Génesis 31:21 - Biblia Dc en Mixe de Quetzaltepec

²¹ Ojts tmëkäkta'ay tu'kë'ëyë jënu'un ënety tmëët'atyën, poj'am tuknajxtë ja Éufrates mëjnëë ets tuktëjkëtyë ja Galaad kopkjotm.

Biblia Mixe de Quetzaltepec

²¹ Ojts tmëkäkta'ay tu'kë'ëyë jënu'un ënäty tmëët'atyën, poj'am tuknajxtë ja Éufrates mëjnëë ets tuktëjkëtyë ja Galaad kopkjotm.

Génesis 31:21 ပူးပေါင်းရင်းမြစ်များ

Génesis 15:18

Jä'ä xëëw ojts ja Dios tuny tu'uk ja käjpxytyu'unën mëët yë Abram, ets t'ënëmaay: Ya'atë naax kam yë'ëjës nmo'ojäämpy yë m'u'unk m'ok. Jampaatës nmo'oja'any ma ja nëë'aawën Egiptëpë ets jampaat ma ja Éufrates mëjnëë'aawën.

Génesis 2:14

Ja mëtëkëëkpë ja mëjnëë jä'ä txëëwaty Tigris, mëti'ipë najxpën awinmtsow ma Asiria kajpnën. E ja mëmajktaxkpë ja mëjnëë jä'ä txëëwaty Éufrates.

Génesis 31:20

Jëtu'un ojts ja Jacob twin'ëëny ja myë't Labán ja arameë ja'ay, ko ka'ap tuknija'awëy wi'ix ojts jam tsyo'onën.

Génesis 31:22

Tëkëëk xëëw ënety të nyajxnë, ko ja Labán tnija'awëy ko ja Jacob të kye'eky.

Génesis 31:23

Ënet ojts tnitsoontë nimay mëët ja jyiiky myëku'uk ets tnajtspatëtyë kom wëxtujk xëëw jam Galaad kopkjotm.

Génesis 37:25

Tää jam tyëjkëtyë kääpyë ukpë. E ko wäänë y'ijty tä t'ijxpatë ko jam myintë yë Ismael ja'ayëty, mëti'ipë tso'ontëpën Galaad, yë'ë jëyujk jëku'ux wyojpmiintëp jap Egiptë tukmënëjkxtë yë pa'akxu'kpë mëti'ipë yajtijpën bálsamo ets mirrë ets on mëti'ipë oy xu'kpën.

Génesis 46:28

Ka'anëm ënety yë Jacob jya'të Egiptë, ko tkejxy jëyëjp yë Judá ets nëjkx ja José t'ixy ets nyiminëtëty jyëjpye'eyë'ëkëtëty jam ma ja it naaxwiinyëtë txëëwatyën Gosen. Ko jyajtë jam Gosen,

2 Samuel 24:6

Jam tsyo'ontë ets nyëjxtë Galaad ets Cadés, ma ja Hit ja'ay tsyëënëtën. Jam tsyo'ontë tääts ojts jya'të Dan, Dan nyajxë'ktë ets jam y'ëwtijtë Sidón.

1 Reyes 17:1

Ja käjpxynyajxpë mëti'ipë xyëëwajtypyën Elías, jampë tsyoonyën Tisbé, ma Galaad y'itjotmën, jëtu'un t'ënëmaay ja Ahab: Tyam yajxon mijts n'ënëëmë mëët yë Wintsën yë xyëëw, mëti'ipës nmëtuumpyën, ko ya'atë xëëw ya'atë jëmëjt ka'ap tyajtu'uja'any ets ni tu'ktsunyën yë maanik tkayajka'aja'any, koonëm yë'ë jatëkok tnikajpxëty.

2 Reyes 12:17

Jä'ä jëmëjt yë Hazael mëti'ipë jam yajkutujkpën Sirië, ojts tkexy yë myaytsyiptuunpë ma nyaaxjotmën yë Gad ets tjä'äpëjky, jam tsyo'ony tääts ojty nyijkxy Jerusalén.

Jeremias 50:5

Yajtëwantëp maatsow wyi'imyën ja në'ë tu'u mëti'ipë nëjkxpën Sión, jam nyëjkxa'antë ets y'ëna'ana'antë: Tsojk ninëjkxëmë yë Wintsën ets mëët ntu'unmëty tu'uk yë käjpxytyu'unën mëti'ipë itëpën xëmë, mëti'ipë ka'ap yajja'atyëkoyëtyën.

Deuteronomio 3:12

Ja naax kam mëti'ipë ojts niwa'aktësën jä'ä xëëw jä'ä jëmëjt, yë'ë ojts nmo'otës yë Rubén yë jyä'äjëty ets Gad yë jyä'äjëty. Jam tsyo'ontä'äky ma Aroer mëjnëëjën ets nyäxy ma ja Arnón mëjnëëpa'ajën, kujkwä'kxy ja Galaad kopkjot tpëjky, mëët ja nyikajpn.

Jueces 10:18

Ja Israel ja'ayëty jampë ënety tsyëënëtën Galaad ets ja mëjja'aytyëjk ets tëkokyëty ja ja'ayëty ojts tkajpxmuktë pën ja tsip nyikopk'atëpën ma ja Amón ja'ayëty mëët tsyiptuna'antën, yë'ë wë'ëmëp ënä'ämpë ma tëkokyë ja ja'ayëtyën jampë tsyëënëtën Galaad.