Génesis 29:4 - Biblia Dc en Mixe de Quetzaltepec

⁴ Tä ja Jacob tyajtëëy ja mëti'ipë ënety kupixyny këwent'ajtëpën: ¿Maa mtsoontë jëëkyëty mëku'ukëty? Ënet y'ëtsoowtë: Harán ëëtsëty ntsoontë.

Biblia Mixe de Quetzaltepec

⁴ Tä ja Jacob tyajtëëy ja mëti'ipë ënäty kupixyny këwent'ajtëpën: ¿Maa mtsoontë jëëkyëty mëku'ukëty? Ënät y'ëtsoowtë: Harán ëëtsëty ntsoontë.

Génesis 29:4 ပူးပေါင်းရင်းမြစ်များ

Génesis 11:31

Taré ojts jam tsyo'onë Ur ma ja Caldeo ja'ayëty ja nyaaxjotmën ets ojts nyijkxy ma ja it naaxwiinyëtë txëëwatyën Canaán. Ojts twoownëjkxy ja y'u'unk mëti'ipë xyëëwajtypyën Abram ets ja y'ok'u'unk mëti'ipë xyëëwajtypyën Lot ets ja tsyë'ë Sarai. E ko jya'ajtë ma ja kajpn txëëwatyën Harán, jam ojts wyë'ëmtë tsënääpyë.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënety ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 27:43

Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 28:10

Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

Génesis 29:3

Ko ja tsajppax ets ja kupixynyëty nimay nyämyukëtë, ënät ja mëti'ipë kyëwent'ajtëpën ja nëëjut t'akëëytyu'utë ets jëtu'un nimay nyëë'uuktë ja jëyujkëty ets ko ënety y'ukta'atë ja kupixyny, ënät ijty jatëkok t'akë'ëtë ja nëëjut'aaw.

Hechos 7:2

Tääts ja Esteban y'ëtsooy: Mëku'uktëjkëty, mëjja'aytyëjkëty, amëtoow'ijtëkës. Ko ja nteety'ajt n'ap'ajtëmë Abraham tsyënaay jam Mesopotamia, ka'anëm ënety nyijkx tsënääpyë ma ja it txëëwatyën Harán, ko ja Dios mëjpë jaantypë ojts nyänyikëxë'ëkyë ma yë'ëjën.

Hechos 7:4

Tääts ja Abraham tsyo'ony jam Mesopotamia ma ja Caldeo ja'ay tsyëënëtën ets ojts nyijkx tsënääpyë jam Harán. Ko ja Abraham ja tyeety y'o'ky, ënät ja Abraham ja Dios yajmiinë yaa ma tyam ëëtsajtëm ntsëna'ayëmën.