Génesis 3:24 - Biblia Dc en Mixe de Quetzaltepec

²⁴ Ko ënety tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Biblia Mixe de Quetzaltepec

²⁴ Ko ënäty tëë ja Ye'eytyëjk jap tju'tnë kamjoty, ënät nyäpyëjktakëtë jam awinmtsow ja Wintsën ja kyukäjpxy ets tu'uk yë tëypyujxn jëënmëët wyojpminy wyojpxëpy xiitsow yaatsow, yë'ë kyëwent'ajtëp ja jë'kxykyam. Jä'ä këtiipë pën tmëwinkonëty ja ujtstëëm mëti'ipë myëët'ajtypyën ja juukyajtën.

Génesis 3:24 ပူးပေါင်းရင်းမြစ်များ

Génesis 3:23

Paaty ojts yë Wintsën tim yajpëtsëmy ja ye'etyëjk jap ujts tsa'am jë'kxykyamjotm. Ets tpëjktäky wiinktsow ets tyunëty naaxwinm tu'uwinm ma ojts kyojyën.

Génesis 4:1

Yë ye'etyëjk ojts mëët nyäpyuwa'akëty ja tyo'oxytyëjk Eva ets ojts ja tyo'oxytyëjk wyi'imy u'unk mëët. Jëtu'un tyajmëxu'unk'ajty tu'uk ja y'u'unk mëti'ipë xyëëwmooyën Caín. Ets y'ënäny: Tiosës tu'uk yë u'unk maay të xymyo'oy ye'etyëjkpë.

Génesis 4:14

Tyamës mijts xy'ëxkexy yaa naaxwiiny. Kopkpëky ko ëjts ënät jëtu'unyë n'anëty npojëty ets nmëjëkäm'atëty. Ets po'kxën nijëna'ajës nka'ixëty. E koos muum pën xypyaatëty tääjës xyaj'ook xyajtëkoyëty.

Salmos 104:4

Yë poj yoots yë'ë mtukmëjëtijtyp yë m'aaw m'ayuk, ets jëën yë'ë mmëtuunëp.

Salmos 80:1

Mëti'ipë wyoow'ijtyp wyijts'ijtypyën yë Israel, mëët ko oy yë José xytyu'uwinwoy xytyu'uwinwitsy jëtu'un tä ja'ay yë kyupixyny oy twojpjëtityën, ets ko yë mkutujkën xymyëëtëty itkujky ma Wintsën kyukexyën, mëtoow'it.

Salmos 99:1

Yë Wintsën yë'ë yajkutujkp. Yë y'ënyääytyakn ma yajkutukyën jam yajpaaty kyukäjpxy akujky. Yë naax kajpn jëtu'un jyänty tsyëtyuytyë, ets tëkokyë yë naaxwiinyëtë mapaat y'ëwtityën.

Éxodo 25:2

Ënëëmë yë Israel ja'ayëty wä'än tyajmuktë yë ayajk ako'onën mëti'ipës xymyo'otëpën. Ko xyaktëty ya'atë ayajk ako'onën yam n'amëtoyësën, jä'ä xyaktëty kë'ëmtsojkën ets winë aaw winëjot.

Ezequiel 10:1

Ënätës të n'ixy jam niwits nijuux nëkëjxm mëti'ipë yajpatpën ma ja kyëpajkëtyën ja tsajpjotmëtë kukäjpxy, tu'uk yë kutujkëntakn aak tsuxk uky tsyaa mëët y'oytyunyëty.

Ezequiel 31:11

Paaty të ntimy nyajts'ixës, oy ënät nyiminëtëty yë myëtsip, mëti'ipë wiink kë'ëy wiink kajpn tso'onpën ets ëxëëk tyunëtëty jëtu'un tä nyitëkëtyën ko të tyuuntëkoy.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Hebreos 1:7

Ets ko ja Dios tnimëtyä'äky ja tsajpjotmëtë kukäjpxy, jëtu'un y'ënäny: Jëtu'un tpëjktä'äky ja y'anklës ijxtëm ja pojën, ja myëtuunpë ijxtëm ja jëënyä'änkën.

Josue 5:13

Tëkok ojts jyäty kyëpety, jam ënety yë Josué yajpaaty winkon ma Jericó kajpnën, ko tu'uk yë ja'ay nyimiinë mëët yë yenypyujxn jam kyë'ëkëjxm, ënät ja Josué ojts tninëjkx ets tyajtëëy: ¿Wi'ix miny ëëts xypyutëkëjantëpë ëkë mëtsip mputëkëjäämpyë?

1 Samuel 4:4

Ënet ja Israel ja'ayëty tkäjxtë ja tsiptuunpë nikanaak jam Siló ets tyajmintëty ja kaaxë mëti'ipë ja käjpxytyu'unën myë'ijtypyën mëti'ipë ja Wintsën, mëti'ipë maaytyääyëpën jyä'ä'ajtypyën. Jam ënety yajpaaty itkujky ma ja Wintsën ja kyukäjpxy y'itën mëti'ipë xyëëwajtëpën querupines. Ojts myintë ja Ofní ets ja Finees, ja nimäjtskpë ja myaank ja Eli, jä'ä pyamiintë ja Dios ja kyaaxë mëti'ipë ja käjpxytyu'unën myë'ijtypyën.