Génesis 31:19 - Biblia Dc en Mixe de Quetzaltepec

¹⁹ Jä'ä ënety ja Labán të tninëjkxy ja kyupixyny ets ja nyijëmk tnëkääpanë, e jam ënety muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Biblia Mixe de Quetzaltepec

¹⁹ Jä'ä ënäty ja Labán të tninëjkxy ja kyupixyny ets ja nyijëmk tnëkääpanë, e jam ënäty muum yajpaaty ko ja Raquel ojts tmeetsy ja naaxpotsy u'unk mëti'ipë ja tyeety ijty y'ëwtajtypyën.

Génesis 31:19 ပူးပေါင်းရင်းမြစ်များ

Génesis 24:38

Jam mnëjkxëty maas ja njëëky nmëku'uk tsyëënëtën jyuuky'atën ets xy'ixta'ajëty tu'uk ja to'oxytyëjk mëti'ipës ja nmaankës pyëkëp y'uukëpën.

Génesis 31:20

Jëtu'un ojts ja Jacob twin'ëëny ja myë't Labán ja arameë ja'ay, ko ka'ap tuknija'awëy wi'ix ojts jam tsyo'onën.

Génesis 31:30

Pën mijts mjanty wyinpitanëp ënety ma ja mteety ja jyëën tyëjkën ets paaty të mtsoony. ¿Wi'ix ko të xy'ëkmä'tspë ntsaamëxanës?

Génesis 31:32

E pën jääts pën ma ëëtsëtyën të tkoonke'eky ja mtsaamëxan, wä'än t'ooky. Yë nmëku'ukajtëm yë'ë wë'ëmtëp ijxpë mëtoowpë, pën nmëët'ajtypyës winë mëti'ipë mijts mjä'ä'ajtypyën. Ko tii xypyaatëty ma ëëtsëtyën mëti'ipë mijts mjä'ä'ajtypyën oy xyajnëjkxëty. Yë Jacob ka'ap ënety tnijawë pën Raqueltëm ënety myëët'ajtyp ja tsaamëxan mëti'ipë ja Labán nyikäjpxypën.

Génesis 31:34

Ënet ja Raquel ojts pojën ja tsaamëxan tyu'utsy yujktuumpäjnpa'tkë'p ets jam tni'ënyaaypyejty. Yë Labán tëë ënety tja'ixtaaytyä'äy ja tsyaamëxan ma ja wit tëjkën, ka'ap nimaa tpaty.

Génesis 31:35

Ënet yë Raquel t'ënëmaay yë tyeety: Tatë, këtii m'äkëtëty oyës nkawä'ätsë'ëkëty, mijts mwintuuy, ëjts ëmaay'ijtpës tyam. Yë Labán ojts tjajaak'ixtaay'ëti'itsy ja tsyaamëxan, e nikä'äpyëm nimaa tpaty.

Génesis 35:2

Ënet ja Jacob ja y'u'unk y'ëna'k t'ënëmaay ets tu'kë'ëyë jënu'un ënety mëët tsyëënën jyuuky'ätyën: Yajpëtsëmtë tu'kë'ëyë jënu'un xytyijtën Dios ets ka'apë tiosëtyën, tsi'iwtë xëtstë ets jääntëkatstë yë mwitëty mtujkxyëty.

Génesis 38:13

Ko yë Tamar tnija'awëy ko ënety ja tyu'u të nyijkxy jam Timnat ets tnikääpa'any yë kyupixyny.

2 Samuel 13:23

Kommäjtsk jëmëjt, jam ënety yë Absalón yë jyä'äy tyuntë Baal-azor, yë'ë yë tsyajppax jam nyika'ptutëp ets pixyny tyajënaktë, jam wyi'imy winkon ma Efraín yë y'itjotmën. Ënet ojts yë Absalón tu'uk yë ka'ayën ukën tnipëjktaakë ma twoowtaayën tëkokyë ja yajkutujkpë, David ja y'u'unk y'ëna'k.

2 Reyes 23:24

Josías ojts tyajkutëkooytyä'äy ja kajpxpojkpëtëjk ets ja patooy panajxpë; yajkutëkooytyääy ja awinax mëti'ipë ja'ay myëët'ajtëpën winjëën wintëjk, ja wiinkëtypë ja awinax ets tëkokyë mëti'ipë ënety ja ja'ayëty të tyajnikojtu'utën ets t'ëwtatë, jampë Jerusalén ets Judá yajpaatën. Paaty jëtu'un winë tuuny, jä'ä ko ojts ja wyinma'any tpëjktä'äky ko tpatuunta'aja'any ja ënä'ämën tëyajtën mëti'ipë jap miinpën kuja'ay ma ja nokyën mëti'ipë ja Hilquías pyatën ma ja tsajptëjkën.

Ezequiel 21:21

Tëë ja Babilonyë yajkutujkpë nyäpyëjktä'äkyë jam ma mäjtskpë ja tu'u tsyoonyën, tam t'ijxpëtsëmy wi'ix winë tunëtyën, tam t'ixta'ay tuunta'ay yë tyi'pxn, tam näjyëtu'un tyajtëy yë tyios, tam t'ixy tuny wi'ixjaty ja jëyujk määts y'ixëtyën.

Oseas 3:4

Jä'ä ko yë Israel ja'ayëty jeky ka'ap tmëët'ata'antë yë kyutujkpëty ets mëti'ipë nikopk'atëtëp, ka'ap tyaka'antë wintsë'kën ets ka'ap t'ëwtata'antë ja tsaanipiy kënu'kxypyë, ka'ap tmëët'ata'antë yë teety wit ets awinax mëti'ipë tu'kjëën tu'ktëjk myëët'ajtëpën.

Josue 24:2

ets t'ënëmaay ja naax kajpn: Jëtu'un yë Wintsën y'ënä'äny mëti'ipë Tyios'ajtypyën yë Israel ja'ayëty: Tëëyëp ma jyuuky'äjtyën yë Térah, yë Abraham ets Nahor yë y'u'unk y'ëna'k, miits yë m'ap m'okëty jampë tsyënaaytyën nëë''ëkë'ëm ma ja Éufrates mëjnëëjën.

Jueces 18:31

Ma yë'ëjëtyën jam ojts ja Micaías ja kyepy tsyetsy jeky y'ity, mapaat ja Wintsën ja jyëën tyëjk yajpatyën jam Siló.

1 Samuel 15:23

Mëti'ipë ka'ap tkäjpxymyëtoyën yë Wintsën, näjyëtu'un yë pyokytyuny tä najtsja'apën, ets tä yë mëti'ipë yë wiink tios y'ëwtajtypyën, mëti'ipë käjpxykyutëjpën. E komë mijts tëë xy'ijxtijë ja y'aaw y'ayuk, näjyëtu'unts ënät tyam m'ixtijyë ma m'ëne'emyën.

1 Samuel 19:13

Mical je'eyë ojts tu'uk yë kepy tsetsy twinpity jëtu'unpë kyëxë'ëkyën tä ja'ayën, ets tkëxko'ky jam wëëtykyijxy ets jam ma ja koyën tsajppax'ak ojts twintijmuky ets tnipe'eny mëët tu'uk yë poop wit.

1 Samuel 25:2

Jam Maón jam ijty tu'uk yë kumeenyjyä'äy tsyëënë, jä'ä yë kupixyny tmëëtëty tëkëëk mil ets tsyajppax tu'uk mil; jam tyooky yäky mëj kajpnjotm ma txëëwatyën Carmel. Jam ma xëmë tnikeepy tniwixyën ja kyupixyny.