Génesis 30:27 - Biblia Dc en Mixe de Quetzaltepec

²⁷ E ja Labán tyaa ja ojts y'ëtsoy: Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Dios mëj këjää të xykyënu'kxyës mëët mijtskyëjxm.

Biblia Mixe de Quetzaltepec

²⁷ E ja Labán tyaa ja ojts y'ëtsoy: Wë'ëm yaa maas yë njëën ntëjkën, tun yë mëyajtën, tëës nijawë mëët yë nkë'ëmjot nkë'ëmwinma'anyës ko yë Tios mëj këjää të xykyënu'kxyës mëët mijtskyëjxm.

Génesis 30:27 ပူးပေါင်းရင်းမြစ်များ

Hechos 7:10

Ojts ja Dios yajpëtsëmyë amaayjoty jotmayjoty. Mooyë ja wijy'ajt kujk'ajtën ets ojts myëku'ukjawëty ja faraón mëti'ipë jap Egiptë yajkutujkpën, ets nyikajpxpäjtë näjyëtu'un kutuunk ma ja Egiptë kajpnën ets ma ja kutujkëntëjkën.

Isaías 61:9

Ja y'u'unk y'okëty akäjpxy nëjkx muum y'itë ma naax kajpnën; tëkokyë mëti'ipë y'ijxtëpën nyija'awëtëpën tääpë kajpn, nëjkxëp y'ëna'antë ko tääpë kajpn mëj këjää yë Wintsën të kyënu'kxyë.

Rut 2:13

Ënet ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Génesis 26:24

E jä'ä tsu'um ja Dios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Éxodo 3:21

Ëjts näjyëtu'un nyajkutukäämpyës ets Israel ja'ayëty oy yajawëtëty ma Egiptë ja'ayëtyën ets ko ënety jap tsyo'onëtë, ka'ap nëjkx jëtu'unyë nyajts'ixëtë, nëjkxëp winë y'ëkmaymyooyënëtë.

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Génesis 47:25

Ënet ojts yë'ëjëty y'ëtsowtë: Mijts wintsën janty'oy yë mjot mwinma'any xymyëëtëty mëët ëëtsëty, mijtsës yë njuukyajtën të xyajtsokëtë. Paaty tyam oy yë'ë yajkutujkpë nmëtuntëtyës.

Génesis 33:15

Ënet yë Esaú y'ëtsooy oy'atëp: E min n'ëkyajwë'ëmyës mäjtsk tëkëëk yë nja'ayës mëti'ipë mëët minëtyën. Tä ojts yë Jacob y'ëtsoy: Tun yë mëyajtën. ¿Këtii nëkoo mnäjyotmaytyunyë?

Génesis 30:30

Koos yaa nmiiny nja'ajty wäänë ënety winë xymyëët'aty, e tyam ix jënu'un të nyimayënë. Tää ënät yaj'ixy, ko Dios jëtu'un kyënu'kxën të tyajkëtä'äky ma mijtsën, e yë'ëjës ënät tyam nyajtëëpy, jëna'ajës yë nkë'ëmtuunk nyajtso'onta'akëty mëti'ipës yë n'u'unk n'ëna'k ntuk'ixëpën.

Génesis 18:3

Tää t'ënëmaay: Wintsën tuntë mëyajtën ets ka'ap ënätyë mwinpitëty.

Daniel 1:9

Dios ojts tyuny paaty ja wintsën mëti'ipë jam tuunpën ma ja kutujkëntëjkën oy ojts tja'akyukë tä ja Daniel y'ënëmaayën,

1 Reyes 11:19

Yë Hadad janty'oy ojts jyawëty yë yajkutujkpë, japë ënety tyunyën Egiptë, paaty ojts kë'ëm t'a'ixë ja Hadad mëët pyëkëty ja yajkutujkpë ja kyäpy, ja y'uty ja wintaj mëti'ipë xyëëwajtypyën Tahpenés.

Génesis 34:11

Ënet ja Siquem tukmëmëtyäky ja mëti'ipë ënety jyotmay'äjtypyën ja Dina ja tyeety ets ja myëkä'äxtëjk: N'amëtoowtëp npëjktsoowtëp yë mëyajtën ets xykyupëktëty. Ëjts nyakäämpyës oy miitsëty tii xytyim'amëtowtëty mëjpë këjääpë.

Isaías 65:8

Yë Wintsën jëtu'un y'ënä'äny: Ko yë tsatsymtsya'am tëë yajxon tsyä'ämy ets tap yë nyëë jyätyë, ka'ap pën tyajma'aty yë tsatym nyëë. E näjyëtu'unës ntuknipëjktaakë ntuna'a mëët koos ntsoky njawë ja ntuunpëtëjkës, ja naax kajpn ka'apës nyajkutëkoyä'äny.

Isaías 6:13

Oy ja ja'ay ënety jyaak wë'ëmtë jam kajpntum, nëjkxëp ja kyutëkoytyë näjyëtu'un, nëjkxëp jëtu'un jyäty tä tu'uk ja kepy yajwinpujxta'ayën yë y'ääy xye'enty tääts yi'iyë kepy kyopk jyaak wë'ëmy. E ma tääpë kepykyopkën, jamts ja jyi'tsk ok pyëtsëma'any.

Salmos 1:3

Tääpë ja'ay jëtu'un npëjktakmëty ijxtëm tu'uk yë mëj kepyën nëë ëkë'ëypyë tyänën, ko tyëëmpety yë'ënëm yë xëëw po'o tyukpatyp, ets ka'ap nijëna'a y'ääy xyootsy, tu'kë'ëyë mëti'ipë tyuunpyën aak'oy wyimpëtsëmy.

Nehemías 2:5

tääjës ja yajkutujkpë n'ëtsooy: Pën yë Yajkutujkpë y'a'ijxëp ets pën xy'oyjya'apës, nmëtaja'anyës jam Judá, jam ma kajpnën ma jam y'itën naaxnitajy ja n'aptëjkës ets jatëkok nkoj'oyëtyës.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

1 Samuel 16:22

Ojts ja Saúl tu'uk ja noky tkexy ma ja Jesé yajpaatyën ets t'ënëmaay: Tun yë mëyajtën ëxmats wä'än yë David twë'ëmy mëët ëjts. Jä'ä ko yë Saúl janty jotkujk ënety nyäjyawëty ko jyam'aty ja David.

Génesis 44:5

¿Mëti'ipës yë nwintsën tyuk'ukëpën ets mëti'ipë winë mëët tuknasjawën? Miitsëty ëxëëk winma'any jëtu'un mpatëp.

2 Samuel 6:11

Ja Wintsën ja kyaaxë jä'ä ojts jam pyo'oxy tëkëëk po'o ma ja Obed-edom ja tyëjkën, jëtu'un tä pyoxyën ja kaaxë jam ma ja Obed-edom ja tyëjkën jëtu'un ojts ja Wintsën ja kyënu'kxën jam tyajkëtä'äky.