Génesis 30:15 - Biblia Dc en Mixe de Quetzaltepec

¹⁵ E yë Lea tyaa y'ëtsooy: ¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë. Ënet ojts yë Raquel y'ënä'äny: Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.

Biblia Mixe de Quetzaltepec

¹⁵ E yë Lea tyaa y'ëtsooy: ¿Mijts ka'ap xy'ëkim mëjpëjktä'äky koos ojts ja niye'etyëjk xypyëjkë? E tyam xypyëjkëjaanpës ënät näjyëtu'un ya'atë ujtstëëm mëti'ipë yë nmaankës të tmëja'tyënë. Ënät ojts yë Raquel y'ënä'äny: Mëëtkyëjxm yë mmaank yë y'ujtstëëm, mijts ënät ya'atë tsu'um mëët yë Jacob ma'ajëty.

Génesis 30:15 ပူးပေါင်းရင်းမြစ်များ

1 Corintios 4:3

Ka'apës yë'ë nmëjpëjktä'äky pën wi'ixës miits xynyikajpx xynyimëtya'aktë ëkë pën wi'ixës ja ja'ay xytyijtë mëti'ipë yaa naaxwiiny paye'eytyëpën; nän ka'apës ëjts kë'ëm nnäpyaye'eyä'änyë;

Ezequiel 16:47

E mijts näjyëtu'un të m'ëtë'ëtsy tä yë'ëjëtyën nän timjëtu'un winë ëxëëkjaty të xytyuny. Ka'ap mkuxë ni'ik o'ktëy të m'ëtë'ëtsy.

Isaías 7:13

Ënet ja Jeséas y'ënäny: Miitsëty jënu'un ja David xymyëku'uk'atën, mëtoow'itë ya'atë ja aaw ayuk, miitsëty mëti'ipë David m'u'unk'ajt m'ok'ajtëtëpën. Miitsëty ka'ap yowë mtimkyu'uxëtë nijënu'un ko ja mjëëky mmëku'uk je'eyë xyajjotkëxtë ets xymyëmayëtë, yë'ëpaat yë Dios xymyëma'ayënëtë.

Génesis 30:14

Tëkok ojts yë Rubén nyijkxy jam kamjotm, ma tsajpmok ënety pyëti'ikyën, jam kamjotm ojts pi'k ujtstëëm tpaaty mëti'ipë xyëëwajtypyën mandrágoras. Ënet ojts tuky ets ja tyaak Lea ojts tukninëjkxy, ko ja Raquel t'ixy ja ujtstëëm janty'oy, ënät t'ënëmaay ja Lea: Tun yë mëyajtën mooykyës wäänë yë ujtstëëm, mëti'ipë yë mmaank të tmëja'tyën.

Génesis 30:16

Jajmony ko ojts ja Jacob jyä'ty, ënät ojts ja Lea tjëjpaatë'ëky ja Jacob ets t'ënëmaay: Tyam ya'atë koots ëjts ënät xymyëëtma'ajëp, jä'ä ko tëë npëjktsoy mëët ja ujtstëëm mëti'ipës ja nmaank të tmëja'tyën, mëti'ipë yajtijpën amëxan mandrágoras. Jä'ä koots yë Jacob ojts mëët myä'äy yë Lea.