Génesis 31:26 - Biblia Dc en Mixe de Quetzaltepec

²⁶ Ënet ja Labán ojts tuk'ojy ja Jacob, wi'ix ko jëtu'un të y'ëti'itsy ets t'ënëmaay: ¿Tii të xytyuny? ¿Wi'ix ko të xywyin'ëënyës? Jëtu'unës yë n'u'unk nmaayës yaa të xyajmiinë tsumjyä'äy matsyjyä'äyën.

Biblia Mixe de Quetzaltepec

²⁶ Ënät ja Labán ojts tuk'ojy ja Jacob, wi'ix ko jëtu'un të y'ëti'itsy ets t'ënëmaay: ¿Tii të xytyuny? ¿Wi'ix ko të xywyin'ëënyës? Jëtu'unës yë n'u'unk nmaayës yaa të xyajmiinë tsumjyä'äy matsyjyä'äyën.

Génesis 31:26 ပူးပေါင်းရင်းမြစ်များ

Génesis 12:18

Ënet ojts yë mëj'ënä'ämpë tyaxtsoy yë Abram ets t'ënëmaay: ¿Wi'ix ko mijts jëtu'un m'ëtë'ëtsy? ¿Wi'ixës ko të xykyatuk'ëwaanë ko ya'atë to'oxytyëjk mijts yë mto'oxytyëjk?

Génesis 2:24

Tä ja ye'etyëjk t'ëxmajtsnëty yë tyeety ets tyaak ets tpuwa'akëty yë tyo'oxytyëjk ets nimäjtsk tu'ukyë yajpaatëty ets tu'ukyë jyä'äy'atëty.

Génesis 26:10

Tä yë Abimélec y'ënëmaayë: ¿Wi'ix ko ëëtsëty jëtu'un xytyuntë? Wäänë jeexyë jyaak'ity, tääts jeexyë pën yë mto'oxytyëjk myëëtko'knëty ets mëj këjää jëtu'un ja poky jeexyë yajtuuntëkoy.

Génesis 29:25

Komjëpom myä'äypyëti'ky yë Jacob, ënät t'ijxy kootëm ënety mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënety jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Génesis 31:16

Paaty tu'kë'ëyë jënu'un yë nteetyës Dios të pyëjkxëtyën winë, ëëts yë njä'ä'ajtëm ets n'u'unk'ajtëm n'ëna'k'ajtëm. Paaty mijts yë'ë tun mëti'ipë ja Dios të mtuk'ëne'emyën.

Génesis 31:25

Yë Labán jam ojts tnajtspaatë yë Jacob ma ja Galaad kopkjotmën, ma ënety ja Jacob të jyajtä'äkyën, najamtëkë tni''ijxëtyë ja jya'ajtakn myaatakn ja Labán mëët ja myëku'uktëjk, winkon ma ënety ja Jacob jam näjyëtu'unën

Génesis 31:27

¿Wi'ix ko të xywyin'ëënyës ets jëtu'unyë të mke'eky, nitii të xykyatuk'ëwaanës? Koos jeexyë të nnijawë, oy tsuj jeexyë të n'ëxmatsy mëët yë xuxpë wojpë ets ëëpë koopë.

Génesis 31:36

Ënet ja Jacob ojts jyoot'anpëjknë ets ojts t'ojy ja Labán, tä t'ënëmaay: ¿Tiitën mijts të ntukmëtëkoy? ¿Ets tii pokyën ëjts të ntuny ko mijts janty jëtu'un xy'ixjëtijt xypyajjëtijtnës?

Génesis 34:29

Ojts tmä'tsta'atë winë jëënjoty tëkoty jënu'un yë ja'ay jap winë tmëët'atën; tsyuumtaay myajtstaaytyë ja ëna'k'u'unkëty ets ja to'oxytyëjkëty näjyëtu'un.

Génesis 4:10

Jëtu'un yë Wintsën y'ënëmaayë: ¿Wi'ix ko jëtu'un të m'ëtë'ëtsy? Yë m'uty jyot nye'pny, mëti'ipë të xytyemy të xyjye'etyën naaxkëjxy. Yë'ëjës xy'amëtoop etsës nipaye'eyëty.

Juan 18:35

Ënet ja Pilato y'ëtsooy: ¿Jutiis ja'ay ëjtsë? Ja mmëkunaax mmëkukajpn ets ja mteety wintsënëty, yë'ë të mkë'ëyakëtë maas ëjtsën. ¿Tii të xytyuuntëkoy?

Josue 7:19

Ënet ja Josué t'ënëmaay ja Acán: U'unk maay, mëjjaw jaantyjawë yë Wintsën mëti'ipë yë Israel ja'ayëty Tyios'ajtëpën; nikajpx mëti'ipë të xytyunyën ets këtii nitii xykyuyu'utsëty.

1 Samuel 14:43

Tä yë Saúl tyajtëëy yë Jonatán: Tuk'ëwa'anëkës tii të xytyuuntëkoy. Tä ja Jonatán ojts tnikäjpxy: Pën yë'ë mnijawëjäämpy, tyam n'ëwaanëty, tëëjës wäänë një'kxy yë uuxpa'ak mëëtës yë ntajkjëjp. E kajts wyi'ixëty tyaajës nyajpaaty oyës n'ookëty.

1 Samuel 17:29

Tääts ja David y'ëtsooy: ¿E ëjts tiixës të ntuny? Ëjts je'eyës yam tu'k'aaw mäjtsk'aaw të nkäjpxy?

1 Samuel 30:2

Ojts tsuumta'atë ja to'oxytyëjkëty, pi'k ëna'këty ets ja mëjja'aytyëjkëty, je'eyëp ko je'eyë ojts tmënëjkxtë, ka'ap tjayaj'o'ktë.