Génesis 29:2 - Biblia Dc en Mixe de Quetzaltepec

² E jam kamjotm t'ijxy tu'uk yë nëëjut ets jam näjyëtu'un myäykyo'knëtë tëkëëkpëky yë tsajppaxëty kupixynyëty, nëë'uktëp ënety jam, ma ja nëëjut'aawën janty mëj ja tsaa mëti'ipë y'akë'ë'ajtypyën.

Biblia Mixe de Quetzaltepec

² E jam kamjotm t'ijxy tu'uk yë nëëjut ets jam näjyëtu'un myäykyo'knëtë tëkëëkpëky yë tsajppaxëty kupixynyëty, nëë'uktëp ënäty jam, ma ja nëëjut'aawën janty mëj ja tsaa mëti'ipë y'akë'ë'ajtypyën.

Génesis 29:2 ပူးပေါင်းရင်းမြစ်များ

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënety ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 24:11

Ko ja Abraham ja tyuunpë jam jyä'äjty kajpn winkon, kujk ënety jyajmoonë, e jä'ä xëëw ënety ja to'oxy'ëna'këty myintë nëëwijtspë nëëkoompë ja jampë kyukajpn'atën. Paaty ja tuunpë jam tyajwa'ak'o'oyëtyääy ja jëyujk jëku'ux winkon mëët ja nëëjut ets jam pyo'kxtë.

Génesis 24:13

Tyamës nwë'ëma'any winkon ma ya'atë nëëjutën ets ja to'oxy'ëna'k myintëty nëëkoompë, yaapë kyunaax'at kyukajpn'atën.

Génesis 29:3

Ko ja tsajppax ets ja kupixynyëty nimay nyämyukëtë, ënät ja mëti'ipë kyëwent'ajtëpën ja nëëjut t'akëëytyu'utë ets jëtu'un nimay nyëë'uuktë ja jëyujkëty ets ko ënety y'ukta'atë ja kupixyny, ënät ijty jatëkok t'akë'ëtë ja nëëjut'aaw.

Salmos 23:2

Akujk jotkujkës xyajpo'kxy ma jë'kxy pëky ka'ap y'ëmaaytyä'äkyën, yë'ëjës xytyu'uwinwoop xytyu'uwinwijtsp maas yë wa'ats nëë npaatëtyën.

Isaías 49:10

Ka'ap nëjkx yuu nëëtëtsë xymyëët'atë, oy mëk y'anëty, miitsëty ka'ap mni'ana'antë, jä'ä ko ntsojktëp nja'awëtyëp ets nwoownëjkxantëp ma ja nëë myuutyën.

Juan 4:14

e mëti'ipë y'uktëpën ja nëë mëti'ipës ëjts nyäjkpyën, nijëna'a kyatëëtsëja'antë jatëkok. Jä'ä ko ja nëë mëti'ipës nyakäämpyën, jëtu'un ja myuuta'any ijxtëm ja nëëkopkën mëti'ipë yajjuuky'ajtpën.

Juan 4:6

Jam ënety yajpaaty tu'uk ja Jacob ja nyëëtajy. Ënu'kxëp ja Jesús mëk jä'ä ko jeky ënety të ye'ey, paaty nyaaxwe'tsy jam ma ja nëëtajyën. Kujkyxyëëwën ënety.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.

Jueces 5:11

Ets näjyëtu'un mëti'ipë jam yajpatëpën ma ja jëyujk tsajpkaa nyëë'uuktën, ëwtë ya'axtë ets jotkujk yajpaatë, tukpa'ëna'antë yë platillë, ets ëna'antë ko tëë mëta'aktë tsipjotm ma Wintsën të mputëkëtën ma ja tsipën mëti'ipë jam të y'ityën ma ja kajpnëtyën ja mutskëtypë, mëti'ipë yë Israel nyitënääpyën.