Génesis 3:16 - Biblia Dc en Mixe de Quetzaltepec

¹⁶ Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënety jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kuttujkën ma mijtsën.

Biblia Mixe de Quetzaltepec

¹⁶ Tä t'ënëmaay ja to'oxytyëjk: Mëjwiinëp këjääjëp yë mpëjkën m'ijxën ko u'unk maay xyajmin xyajja'tëty. Ets mëët yë pëjkën ijxën xyajmëxu'unk'atëty yë m'u'unk maay. E mtsojkën ënäty jëtu'un mëët'ajtyp ma ja mniye'etyëjkën. Ets yë'ë myëët'atëp yë ënä'ämën kutujkën ma mijtsën.

Génesis 3:16 ပူးပေါင်းရင်းမြစ်များ

Génesis 4:7

Kooxyëp jeexyë xy'ëktuny mëti'ipë oyën, jotkujk jeexyë m'ijxë'ëky mkoowë'ëky. E ka'ap jëtu'un xytyuny, paaty yë nëë poky ëwxijtp tyim'ity ets mmëmëta'aka'anyë. E ko mijts xytyuk'a'ixëty, mijts yë nëë poky m'ëk mëmëtaknëp.

1 Crónicas 4:9

Mëti'ipë xyëëwajtën Jabés, mëj'äämpy ojts ni'ik nyäxy këtiinëm jyëtu'unëty ja myëkä'äxtëjk, yë tyaak paaty ojts jëtu'un yajxëëwpetyë Jabés, jä'ä ko tyaa y'ënäny: Tyaapë u'unk mëët ja mëk pëjkën të nyajminyës naaxwiiny.

Ester 1:20

Ya'atë ënä'ämën tëyajtën kopkpëky ko ja'ay tnija'awëtya'atëty maajaty ja ënä'ämën kuttujkën yajmëët'atyën ets jëtu'un ja to'oxytyëjktëjk nijawëtëty wi'ix twinkutsë'ëkëtëtyën ja nyiye'etyëjk oy tiituunk timyajnëjkxëty.

Salmos 48:6

Yajxon yë tsë'ëkë nyijäämku'tsëtë: jëtu'unyë nyäwyi't nyäxya'tsënëtë mëët ja pëjkën, tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Isaías 13:8

Mëët ja mëktsë'ëkë wyë'ëma'antë. Mon tuk yajpaata'antë mëët ja pëjkën ijxën mëjwiin këjää jëtu'un nyäwyiita'an nyäxyaatsa'anëtë tä tu'uk yë to'oxytyëjkën mëti'ipë ja pëjkën ijxën myëët'ajtypyën ko u'unk maay tyajja'ty naaxwiiny. Nitu'ukjaty je'eyë nëjkx nyäwyintë'kxëtë wintsëtyu'un jëjptsëtyu'un.

Isaías 21:3

Pëjk atoonpës njawë njot nini'kx, jëtu'unës näjyawëty mpëky n'atonyë tä to'oxytyëjk jyot nyini'kx pyiky y'atonyën ko y'u'unk myääy myëxu'unk'ata'any, nitiijës nka'ëkmëtowanë mëët ja monyëtukyë, ets nitiijës nka'ëk'ixanë mëët ja tsë'ëkë jawë.

Isaías 53:11

E oy ënety ëxëëk të jyäty të kyëpety, y'ixäämpy jatëkok ja të'kxën jajën, jotkujk yajpaata'any ko ënety nnijawë; ja wa'ats ja'ay mëti'ipë ja Wintsën të tmëtunyën mayjyä'äy yajtso'okäämpy, jä'ä ko yë'ë nëjkx tmënëjkxta'ay ja mayjyä'äy ja tyuuntëko'oy kyajpxtëko'oyën.

Jeremias 13:21

Mijts Jerusalén, ¿wi'ix m'ëna'ana'any ko ënety yë'ë m'ëne'emyë ja ja'ay mëti'ipë myaj'ijxpëjkën? Jëtu'un ja pëjkën ijxën mtukja'ta'anyë tä tu'uk to'oxytyëjkën mëti'ipë u'unk maay yajja'täämpyën naaxwiiny.

Jeremias 22:23

Jotkujk tyam myajpaaty, jëtu'un tä joon jëyujkën pyä'änjoty y'ityën, ajë kepy itkujky mtsëënë mëti'ipë ja'ay yajtso'ontëpën jam Líbano, je'eyëp ko pyätyp ja xëëw po'o jëna'a mijts ja pëjkën ijxën xyajnaxa'anyën mëti'ipë jëtu'un pëjkp atoonpën tä to'oxytyëjk u'unk maay tyajja'ta'anyën naaxwiiny.

Jeremias 4:31

Jëtu'unës nmëtoy ja ja'ay jyi'iy yä'äxy tä tu'uk to'oxytyëjk jyi'iy yä'äxyën mëti'ipë u'unk maay yaja'täämpyën naaxwiiny; yë'ë Sión ja'ayëty jëëytyëp yaxtëp, jyaxajë'ktëp ja kyë'ëjëty ets jya'ëna'antë: Pa'ëyoowtëkës ka'apës mëpaat xyaj'ooktë yaja'ay'o'kpë.

Jeremias 49:24

Yë Damaskë kajpn ka'ap tii mëk'ajtën t'ëkmëët'ajnë, yi'iyë myääpy tyäjpy wi'ix kyä'äka'anyën. Yë tsë'ëkë, monyëtukyë ets ja pëjkën ijxën yë'ë të myëmëtä'äkyë, jëtu'un jyäty tä tu'uk yë to'oxytyëjkën mëti'ipë u'unk maay pyatäämpy y'ixäämpyën.

Jeremias 6:24

Jam Jerusalén jëtu'un ja'ay y'ëna'antë: Tëës xypyaatë ja ayuk ets të ntsë'ëkëtëkëtës, tëëjës ntimjyawëtë nmëjaawkëxtë; je'eyë ëëts nmoonëtë ntujknëtë, jëtu'unës näjyawëtë mpëkëtë tä tu'uk to'oxytyëjkën mëti'ipë u'unk maay yajminäämpyën naaxwiinyëtë.

Juan 16:21

Ko tu'uk ja to'oxytyëjk y'u'unkpaata'any, mëk pyikyë y'ixyë, ko wyinkony ma ja y'u'unk myëxu'unk'ata'anyën; e ko ja mëxu'unk myiinë jya'ajnë, jyä'äytyëkooytyääpy ja pëjkën ato'onën jä'äkyëjxm ko tukxoontä'äky ko tëë tu'uk ja mëxu'unk tyajminy tyajja'ty naaxwiiny.

1 Corintios 11:3

E ntukja'amyätsantëp näjyëtu'un ko yë Kristë yë'ë nyikëpajk'ajtyp yë ja'ay tu'uktu'uk; ets ye'etyëjk yë'ë nyikëpajk'ajtyp yë tyo'oxytyëjk, jëtu'un ijxtëm ja Dios nikëpajk'atyën ja Kristë.

1 Corintios 14:34

Amonyë ja to'oxytyëjk y'itëty ma ja mëpëjkpëtëjk ye'eymyuktën, jä'ä ko ka'ap kyutukyëty ets yë'ë jap kyajpxtëty. Ja nyiye'etyëjk ënä'ämëtëp ijxtëm ja Dios ja kyutujkën y'ënä'änyën.

1 Corintios 7:4

Ni yë'ë to'oxytyëjk nätyu'uk tkajä'äjëty ja nyi'kx kyopk, tu'ukyë mëët tjä'ä'aty ja nyiye'etyëjk; ni yë'ë ye'etyëjk nätyu'uk tkajä'äjëty ja nyi'kx kyopk, jyä'ä'ajtyp näjyëtu'un ja tyo'oxytyëjk.

Colosenses 3:18

To'oxytyëjk pëkpyë, yajpaatë mëët ja mniye'etyëjkëty, jëtu'un ijxtëm pyaat'atëtën mëti'ipë myëpëjktëpën ja Wintsën.

1 Tesalonicenses 5:3

Ko ja ja'ay y'ëna'antëty: Jotkujk tyam, ka'ap tii tyunyë jyätyë, ënät nëjkx ajotkumonë tyukja'tëtë ja ëyo'on, ijxtëm tu'uk ja to'oxytyëjk tyukminyën ja pëjkën ijxën ko ja y'u'unk myëxu'unk'ita'any ets nimaa ja yu'tstakn kya'ita'any.

1 Timoteo 2:13

jä'ä ko ja Dios, yë'ë ojts jëyëjp tyajkojy ja Adán ok ja Eva ojts kyojy.

1 Timoteo 2:15

Ja to'oxytyëjk näyajtso'okanëp kë'ëm ma y'ityën taak tsi'tsk, ets ni'ik ko wijy yajpaatëty ma ja mëpëjkënën, ma tsojkën ja'awënën ets ko wa'ats jyuuky'atëty.

Tito 2:5

wijjyä'äy'atëty, wa'ats, ets pätë'ëky ja'axë'ëky ja jyëën tyëjk tyaj'itëty, oy ja jyot wyinma'any tmëët'atëty; këtiipë pën ja Dios ja y'aaw y'ayuk ëxëëk tnimëtyakëty.