Génesis 29:25 - Biblia Dc en Mixe de Quetzaltepec

²⁵ Komjëpom myä'äypyëti'ky yë Jacob, ënät t'ijxy kootëm ënety mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënety jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Biblia Mixe de Quetzaltepec

²⁵ Komjëpom myä'äypyëti'ky yë Jacob, ënät t'ijxy kootëm ënäty mëët të myä'äy yë Lea. Tä ojts t'ojy ja Labán ets t'ënëmaay ko wi'ix ko ënäty jëtu'un të y'ëti'itsy, jëtu'un t'ënëmaay: ¿Tiitën mijts të xytyuny? ¿Tii këtii xyjyä'ämetsyë koos yë'ë Raquel të nitunyë? ¿Wi'ixës ko xywyin'ëëny?

Génesis 29:25 ပူးပေါင်းရင်းမြစ်များ

Génesis 12:18

Ënet ojts yë mëj'ënä'ämpë tyaxtsoy yë Abram ets t'ënëmaay: ¿Wi'ix ko mijts jëtu'un m'ëtë'ëtsy? ¿Wi'ixës ko të xykyatuk'ëwaanë ko ya'atë to'oxytyëjk mijts yë mto'oxytyëjk?

Génesis 20:9

Yë Abimélec ojts twoowtsoy ja Abraham ets t'ënëmaay: Ëk'ix tii ko jëtu'un të xytyunyës, tii mijts të ntukmëtuuntëkoy. ¿Tii ko ya'atë nëë poky të xymyëminy të xyajminy maas ëjts yë njëën ntëjkën ets maas tu'kë'ëyë nmëkunaax nmëkukajpnën? Ya'atë ka'ap jëtu'un tyuunpëty.

Génesis 26:10

Tä yë Abimélec y'ënëmaayë: ¿Wi'ix ko ëëtsëty jëtu'un xytyuntë? Wäänë jeexyë jyaak'ity, tääts jeexyë pën yë mto'oxytyëjk myëëtko'knëty ets mëj këjää jëtu'un ja poky jeexyë yajtuuntëkoy.

Génesis 29:16

Yë Labán mäjtsk ënety yë nyëëx tmëëtëty: yë mëjpë Lea xyëëwajtyp e yë mutskpë Raquel xyëëwajtyp.

Génesis 29:24

Tää yë Labán näjyëtu'un yë nyëëx Lea tmooy yë tyuunpë, jä'ä xyëëwajtyp Zilpá ets yë'ë pyutëkëtëty.

Génesis 29:26

Ënet ja Labán y'ëtsooy: Jä'ä ko yaa ka'apës jëtu'un ntu'unën'atë ets ja mutskpë jëyëjp pyëkëty, pën ka'ap ja mëjpë pyikynyëm.

Génesis 31:26

Ënet ja Labán ojts tuk'ojy ja Jacob, wi'ix ko jëtu'un të y'ëti'itsy ets t'ënëmaay: ¿Tii të xytyuny? ¿Wi'ix ko të xywyin'ëënyës? Jëtu'unës yë n'u'unk nmaayës yaa të xyajmiinë tsumjyä'äy matsyjyä'äyën.

Génesis 31:7

e yë'ë je'eyës xëmë xywyin'ëëny ets janaam jatsojkës yë nmëju'uny xyajkunajkë. E yë Dios mëti'ipës n'ëwtajtypën ka'ap tyajkutuky ets wi'ix xytyimtunëtyës;

Proverbios 11:31

Pën wa'ats ja'ay y'ëxajëp yë myëju'uny yaa naaxwiiny naaxkëjxy, näjyëtu'un yë ëxëëkja'aytyëjk kopkpëky ko tkumëtowtë yë pyoky.

Mateo 7:12

Ijxtëm miits xytsyoktë ja'ay mëtunëtëty, jëtu'un ja mmëku'uk mmëtuntë, yë'ë jëtu'unpë tuunk ojts t'antijtë ja käjpxynyajxpëtëjkëty ets ja ënä'ämën tëyajtën.

Mateo 7:2

Jä'ä ko yë Dios näjyëtu'un yë mpoky mtukwinmëtowa'anëtë tä ja mmëku'uk ënety ja pyoky të wytyukwinmëtowtën; jëtu'un tä ja mmëku'uk xytsyoktën jyä'äy'atëty näjyëtu'un miitsëty ja'ay'atë.

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

1 Corintios 3:13

jäänëm nëjkx yaj'ixy yajnijawë ko ja näpyaye'eyë tyunëtëty pën wi'ixjaty ënety pën të tyuny, jä'ä ko jëën jää nëjkx tyuny ets tyajnikëxë'ëka'any wi'ixjaty ënety pën të tyunyën.

Apocalipsis 3:19

N'ojpyës ets ntsaatytyuunpyës mëti'ipës ntsojkpyën. Paaty mijts pëjkta'ak mëk ja mwinma'any ets niwinpit ja Dios.

Jueces 1:7

Tääts y'ënäny: Ëjts tëkë'px majkës ojts näjyëtu'un yë kyë'ëkaa tyekykyaa njëjptsujkë yë yajkutujkpëtëjkëty. Ets yë'ëjës ojts ntukjë'kxtë mëti'ipës nkaaypyäjnpa'tkë'p ka'apën. E tyam näjyëtu'unës yë Dios të xytyuny tääjës yë'ë ntuuntën. Tää ojts jam tyajnëjkxtë ma Jerusalén kajpnën ets jam tyaj'o'ktë.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

1 Samuel 28:12

Ajotkumonë ja to'oxytyëjk t'ijxpaty ja Samuel ets yujkyäxy mëk ets t'ënëmaay ja Saúl. ¿Wi'ixës ko mijts xywin'ëëny? Pën mijtstëm Saúl.