Génesis 29:27 - Biblia Dc en Mixe de Quetzaltepec

²⁷ Paaty tim oy'atëp ko xy'ëkyajka'pxëty yë mxëëw mëët yë Lea, täänëm yë Raquel myajmo'ojëty. Ënet jëtu'un pën mjaaknäy'a'ijxëyëp mtunëty ma ëjtsën nän ja wëxtujk jëmëjt.

Biblia Mixe de Quetzaltepec

²⁷ Paaty tim oy'atëp ko xy'ëkyajka'pxëty yë mxëëw mëët yë Lea, täänëm yë Raquel myajmo'ojëty. Ënät jëtu'un pën mjaaknäy'a'ijxëyëp mtunëty ma ëjtsën nän ja wëxtujk jëmëjt.

Génesis 29:27 ပူးပေါင်းရင်းမြစ်များ

Génesis 29:20

Jëtu'un yë Jacob ojts tyëkë tuunpë ma Labankën, mëët ko ënety ja nyëëx ja mutskpë të tsojkën'aty, mëti'ipë xyëëwajtypyën Raquel. Wëxtujk jëmëjt ojts nituny, yajxon ënety tjantytsyoky ja Raquel, paaty pojën tja'awëy nyäjxy ja xëëw jëmëjt wëxtujk jëmëjtpë.

Génesis 29:26

Ënet ja Labán y'ëtsooy: Jä'ä ko yaa ka'apës jëtu'un ntu'unën'atë ets ja mutskpë jëyëjp pyëkëty, pën ka'ap ja mëjpë pyikynyëm.

Génesis 29:28

Tä tkupëjky yë Jacob, ko ojts ja xyëëw tyajkä'pxy mëët ja Lea, ënät ja Labán myooyë näjyëtu'un ja Raquel ets to'oxytyëjk'atëty.

Génesis 31:41

I'px jëmëjt mijts të nku'itë ma mjëën mtëjkën, ix wi'ixës tyam xy'ëktuka'anë: yë nimäjtskpë yë mnëëx majkmajkts jëmëjtës të nituny, e mëët ja mjëyujk mëti'ipës tyam njä'ä'ajtypyën, tëtujkjëmëjtës të xytyuknituny; ets janaam jatsojkës ijty yë nmëju'uny xyajtëkajtsë.

Malaquías 2:15

¿Ti këtii yë'ëjëty yë Dios të tyajkojy yë jot nini'kx ets jot ja'awënë? ¿E këtii yë'ëjëty yë Dios tsoky tjawë ets ja'ay yë y'u'unk y'ok tmëët'atëty mëti'ipë mëjjaw kënu'kxyjyawëtëpënë? Kë'ëm xykyëwent'atëty yë mjot mmëjaawëty ets këtii xytyukxi'iktëty ja m'ayukëty mëti'ipë ojts xytyukwinwanëtën ja to'oxytyëjk mëti'ipë mpëjktën m'uktën ko mpi'k ëna'k'ajtë.

1 Timoteo 6:10

Yë meeny atsojkën ëxëëk ja'ay tyajjaty tyajkëpety;; tää ja'ay tëëpë ja myëpëjkën t'ëxmajtsnën ets o'ktëy të nyätyunyë.

Jueces 14:10

Ja Sansón ja tyeety ojts jam nyijkxy ma ja kiixy ja tyeety tyaakën ets yaj'amëtooy ja kiixy ets pyëktëty. Ënet ja Sansón tu'uk ja xëëw tnipëjktakëy jä'ä ko jëtu'un ënety ja ëna'ktëjk jam tuunk'atë.

Jueces 14:12

Ya'atë ni''ipxmajkpë ja ëna'ktëjkëty, ojts yë Sansón y'ënë'ëmxëty: Tyam tu'uk yë najtsja'apë mëtyä'äky ntukmëmëtya'aka'antë. Pën mnajtsja'awëp ma ënety ya'atë xëëw wyëxtujk xëëwpetyën, nitu'ukjaty nmo'otëty tu'kni'kx yë wit mëti'ipë ja'ay myëxëëw'ijxypyën ets tu'kmëjye'epy yë linë wit.