Génesis 31:32 - Biblia Dc en Mixe de Quetzaltepec

³² E pën jääts pën ma ëëtsëtyën të tkoonke'eky ja mtsaamëxan, wä'än t'ooky. Yë nmëku'ukajtëm yë'ë wë'ëmtëp ijxpë mëtoowpë, pën nmëët'ajtypyës winë mëti'ipë mijts mjä'ä'ajtypyën. Ko tii xypyaatëty ma ëëtsëtyën mëti'ipë mijts mjä'ä'ajtypyën oy xyajnëjkxëty. Yë Jacob ka'ap ënety tnijawë pën Raqueltëm ënety myëët'ajtyp ja tsaamëxan mëti'ipë ja Labán nyikäjpxypën.

Biblia Mixe de Quetzaltepec

³² E pën jääts pën ma ëëtsëtyën të tkoonke'eky ja mtsaamëxan, wä'än t'ooky. Yë nmëku'ukajtëm yë'ë wë'ëmtëp ijxpë mëtoowpë, pën nmëët'ajtypyës winë mëti'ipë mijts mjä'ä'ajtypyën. Ko tii xypyaatëty ma ëëtsëtyën mëti'ipë mijts mjä'ä'ajtypyën oy xyajnëjkxëty. Yë Jacob ka'ap ënäty tnijawë pën Raqueltëm ënäty myëët'ajtyp ja tsaamëxan mëti'ipë ja Labán nyikäjpxypën.

Génesis 31:32 ပူးပေါင်းရင်းမြစ်များ

Génesis 13:8

Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Génesis 19:7

tä t'ënëmaay: Mëku'ukëty tuntë mëyajtën këtii jëtu'un yë ëxëëk winma'any xypyaatë ets tëkatsy winë xytyuntëty.

Génesis 30:33

Ko mijts jëna'a min xy'ixy, mëti'ipës ënety njä'ä'ajtypyën, jää m'ëna'anëty koos ëjts ënety yë oyjyot oywyinma'any nmëët'aty e ko xypyaatëty maas ja nkemyjyotën ja tsajppax, mëti'ipë ka'ap yëkëtyën ets mëti'ipë ka'ap myoxkeetsyëtyën ets ka'apë jyaamëtyën, nme'tsypës ënety.

Génesis 31:19

Jä'ä ënety ja Labán të tninëjkxy ja kyupixyny ets ja nyijëmk tnëkääpanë, e jam ënety muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Génesis 31:23

Ënet ojts tnitsoontë nimay mëët ja jyiiky myëku'uk ets tnajtspatëtyë kom wëxtujk xëëw jam Galaad kopkjotm.

Génesis 31:30

Pën mijts mjanty wyinpitanëp ënety ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Génesis 31:31

Ënet ja Jacob t'ëtsooy ja Labán: Jä'ä ko mijts ënety ntsë'këp, tyaajës ënety nmay ntajy ko ntij mijts atsip ja mnëëx xy'ëkpëjkënëtyës.

Génesis 31:33

Ënet ja Labán tyëjkëy ma ja Jacob ja wyitnikemyën, tääts tyëjkëy näjyëtu'un ma ja Lea ja jyä'äjën ets ma ja nimäjtskpë ja tyo'oxytyëjktuunpëtyën, ka'ap tpaty ja tsyaamëxan. Ko pyëtsiimy ma ja Lea ja wyitnikkämën, ënät tyëjkëy ma ja Raquel ja jyä'äjën.