Génesis 29:31 - Biblia Dc en Mixe de Quetzaltepec

³¹ Ko yë Dios t'ijxy, ko yë Jacob ka'ap ënety nëkooyë tsyoky yë Lea. Ënet ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënety ja u'unk maay tkamëëtëty.

Biblia Mixe de Quetzaltepec

³¹ Ko yë Tios t'ijxy, ko yë Jacob ka'ap ënäty nëkooyë tsyoky yë Lea. Ënät ojts tyajkutuky ets ja Lea ni'ik ja u'unk maay tmëët'atëty, këtiinëm jyëtu'unëty ja Raquel. Ja Raquel nitu'uk ënäty ja u'unk maay tkamëëtëty.

Génesis 29:31 ပူးပေါင်းရင်းမြစ်များ

Génesis 11:30

Sarai ka'ap ijty tjëkyäp y'u'unk'ixëty, jä'ä ko jëtu'un ënety jyä'äy'äty.

Génesis 16:1

Yë Sarai ka'ap ënety tjëkyepy tmo'ojëty yë u'unk maay yë Abram. Jam tu'uk ja tyuunpë, Agar xyëëwajtyp, Egiptë kyukajpnëty.

Génesis 20:18

Mëët yë'ëkyëjxm yë Sara, Dios ënety të tuknipëjktaakë ets ni pën kya'u'unkpaatëty ja to'oxytyëjkëty ma ja Abimélec ja tyuunpëtëjkën.

Génesis 25:21

Yë Rebeca ka'ap ënety tjëkyepy yë u'unk tmëët'atëty, paaty ojts yë Isaac yë Dios mëktä'äky tmëkäjpxy mëëtkyëjxm yë Rebeca. Yë Wintsën ojts yë Isaac yë kyapxtakën tmëtoowë. Jä'ä ko Dios myëët'ajtyp yë mëk'ajtën, ënät ojts yë Rebeca jyänty wyi'imy u'unk mëët.

Génesis 27:41

Jä'ä xëëw jä'ä jëmëjt yë Esaú ojts tmëtsiptso'onë ja Jacob, ko ënety të pyëjkëty ja näkyënu'kxë, mëti'ipë yë'ë patëpën ma tyeetyën. Ënäty ja Esaú ojts myäy tyäjy: Tim wäänë jëtu'un täätsës nmëët'atëty yë monyëtukyë mëët yë nteetyës, ko wiinkoonëp ma y'o'knëtyën. Ko ja jëtu'unpë kyëxëty nyaxëty, taats nyaj'ookëty yë n'uty Jacob.

Génesis 29:30

Jëtu'un yë Jacob ojts y'awa'kmuky mëët yë Raquel ets ni'ik ojts tsoky, këtiinëm jyëtu'unëty yë Lea. Oy ënety wëxtujk jëmëjt të jyaak yaj'awitsy ets tyunëty ma Labankën.

Génesis 29:32

Ënet ja Lea ojts wyi'imy u'unk mëët ets ojts tyajmëxu'unk'aty tu'uk yë y'u'unk mëti'ipë xyëëwmooyën Rubén, tä y'ënäny: Tiosës të xy'ixy koos nmony ntuky, paatyës tyam yë Jacob ni'ikës xytsyoka'any.

Génesis 30:22

E yë Dios ko tja'amyejtsy yë Raquel ets ko ënety yë nyu'kxtakën të tmëtoowë, ënät ojts t'a'ixë ets Raquel tu'uk yë u'unk tyajminëty naaxwiiny.

Génesis 35:23

Mëti'ipë y'u'unk'ajtën mëët yë Lea, jä'ä xyëëwajtë Rubén, ja kä'äxkopk, ok myëxu'unk'ajtë Simeón, Leví, Judá, Isacar ets Zabulón.

Salmos 127:3

Yë n'u'unkëtyës mëti'ipë miintëpën naaxwiiny naaxkëjxy, yë'ë tu'uk mëj näkyënu'kxë mëti'ipë Wintsën yäjkpyën.

Éxodo 3:7

e ja Dios ojts jyaak mëtyä'äky ets y'ënäny: Ëjts wa'atsës të n'ixy të ntuny wi'ixës yë nnaax nkajpn jap y'ëyoyën Egiptë. Tëës nmëtoow'ity yë y'ëjën tyu'kënëty, mëët ko mëk y'ënä'ämëtë myëkajpxëtë mëti'ipë nyiwintsën'ajtëpën ja tuunk ëyo'on ets tëëjës wa'ats nijawë wi'ix jap jyatën kyëpätën.

Malaquías 1:3

n'ëxëëk ijxës yë Esaú. Ja nyaax kyajpn ja Esaú, mëti'ipë ënety kopkjotmën, aanë'ëk tëëtsë'ëkës ojts nyaj'awinpity ets ja nyaax kyam mëti'ipë ënety myëët'ajtypyën yi'iyë jëyujk ëwa'anëtypë jam tënääpy.

Mateo 10:37

Pën ja tyaak tyeety wäänëni'ik tsyojkpy këtiinëm ëjts, ka'ap pyaat'atyë etsës nja'ay'atëty; ets pën ja nyëëx ets ja myaank ni'ik tsyojkpy këtiinëm ëjts, ka'ap pyaat'atyë etsës nja'ay'atëty.

Mateo 6:24

Ka'ap pën myëta'akëty, nimäjtsk ja wintsën tmëtunëty. Jä'ä ko tu'uk nëjkx t'oyjyawë ets tu'uk ka'ap, tu'uk nëjkx tmëjpëjktä'äky ets tu'uk ka'ap. Näyjyëtu'un miitsëty, ka'ap tjëkyepy yë Dios xymyëtuntëty ets näjyëtu'un mkumeeny'atantëpëty.

Lucas 1:7

Je'eyëp ko ka'ap ijty pën y'u'unkëty, jä'ä ko ja Isabel ka'ap tjëkyepy y'u'unk'ixëty, jëtu'un ojts myëj ja'ayënëtë nimäjtskëty.

Lucas 14:26

Pën jää ja'ay mëti'ipë ja ënaanpën koos xypyamina'any ets yë'ë ni'ik tsyojkyp ja tyaak tyeety, y'u'unk tyo'oxytyëjk, myëkä'äx, myëku'uktëjk, ëkë kyë'ëm juukyajtën ets këtiinëm ëjts; jëtu'unpë ja'ay ka'ap tjëkyepy n'ijxpëjkpë'atëtyës.

Juan 12:25

Pën pya'ëyoopy ja jyuukyajtën, yajtëkoyäämp jä'ä; e pën ka'ap tpa'ëyoyën ja jyuukyajtën naaxwiinypë, yë'ë pyaatäämpy ja juukyajtën xëmëkyëjxmëpë.

Hechos 7:8

Ets ja Dios ja kyajpxtyu'unën ojts tyajwë'ëmy mëët ja Abraham wi'ix ijxwë'ëmy y'ita'anyën, wi'ix ja Abraham mëët ja y'u'unk y'ok yajnatsujk'ëwëtitëtyën ja ye'etyëjkajtën. Paaty ko ja Abraham ja y'u'unk myiiny mëti'ipë xyëëwajtën Isaac, kom tuktujk xëëw ojts tyajnatsujk'ëwtityë ja ye'etyëjkajtën. Näyjyëtu'un ja Isaac ja y'u'unk tuuny mëti'ipë xyëëwajtën Jacob ets ja Jacob näjyëtu'un tuuny ja y'u'unk y'ëna'këty nimajkmäjtskpë.

Deuteronomio 21:15

Pën tu'uk yë ye'etyëjk myëëttsënääpy mäjtsk yë to'oxytyëjk, tu'uk ja mëti'ipë mëk tsyojkpyën ets tu'uk y'ixtijpy. E ya'atë nimäjtskpë to'oxytyëjk aaktam yë myaankëty mëti'ipë ja ye'etyëjk mëët t'u'unk'atyën; mëti'ipë ëka'any ja myaank ojts myinyën naaxwiinyëtë, jä'ä ja to'oxytyëjk mëti'ipë ka'ap nëkooyë yajtsokyën.

Rut 4:13

Jëtu'un ja Booz mëët pyijky ja Rut. Ko mëët tsyënaayi'ky yë Wintsën ojts tyajkutuky ets Rut u'unk mëët wyë'ëmëty.

1 Samuel 1:20

Tä ja Aná ja y'u'unk myääy tyajja'ajty naaxwiiny ets txëëwmooy Samuel. Jä'ä ko ja Wintsën ënety të tpëjktsoy.

1 Samuel 1:27

Etsës yë Wintsën n'amëtooy etsës xykyë'ëmo'ojëty tu'uk yë u'unk maay, e yë'ë tëëjës xyäntymyo'oy.

1 Samuel 1:5

E ja Aná jaakni'ik ijty winë tmo'oy ets aakjä'ä tsu'utsy oyëtypë, mëët jä'äkyëjxm ko jaakni'ik tsoky tjawë, oy ënety ka'ap ja u'unk maay tpaaty t'ixy.

1 Samuel 2:21

Ja Wintsën kyënu'kx'ëtëtsyp ja Aná mëjwiin këjää mëët ja u'unk maay. Paatykyëjxm ojts ja y'u'unk myääy tyajmëxu'unk'aty nitëkëëk yë yä'äy'ëna'k ets nimäjtsk yë to'oxy'ëna'k, e ja Samuel ya'k päjt jä'ä jam ma ja Dios tmëtunyën.