Génesis 3:4 - Biblia Dc en Mixe de Quetzaltepec

⁴ Ënet ja tsa'any t'ënëmaay ja to'oxytyëjk: Ka'ap tääpë tyiyajtënëty. Ka'ap m'ooktëty.

Biblia Mixe de Quetzaltepec

⁴ Ënät ja tsa'any t'ënëmaay ja to'oxytyëjk: Ka'ap tääpë tyiyajtënëty. Ka'ap m'ooktëty.

Génesis 3:4 ပူးပေါင်းရင်းမြစ်များ

2 Corintios 11:3

E tsë'këpës ko jëtu'un mjatëty ijxtëm ja Eva ojts ja tsa'any wyin'ëënyën, paatyës njëjpjawë ko miits nëjkx näjyëtu'un myajwin'ëëntë ets miits xykya'ëktsojknëtëty ja Kristë mëët ja oyjyot oywyinma'any.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

1 Timoteo 2:14

Ja Adán ka'ap ojts yë'ëjëty yajwin'ëëny, to'oxytyëjk ojts yajwin'ëëny ets ojts kyuka'ajë pokyjoty.

2 Corintios 2:11

Jëtu'un ka'ap ja mëjku'u xymyëmëtakmëty mëti'ipë nija'awëmën ko je'eyë wyin'ëëny.

Génesis 3:13

Ënet yë Dios tyajtëëy yë to'oxytyëjk ets t'ënëmaay: ¿Wi'ix ko jëtu'un të m'ëtë'ëtsy? Ënet yë to'oxytyëjk y'ëtsooy: Yë tsa'any yë'ëjës të xywyin'ëëny, paatyës yë tääpë ujtstëëm të një'kxy.

Salmos 10:11

Yë ëxëëk ja'ay jëtu'un myäy tyäjy ko Dios jyä'äytyëkoopy winë, ko je'eyë nyäwyinkumatsëty tääts ka'ap tii t'ixy.

2 Reyes 8:10

Ënet ja Elisejë y'ëtsooy: Nëjkx ënëëmë ko tso'okaanp yë'ë, je'eyëp ko tëëjës xy'ënëëmë yë Wintsën ko je'eyëm yë y'ooka'any tyëkoyä'äny.

2 Reyes 1:16

ko jam jyä'äjty, tä t'ënëmaay ja yajkutujkpë: Jëtu'un yë Wintsën y'ënä'äny: Mëët ko ja mkukäjpxy të xytyuknikexy ja Baal-zebub, ja awinax mëti'ipë jamën Ecrón, jëtu'un tä jeexyë ka'ap jyämëtyën yë Wintsën ma Israel kajpnën mëti'ipë jeexyë winë myajtëëpyën, tyam ka'ap ënät m'ëk tsok m'ëk akëtaknëty, m'ookaanp yë'ë.

2 Reyes 1:6

Tä y'ëtsoowtë: Ja'ayës tu'uk të mpaatë jam tu'ujotm ets të xytyu'u'ëtuktës ets të xy'ënëëmëtës koos nwinpitëty ma ja yajkutujkpën mëti'ipës të xykyäxtën ets n'ënëëmëtëtyës: Jëtu'un yë Wintsën y'ënä'äny: ¿Ti ka'ap yë Wintsën jää ma Israel kajpnënë, tii ko jam winë xyajtëwtë ma Baal-zebub, jampë yajpaatyën Ecrón? Mëët mëti'ipë të xytyunyën, ka'apëk ënät mtso'okëty, m'ookëpëk ënät.

2 Reyes 1:4

Ets ënëëmë näjyëtu'un, ko ëjts mëti'ipë Wintsën'ajtpën, jëtu'unës n'ënëëmë yë Ocozías: Mijts ka'ap m'ëk niwijanë, m'ookaanp yë'ë. Ja Elías ojts jyänty nyijkxy ets jëtu'un tuuny.

Deuteronomio 29:19

Pën jam pën y'ënä'äny ëkë myäy tyäjy; ëjts tiijës pën xykyëwentëty jyëkyejpyës ntunëty oy tii ntimtyuna'anëtyës, jëtu'unpë ja'ay yë'ë ja poky myëët'atëp, ko ënety miitsëty wi'ix mjatë mkëpätë.

Génesis 3:3

Mëti'ipë tëy ka'ap tjëkyepyën ëëts një'kxtëty ets ntontëty yë'ë mëti'ipë jap yajpatpën kam'itkujky. Tiosës të xy'ënëëmëtë ko ka'ap mëpaat një'kxtës tääpë kepy yë tyëëm. Jä'ä ko pën ntuuntëpës jëtu'un kopkpëky koos n'ooktëty.

2 Crónicas 18:21

ets y'ëtsooy ja ëxëëk poj, ko yë'ë tyuktëjkëtya'ajäämpy ja yajkutujkpë ja kyäjpxynyajxpë. Ënet ja Wintsën y'ëtsooy, ko jëtu'un tyuna'any jyata'anyë ets wä'än nëjkx jëtu'un tuny.