxytyëjkpë. Tyam nkexyës ya'atë aaw ayuk ma mijts myajpaatyën wintsën, n'ëwxityës ets ya'atë aaw ayuk oy tsuj xy'ëxajëty xykyupëkëty.

Génesis 30:43

Jëtu'un ojts ja Jacob myëkja'aytyä'äky, nimay ojts tmëët'aty ja tsajppax kupixyny ets tuumpëtëjk ye'etyëjk to'oxytyëjkpë, jëyujk jëku'uxëty ets kruktsëty.

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 18:27

Ënet yë Abraham ojts jatëkok y'ënaankojnëpë: Wintsën ëkmä'kx oy yam mijts jëtu'un n'ëkne'emy. Oy mijts mTiosëty, ëjts nitiijës nkakëjxmëty, naaxwiinyëtë ja'ayës.

2 Samuel 17:24

Tää ojts David jam jyä'ty Mahanaim ma Absalón jam näjyëtu'un tuknajxpën yë Jordán nëë mëët yë tsyiptuunpëja'aytyëjk Israel ja'ayëty.

Génesis 24:12

Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

Génesis 28:13

Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 31:3

Ënet ja Jacob myëkajpxë ja Wintsën ets y'ënëmaayë: Wimpit ënät tyam ma ja nyaax kyajpnën ja mteety mtaak ets ma ja mjëëky mmëku'uk jam y'itën ëjts mijts njämyëët'atäämpy.