Génesis 3:21 - Biblia Dc en Mixe de Quetzaltepec

²¹ Dios ojts kë'ëm t'oytyuny yë wit xox mëët yë jëyujk po'o jëyujk ni'ak, mëti'ipë wyit'at xyox'atëpën ja ye'etyëjk mëët ja tyo'oxytyëjk,

Biblia Mixe de Quetzaltepec

²¹ Tios ojts kë'ëm t'oytyuny yë wit xox mëët yë jëyujk po'o jëyujk ni'ak, mëti'ipë wyit'at xyox'atëpën ja ye'etyëjk mëët ja tyo'oxytyëjk,

Génesis 3:21 ပူးပေါင်းရင်းမြစ်များ

Génesis 3:20

Yë ye'etyëjk jä'ä txëëwmooy ja tyo'oxytyëjk: Eva. Jä'ä ko yë'ë ojts y'ity Taak tsi'tsk ma tu'kë'ëyë winë mëti'ipë juukyajtpën.

Génesis 3:22

ets y'ënäny: Tyam jëtu'un yë ye'etyëjk të y'awinpity tä ëëtsajtëmën. Jä'ä ko tyam nyija'ap mëti'ipë oy ka'oyën. Ijxkëm ënät näjyëtu'un tjë'kxpë ja aaytyëëm ujtstëëm mëti'ipë ja juukyajtën myëët'ajtypyën ets y'ëkjuuky'ajtnëty winë xëëw winë jëmëjt.

Génesis 3:7

Jä'ä xëëw jä'ä jëmëjt ma ojts ja ujts jëtu'unpë tjë'kxtën, mëti'ipë ja Dios ka'ap t'ëwa'atsyën tjë'kxtëty. Ënet ojts wyinma'anytyëkëtë ets ja wyiin y'ëwatstë ets nyäjya'awëpyatëtë nimäjtskëty ko niwa'ats ëxwa'atstëm ënätyëty. Ënet ojts oywyi'ix t'atsuummujkojtë yë ujts'aay ets yë'ë mëët nyätyuk'ëtujkëtë.

Isaías 61:10

Ëjts ntukxoontäkpyës yë Wintsën. Jotkujkës nnäjyawëty mëët yë Wintsën, jä'ä ko yë'ëjës të xyajtso'oky ets të xyajmëtä'äkyës. Jëtu'unës tä tu'uk ye'etyëjkën mëti'ipë pëkaanpën ets tpëjktä'äky yë kyujän ëkë tä tu'uk to'oxytyëjkën mëti'ipë pëkaanpën ets nyantsëm oyëtypë yajpëjktä'äky.

Romanos 3:22

mëët ja mëpëjkën jam ma ja Jesukristë, Dios wa'ats tyajnaxy ni'ëmukë ja ja'ay mëti'ipë të myëpëktën. Ka'ap wyin'ixy wyinkexyëty;

1 Corintios 12:23

Ets tu'kpëky ja ni'kx kopk mëti'ipë ka'ap nëkoo n'oyjya'awëmën, yë'ë wäänëni'ik wintsë'ëkë nyaj'ijtëmë; ets mëti'ipë ka'ap nyajnikëxë'këmën, yë'ë wäänëni'ik nkëwent'ajtëmë.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.