Génesis 3:15 - Biblia Dc en Mixe de Quetzaltepec

¹⁵ Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Biblia Mixe de Quetzaltepec

¹⁵ Mijts ets to'oxytyëjk xëmë mnämyëtsip'atëtëty. Ets jëtu'un y'itëty ma m'u'unk m'okën ets ma to'oxytyëjk näjyëtu'un yë y'u'unk y'okën. Mkutä'änë'ëkëtëp yë y'u'unk y'ok ma nkëpajkën. Ets mijts nëjkxëp xytyekymyëtsu'utsë ma tyeky'ixpo'kxën.

Génesis 3:15 ပူးပေါင်းရင်းမြစ်များ

Génesis 49:17

Yë Dan näjyëtu'un yë jyä'äy'atëty tä tu'uk yë tsa'anyën, mëti'ipë tu'u'aay ko'knääpyën, mëti'ipë y'atsu'tsyp tyeky tsyu'utypyën yë kwaay, ets tyajkënaxy mëti'ipë tuk'u'unyääyëpën.

Salmos 132:11

Yë Wintsën ojts yë waantakën tuny mëët yë David, ma y'ënänyën ko tääpë waantakën ka'ap tjëkyepy tyëkoyëty.

Isaías 53:12

Paatykyëjxm ja Wintsën tmo'oja'any tu'uk ja ënyäätyakn ma y'u'unyëtën ja wintsëntëjkëty, kopktëjkëty ets ja mëj'äämpyë y'itën, tu'ukmukyë nëjkx tukxoonta'aktë ko ënety të myëta'aktë; yë'ëkyëjxm ko ojts nyäkyë'ëyäkyë o'këntum, ets jëtu'un jyäjty kyëpejty tä jeexyë ëxëëk të y'ëti'itsy të y'ënä'änyën, mëët yë'ëkyëjxm ko ojts tkunaxy ja pokyjyä'äytyëjk.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Jeremias 31:22

¿Je'eyë mnaxa'any mtëkëja'any tä tu'uk to'oxy ëna'kën mëti'ipë tëë yë tyaak tyeety t'ëxmajtsnën? Ëjts mëti'ipë Wintsën'ajtpën, tëëjës npëjktä'äky tu'uk yë winma'any jempyë: Ko yë to'oxytyëjk yë'ë y'amëtowëp yë ye'etyëjk ijxtëm jeexyë yë ye'etyëjk yë'ë t'amëtoyën yë tyo'oxytyëjk.

Daniel 9:26

Ko ënety të nyäxy tëkë'px mäjtsk sëmaan, ënät nëjkx ja jyuukyajtën tpëjkëtë ja yajkutujkpë kënu'kxypyë. Yë Jerusalén kajpn ets tsajptëjk yë'ë nëjkx yajkutëkoyë yë yajkutujkpë ets ja'ayëty mëti'ipë minantëpën wiink naax wiink kajpn. Jëtu'un kyukëxëja'any tä nëëkom muum tyajnikoompetyën tii winë ets mapaat jyëjpkëxyën yë juukyajtën tsip käjpxy jää itaanp ets o'kën tëko'oyën jëtu'un tä të yajtuknipëjktaakën.

Amós 9:3

Ko jam jyanäyu'utsëtëty këjxm ma Carmel kopkën, mpaja'tëpës jampaat; ko jap pën jyanäyu'utsëtëty nëëpa'tkë'p, nëjkxëpës jap ntuknikäxtë yë nëë jëyujk mëjpë ets tsyu'utsëtëty;

Miqueas 5:3

Tyam y'ëk'ëxmajtskojpy yë Wintsën yë jyä'äy, je'eyëp ko jääpaat ma ja to'oxytyëjk tyajmëxu'unk'ata'anyën ja y'u'unk. Ënet jatëkok tyu'ukmuka'any mëët yë jyä'äy, Israel ja'ayëty, mëti'ipë tsumy matsy ijtëpën wiink naax wiink kajpn.

Mateo 1:23

U'unkpaataanp tu'uk ja to'oxy'ëna'k, ets Emanuel ja y'U'unk txëëwatëty. Mëti'ipë tyijpy: Dios ëëts mëët n'ijtëm.

Mateo 1:25

Ka'ap yë José mëët yë Maria myaamujky ijxtëm yë ja'ay tsyëënëtën tëëpë pyëktën, koonëm ja Maria tpaty tu'uk ja y'u'unk ets tukxëëwajty Jesús.

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Mateo 13:38

e yë naaxwiinyëtë, yë'ë kam'ajtp. Ja oypyë tëëmt yë'ë ja ja'ayëty mëti'ipë yajpatëpën ma tsajpjotmëtë kuttujkën, e ja ëxëëk ujts yë'ë ja ja'ayëty mëti'ipë ja mëjku'u jä'ä'ajtëtëpën.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 3:7

Ko ja Juan Yajnëëpäjtpë t'ijxy ko may ja fariseë ja'ayëty ets satuceë ja'ayëty nyiminyë ets tyajnëëpätëty, ënät t'ënëmaay: Tsa'any miits mteety'ajt m'ap'ajtëp, ¿pën të m'ënë'ëmxëtë ko xykyukä'äktëty ja ëyo'on mëti'ipë miimp këtakpën?

Marcos 16:18

myatstëp ja tsa'any ets ka'ap tsyu'utsëtëty; ko ajotkumonë t'uuktëty ja ëxëëk nëë, ka'ap wi'ix jyatëty; näjyëtu'un ko ja pa'amja'ay tkë'ënixajtëty, yajtso'oktëp.

Lucas 1:76

E mijts, u'unk maay, jä'ä nëjkx myajtijy: Dios ni'ik këjxmëpë kyäjpxynyajxpë, jä'ä ko jëyëjp mnëjkxa'any ma ja Wintsënën ets xynyipëjktaakëja'any ja nyë'ë tyu'u,

Lucas 10:19

Ëjts miits të nmo'otë ja kuttujkën ets ka'ap wi'ix mjatëty oy xyjyatukwa'kpätëty ja tsa'any ëkë ja kä'py ets xymyëmëta'aktëty miits ja mmëtsip, ka'ap wi'ix mjatëty.

Lucas 22:53

Ko të nyajpaatyës ma ja mëjtsajptëjkën winjëpom, ka'ap ijty miits xymyatstës; tyam ënät të myëpaat'aty ets winë xytyuntëty jëtu'un ijxtëm ja akootstuuypyë yajpaatën.

Lucas 24:27

Tääts ja Jesús ojts tyuk'ixëtë ja Dios ja y'aaw y'ayuk ma kë'ëm yajnimëtyä'äkyën, tyimtso'ontä'äky mëti'ipë Moisés jyääyën ets tu'kë'ëyë jënu'un ja Dios ja kyäjpxynyajxpëtëjk tjaaytyën.

Juan 8:44

Ja mëjku'u miits mteety'ajtëp, yë'ë miits mtuuntëp mëti'ipë yë'ë tsyojkpyën. Tëëyëp yë mëjku'u tyajtso'ontä'äky ko je'eyë yajja'ay'ooky. Nijëna'a tëypyë jaantypë tkatuny ets nijëna'a mëtëypyë tkakäjpxy. Ko wyin'ëëny, kyë'ëm jä'ä kyäjpxyp, jä'ä ko win'ë'ënpë yë'ë ets yë'ë yajtso'ontak ja win'ë'ënën.

Hechos 13:10

ets t'ënëmaay: Mijts, win'ë'ënpë, mëjku'u y'u'unk. Mmëtsip'ajtyp tu'kë'ëyë mëti'ipë mëtëyën. ¿Tii ko xëmë xyajma'ata'any ja Wintsën ja nyë'ë tyu'u tëypyë?

Romanos 16:20

Jëtu'unts ja Dios, mëti'ipë yäjkpyën ja jotkujk'ajtën, nëjkx tsojk tyaj'atëkoy ja mëjku'u ma miitsëtyën. Wä'än ja Wintsën Jesús mkënu'kxëtë.

Romanos 3:13

Ëxëëk ja yo'kjutëty ijxtëm o'kpëjutën ko ëwa'ats wyi'imy, je'eyë xëmë wyin'ëëntë, ko kyajpxtë tsääpy no'kpëm yajjawë.

Gálatas 4:4

E ko ja tiempo ojts tpaaty, tääts ja Dios ja y'u'unk ojts tkexy, to'oxytyëjk ojts yajminy yajja'tyë ko tyuuny ja Moisés ja y'ënä'ämën,

Efesios 4:8

Paaty ja Dios ja y'aaw y'ayuk këxja'aypyë y'ënä'äny: Ko pya'tëjkëy tsajpjotm, ojts tyajnëjkxta'ay ja tsumpyë matsypë, ets ja naaxwiinyëtë ja'ay ja tyuunk tmooy.

Colosenses 2:15

Kristë mëët yë Dios ojts tpëjkëtë ja kuttujkën yaapë naaxwiiny y'ënä'ämtën ets yajkutuktën ets ojts naxym tyajnajxtë tsumpyë matsypyën ko ojts yë Kristë myëtä'äky.

Hebreos 2:18

Mëët yë'ë ko ja Jesús y'ëyoow ets yajwinma'any'ijxy ets jeexyë pyokytyuny, tyam jyëkyejpy tputëkëty mëti'ipë ja mëjku'u yajkpokytyunanëpën.

Hebreos 5:7

Ko Kristë jyuuky'äjty yaa naaxwiiny mëk'äämpy ojts tmënu'kxtä'äky ets tmëjë'ëy tmëyä'äxy ja Dios, pën mëpaat yaj'ëwaatspëtsëmyë ma ja o'kënën, e ja Dios wa'ats ojts myëtoyë jä'ä ko kyäjpxykyupëky.

1 Juan 3:10

Nikëxë'kp ja ja'ay mëti'ipë ja Dios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Dios y'u'unk'atyë.

1 Juan 3:8

Pën xëmë pokytyuunp, ja mëjku'u jä'ä'ajtëp; jä'ä ko yë mëjku'u ojts tyajtso'ontä'äky yë pokytyu'unën. Paatykyëjxm ja Dios U'unk të myiny yaa naaxwiiny ets tyajkutëkooytya'aja'any tu'kë'ëyë ja mëjku'u ja tyuunk.

1 Juan 5:5

Pën myëpëjkpy ko ja Jesús Dios y'U'unk'atyë, jä'ä myëmëtäkpy ja naaxwiinyëtë winma'any.

Apocalipsis 12:17

Jëtu'un ja mëj tsa'any tukjoot'anpëjky ja to'oxytyëjk ets tnipëtë'ky, tää ojts tninëjkxy näjyëtu'un ja to'oxytyëjk ja y'u'unk y'ok mëti'ipë mëët tsyiptuunyën, tëkokyë ja ja'ayëty mëti'ipë ja Dios ja y'ënä'ämën pyatuunëtëpën ets ëmuumtu'ukjot nyäyaj'itëtë mëët ja Jesukristë.

Apocalipsis 13:7

Näyjyëtu'un yaj'ëwatsy ja tyu'u ets tmëtsiptunëty ja Dios ja jyä'äy koonëm tmëmëta'akëty. Jëtu'un ja kuttujkën yajmooy ets t'ënä'ämëty ni'ëmukë ja naaxwiinyëtë ja'ay, mëti'ipë yajpatëpën maajaty ja naaxwiinyëtën ets maajaty ja naax kajpnën mëti'ipë tëkatyëty ja aaw ayuk kyajpxtëpën.

Apocalipsis 2:10

Këtii mtsë'ëkëty ko m'ëyowa'any, jä'ä ko ja mëjku'u tëë tuknipëjktaakë ko tsuma'an tmatsa'any ja mmëku'uktëjk ets t'ixa'any pën mëk mëpëktë; ets majk xëëw jëtu'un m'ëyowa'antë. Mëk m'itëty oy mtimy'ooktëty, ëjts mijts nmo'ojäämpy ja juukyajtën tä tu'uk ja kuma'ayënën.

Apocalipsis 20:10

Ets ja mëjku'u mëti'ipë ënety të twin'ëënyën ja mayjyä'äy, nän jap ja yajkujëpijpëy ma ja mejy tyoyën mëët ja azufre, ma ënety të yajkupipëtën ja mëj jëyujk mëët ja mëti'ipë ja Dios kyäjpxynyajxpë nätyijëpën. Japts y'ëyowëty xëmëkyëjxm, xëënaxy tsuunaxy.