Génesis 3:17 - Biblia Dc en Mixe de Quetzaltepec

¹⁷ Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Biblia Mixe de Quetzaltepec

¹⁷ Tä ja ye'etyëjk näjyëtu'un t'ënëmaay: Mijts, ko yë mto'oxytyëjk të xymyëmëtoy ets të xymyëpëjkë ja y'aaw y'ayuk ets xyjyë'kxëty ja aaytyëëm ujtstëëm mëti'ipës ka'ap të n'ëwa'atsyën ets xyjyë'kxtëty. Tyam poky yë naax kam wyë'ëmëty mëët mijts mpokykyëjxm. Mëk mnäyajtunëtëty ets mjë'kxy mpëky pyëtsëmëty kamwinm tu'uwinm mapaat yaa mjuuky'ätyën naaxwiiny.

Génesis 3:17 ပူးပေါင်းရင်းမြစ်များ

Génesis 3:11

Ënet ja Dios tyajtëëy ets t'ënëmaay: ¿Pën të m'ënë'ëmxëty ko mniwa'ats m'ëxwa'atsëty? ¿Ijxkëm të xy'ëkjë'kxnë ja ujtstëëm mëti'ipë ntuk'ënëmaaytyën ets ka'ap xyjyë'kxtëty?

Génesis 3:18

Jam naaxwinm muxëp yë aay ujts mëti'ipë kuumpën ets yajtsëtyujtpën. Yë aay ujts yë'ë mjë'kxëp.

Génesis 3:6

Ënet ja to'oxytyëjk t'ijxy, ko ja ujtstëëm janty'oy kyëxë'ëky ets janty oyjyë'kxnë. Tää tu'uk tnëtujky ets ojts tjë'kxy. Jä'ä ko y'atsojkpy ja këpetyajtën. Ojts tmo'oy näjyëtu'un ja nyiye'etyëjk ets ojts tjë'kxy.

Génesis 5:29

Jä'ä ojts txëëwmo'oy Noé ets y'ënäny: Yë Wintsën të tpoky yë naax. Mëk jëtu'un ntu'unmëty täänëm jam winë pyëtsëmëty kamwinm. E ya'atë u'unk maay të jyä'tyën, yë'ë nëjkx yë po'kxën xytyuk'ijxëmë.

Génesis 8:21

Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

Job 14:1

Yë naaxwiinyëtë ja'ay mëti'ipë to'oxytyëjk të yajminy të yajke'exyën, wäänë jyuuky'äty ets ko jyuuky'äty, je'eyë amay jotmay tmëët'aty.

Job 21:17

¿Jëna'a yë ëxëëkja'aytyëjk të y'ëkupi'tsëtëpë? ¿Jëna'a të y'ëk'ëyo'onpatëpë? ¿Jëna'a yë Dios të y'ëktukjoot'anpëjkëtëpë ets të y'ëk'yaj'ëyoowëtëpë?

Salmos 127:2

Ka'ap yë'ëjëty tsyowpaaty ko ja'ay tyunëty xëëwpaaty, pën oywyi'ix nyäyajkayë, yë'ë tsoowpatp mëti'ipë ja'ay Dios yajkaay yaj'ukëpën oy jyääjëty ko mya'atë pyo'kxtë.

Eclesiastés 2:11

Ënätës të nmëmay të nmëtajy mëti'ipëjatyës të ntunyën ets wi'ixës tii të nmëmay të nmëtajyën ets mëti'ipës mëj këjää të nituunkën ets të nijawës ko nëkoopë tääpë tuunk të nyatëkë'aty, jëtu'un tä ja'ay poj tmatsa'anyën ets ko kajtëm yaa nitii naaxwiinyëtë tii mëpaat ntukjotkëtäkëmën.

Eclesiastés 2:17

Ënätës të n'ëxëëk'ixy yë juukyajtën, jä'ä ko tu'kë'ëyë mëti'ipë tuunëpën jajtëpën aak ëjtsën nja'ap xytyukkëtakpety. Aak natëkë winma'any yë'ë ets nëkoopë je'eyë juukyajtën ntuk'ëyë'kmëty.

Eclesiastés 5:17

Nëkoo je'eyë të pyajuuky'äty akootstuuypyën ets je'eyë xëmë të nänyä'ämë të tyajnaxy ets pëjkën ijxën, monyëtukyë.

Mateo 22:12

Tää t'ënëmaay: Mëku'uk ¿Wi'ixën të mtëjkënë yaa, kajts ja mwit xymyëët'aty mëti'ipë ja'ay pyëjktaktëpën ko pën pyëjkpë nikay? E ja ye'etyëjk amonyë y'ity.

Mateo 25:45

Ets ja yajkutujkpë y'ëtsowa'anëtë: Tëy miits n'ënëëmëtë, ko tu'kë'ëyë mëti'ipë miits ka'ap të xytyuntë oy ma tyaapë ja'ayëtyën ëmaay amutskpë, ëjtsën jëtu'un miits të xytyuntë.

Lucas 19:22

Tääts ja yajkutujkpë y'ënëmaayë: Mijts, ka'apë oy mtuny; m'aaw m'ayuk kë'ëm mnätyukpano'këp. Pën mnija'ap koos ëxëëk nja'ay'äty, ets ko nyajmujkpyës winë maas ka'ap tii të nyäkyën ets nyajpëtë'kpyës ja pëjktä'äky maas ka'ap të mpeny të nkojyën,

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Hebreos 6:8

E pën aak äpny aak ëxëëk ujts mujxp, ka'ap tsyowpaaty, kajpxpoky ja Dios yaj'itëtë ets ok yajnino'oktë.