Génesis 31:42 - Biblia Dc en Mixe de Quetzaltepec

⁴² Ko jeexyë ja Dios xykyani''ijxkëtä'äkyës mëti'ipë yë Abraham y'ëwtajtën, ja Dios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Dios yë'ë të t'ixy, ko ënety ëjts mon tuk nyajpaaty ets koos ënety mëk ntuny n'ëyoy, paaty ya'atë tsu'um të mëkmëkäpxyë.

Biblia Mixe de Quetzaltepec

⁴² Ko jeexyë ja Tios xykyani''ijxkëtä'äkyës mëti'ipë yë Abraham y'ëwtajtën, ja Tios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Tios yë'ë të t'ixy, ko ënäty ëjts mon tuk nyajpaaty ets koos ënäty mëk ntuny n'ëyoy, paaty ya'atë tsu'um të mëkmëkäpxyë.

Génesis 31:42 ပူးပေါင်းရင်းမြစ်များ

Salmos 31:7

Yë mtsojkën mja'awën jotkujkës xyajnäjyawëty. Tëë xy'ixy wi'ixës nmony ntukyën, mnija'ap wi'ixës ëyo'on jotmay nmënaxy nyajnaxyën.

Génesis 31:29

Ëjts ka'apës nkajaty jeexyë mijts ëxëëk ntuntë ets jeexyë yam nyajtsëyut nyajwintëkoytyë, Tiosës tyam koots të xymyëkäjpxy etsës të xy'ënëëmë: Ëkmëtow, këtiis yë n'u'unk Jacob xymyëkajpxëty mëët yë tsip äkë.

Génesis 31:53

Wä'än yë'ë tkëwentëpëky yë Dios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënet yë Jacob ojts tukë'ëwan tukë'ëyaaxë ja Dios mëti'ipë ënety jam y'ëëwmujk kyajpxmujktëpën, ja Dios mëti'ipë ja tyeety Isaac y'ëwtajtën.

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Isaías 8:13

Yë Wintsën mëti'ipë maaytyääyëpën winë yë'ë mëpaat yajtsë'ëkë, jä'ä ko wa'ats yë'ë ets yë'ë wyintuuy mëpaat'ajtp yajwintsë'ëkëty.

Génesis 31:24

E jä'ä tsu'um ja Labán y'ënëmaayë ja Dios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Judas 1:9

Yë'ëpaat ja Dios ja tyuunpë mëti'ipë xyëëwajtypyën Miguel, ko tsyiptuuny mëët ja mëjku'u ma ja Moisés ja nyi'kx kyopk tnitsiptuunyën, ka'ap ojts ëxëëkjaty t'ënëëmë, je'eyë t'ënëmaay: Wä'än ja Dios mwinkukajpxëty.

1 Crónicas 12:17

Ko ja David jëtu'un tmëtoy'äjty ënät ojts jyëjpye'eyë'ëkëtë ets y'ënëmaayëtë: Pën miitsëty janty tëy ko jä'ä mëmiintëp ja oypyë ja jot winma'any, tyamës n'apëky nkupëky ets miitsëty ëëts xypyuwa'akëtëty; e pën miitsëty je'eyë mintë etsës xykë'ëyaka'antë maas ja nmëtsiptëjkën, ets ka'apës tii poky të ntuuntëkoy, yë Wintsën mëti'ipë y'ëwtajtën ja n'ap'ajt n'ok'ajtëm yë'ë y'ixëp nyijawëp ets xynyipaye'eyëtyës ets mtukëpätëtëty ja mpokyëty.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Génesis 31:12

Ënet xy'ënëmaayës: yajxon xy'ixëty ets m'ixëp ko ja yä'äypyë tsajppax ets kupixyny nyämyukëtëty mëët ja to'oxypyë mëti'ipë jaamëtyën, tsixëtyën ets moxkeetsyëtyën, jä'ä ko wa'atsës n'ixy wi'ix yë Labán mtunyën.

Génesis 31:5

tääts t'ënëmaay: Ëjts nnija'apës ko yë mteetyëty ka'apës xy'ëk'oyjya'awënë, tä ijty xy'oyjyawënës ko myë''ëka'any'äjty; e ja Dios mëti'ipës ja nteety y'ëwtajtën, ka'apës xy'ëxmatsy.

Génesis 27:33

Ënet ja Isaac ojts jëtu'unyë kyumon kyutukë ets natsë'ëkëmëët y'ënäny: ¿Pën ojts të tsyu'utsy'ixta'ay etsës të xytyukniminy ja nkääkyës n'uukyës? Ëjts tëëjës ja ntimjyë'kxtaaykyojy ma ënety mijts ka'ap mjajtynyëmën ets të wyi'imy kënu'kxën mëët ja mëti'ipë jëyëjp të myinyën.

Génesis 16:13

Yë Agar, yë'ë ënety Dios mëët të myëtyä'äky, paaty ojts txëëwmo'oy: Dios mëti'ipë winë y'ijxypyën tyuunpyën, jëtu'un nyämyä'äy nyätyajxëty: Tiosës kë'ëm të xytyim'ixy, e tyamës je'eyëm njaakjuuky'äty.

Génesis 16:11

Mijts u'unk maay mnëkëjxm'ajtyp, ko myinëty jya'tëty naaxwiiny jä'ä xyëëwmo'ojëty Ismael, jä'ä ko Dios tëë tmëtoow'ity yë mjë'ëyën myaxën.

Génesis 11:5

Ënet ojts ja Wintsën tniku'ijxnaxy ja naax kajpn ets ja mëjpotsy mëti'ipë ënety ja naaxwiinyëtë ja'ay ëka'any kyojtso'ontaktëpën.

Génesis 32:9

Tää ojts tyëkë nu'kxtakpë ets ja Dios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

Génesis 46:1

Ënet ojts yë Jacob tyu'utëkë mëët tu'kë'ëyë mëti'ipë ënety myëët'ajtypyën. Ko ojts jyä'ty jam Beerseba, ënät ojts ja Dios twintsë'ëkë, yë tyeety Isaac yë Tyios.

Daniel 2:23

Mijts Dios, mëti'ipë Tyiosajtën yë nteety n'apës, tyam nkukajpxë nja'awëkyëtä'äky ets tyam ntukxoontä'äky, jä'ä ko mijts tëëjës xyajwijtyä'äky ets tëëjës xymyo'oy yë wijyajtën; e mijts tëëjës ënät xytyuknijawë mëti'ipë të n'amëtowtën: Tëës xytyuknijawëtë mëti'ipë ënety ja yajkutujkpë myëmääpy myëtäjpyën.

Deuteronomio 15:13

Ko jam tsyoonëty ma mjëën mtëjkën, këtii jëtu'unyë xynyajts'ixëty.