Génesis 31:50 - Biblia Dc en Mixe de Quetzaltepec

⁵⁰ Pën ëxëëk xytyuny ja n'u'unkës nnëëxës ets pën mpëjkpy m'ukpy wiinkpë ja to'oxytyëjk, oy ënety pën tka'ixy tkanijawë, Dios yë kë'ëm kyëwentëpëkëp.

Biblia Mixe de Quetzaltepec

⁵⁰ Pën ëxëëk xytyuny ja n'u'unkës nnëëxës ets pën mpëjkpy m'ukpy wiinkpë ja to'oxytyëjk, oy ënäty pën tka'ixy tkanijawë, Tios yë kë'ëm kyëwentëpëkëp.

Génesis 31:50 ပူးပေါင်းရင်းမြစ်များ

Génesis 31:51

Tä yë Labán tjaakënëmaay yë Jacob: Ëk'ix, ya'atë tsaa mëti'ipës tëë mpëjktä'äkyën tänë tä xenyën ma ëëtsajtëmën nimäjtsk.

Job 16:19

Oy tyimtu'ukënëty jyam'atëty tsajpjotm mëti'ipës mëpaat xypyukajpxën,

Jeremias 29:23

Jëtu'un nëjkx mjatë mkëpätë ko ënety ëxëëk winë të xytyuntë jam Israel: ko ojts ka'ap ja mto'oxytyëjk xywyintsë'ëkëtë ets xymyëët'ajnëtë ja mjëëky mmëku'uk ja tyo'oxytyëjkëty ets ojts winë xynyikajpxtë ëjts nxëëwkyëjxmës ka'apë myëtëyëtyën mëti'ipë ënety ka'ap të ntuk'ënä'ämtën. Ëjts nija'apës yë'ë yajxon ko jëtu'un m'ëtëtstë m'ënantë. Ëjts Wintsën, ëjts ënaanp.

Jeremias 42:5

Ënet t'ëtsoowtë ja Jeremías: Yë mWintsën Dios yë'ë y'ixëp nyijawëp ko ënety ëëtsëty tii oy nkatuntës ijxtëm yë'ë xytyuk'ënä'ämtënës.

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Malaquías 2:14

Ets ënät miitsëty ni'ikyë xyajtëwtë, ¿tii ko jëtu'un jyäty kyëpety? Ka'ap yowë xynyijawëtë ko paaty jyëtu'unëty jä'ä ko ka'ap ja m'aaw m'ayuk xy'ëkpatuunëtë ko xy'ënëmaaytyë ja to'oxytyëjk mëti'ipë mëët mpëjky m'ukyën ko mpi'k ëna'k'ajty ko xëmë xywyinkutsë'ëkëja'any. Yë'ë ënety mjämyëët'ajtëp ets yë'ë ojts xytyukwinwanë ko xëmë mëët m'ita'any.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

1 Tesalonicenses 2:5

Ka'ap miits nëkoo je'eyë të nwinmëtya'aktë mëët ja aaw ayuk tsujpë ets ni të nka'amëtowtës eetsës xymyëjuytyëty. Dios yë'ë wa'ats nyija'ap.

Jueces 11:10

Ets ja mëjja'aytyëjk y'ëtsoowtë: Yë Dios yë'ë yam wa'ats xy'ijxyp nyija'ap ko ëëtsëty tyamës nkupëktë tä yam m'ëna'anyën:

1 Samuel 12:5

Jëtu'un ja Samuel ojts tnikäjpxy ja ayuk: Yë Wintsën ets ya'atë yajkutujkpë yë'ë jëtu'un wë'ëmtëp ijxpë nija'apë ko miitsëty ka'ap tii tëko'oyën të xypyaatë ma ëjtsën. Tääts y'ëtsoowtë ja Israel ja'ayëty: Tëyajtën jëtu'un.