Génesis 28:20 - Biblia Dc en Mixe de Quetzaltepec

²⁰ Jam yë Jacob ojts tu'uk yë waantakën tuny ets y'ënäny: Pën Dios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Biblia Mixe de Quetzaltepec

²⁰ Jam yë Jacob ojts tu'uk yë waantakën tuny ets y'ënäny: Pën Tios yë'ëjës xyjyämyëët'ajtp ets pën xykyëwent'ajtpës maas nëëye'ey ntu'uye'eyën ets pën xymyoopyës yë nka'ayën n'ukën ets mëti'ipës nwit'at nxox'atëpën.

Génesis 28:20 ပူးပေါင်းရင်းမြစ်များ

Génesis 28:15

Ëjts mijts mëët n'ity, nkëwent'atäämpy oy ma mtimnyax mtimtyëkëty. Ets nän ëjts mijts nyajwinpitëp jatëkok ma ya'atë naaxjotmën. Ka'ap nmajtstu'uta'any, maanëmës ka'ap nkuuytyunyën ja mëti'ipë të ntukwinwanën.

Génesis 31:13

Ëjts jëtu'un Tios'ajtp, mëti'ipë ojts xy'ixyën jam Betel, jam ma ojts xykyënu'kxyën ja tsaa ets waantakën xytyuuny mëët ëjts. Paaty tyam jam ënät. Pëtë'ëk ets mtsoonëty ma ya'atë it naaxwiinyëtën. Nëjkx jatëkok ma ja mnaax mkajpnën ma ojts mëxu'unk'atyën.

Génesis 35:3

Jam tyam nja'amëty Betel, maas tu'uk yë wintsë'këntyakn n'oytyuna'anyën etsës yë Dios nwintsë'ëkëja'any mëti'ipës ojts xypyutëkën ma ënety mon tuk nyajpaatyësën ets mëti'ipës xëmë të xyjyämyëët'atyën oyës maa nnaxy ntëkë.

2 Samuel 15:8

Jamës ënety ntsëënënëm Guesur, ma sirië ja'ayëty tsyëënëtën, jam ojts yë Wintsën n'ënëëmës pën xyajwinpijtpës oy mëk jam Jerusalén yë'ë nyajmiinëpës yë wyintsë'kën.

1 Crónicas 4:10

Jabés myëpëjktsoow yë Dios, mëti'ipë y'ëwtajtëpën yë Israel ja'ayëty, jëtu'un t'ënëmaay: Tyam n'amëtoy npëjktsoy yë mkënu'kxën ets xymyo'ojëtyës mëj këjää naax kam ets xypyutëk xypyupätëtyës ets xyjyëpëkëty ma ëjtsën tëkokyë ëxëëkpë këtiipës n'ëyowëty. Dios ojts jyänty myo'oyë mëti'ipë y'amëtoow pyëjktsoowën.

Salmos 116:14

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Salmos 116:18

Nkuuytyunäämpyës ja waantakën ma ja Wintsënën mëti'ipës të ntukwinwanën, ets y'ixtëp tëkokyë ja naax kajpn mëti'ipë yë'ë kyajpn'ajtypyën.

Salmos 119:106

Ojts tu'uk yë waantakën ntunyës, ets kopkpëky ko nkuuytyuna'anyës. Ëjts nkuuytyunäämpyës yë m'ënä'ämën mtëyajtën mëtëypyë.

Salmos 22:25

Ma ja mnaax mkajpnën jamës nimëtya'aka'any wi'ix tii mëtëy xytyunyën. Ma ja ja'ayëtyën mëti'ipë oy mëtuunëpën, jamës nkë'ëyaka'any mëti'ipë të ntukwinwanën.

Salmos 56:12

Ja waantakën mëti'ipë të ntukwinwanën, nkuuytyunäämpyës ma mijts mëj'äämpy nyajnaxa'anyën,

Salmos 61:5

Mijts, Dios, mëti'ipës nTios'ajtypyën tëë xymyëtoow'ity mëti'ipës yam nwaantäkpyën, tëë xymyo'oyës ja kuma'ayën mëti'ipë jyä'ä'ajtëpën ja ja'ay mëti'ipë myëjja'awëtëpën ja mxëëw.

Salmos 61:8

jëtu'unës yë mxëëw nkuuy'ëw nkuuyya'axëty winë xëëw winë jëmëjt etsës nkuuytyunëty winjëpom mëti'ipës të nwaantä'äkyën.

Salmos 66:13

Tëkëjaanpës ma mtsajptëjkën etsës nyaka'any tu'uk yë wintsë'kën nino'okpyë mijts mwintuuy; jëtu'un'äämpyës ja nwaantakën nyaj'ëtukëty,

Salmos 76:11

Tuntë yë waantakën ma Tiosën, mëti'ipë m'ëwtajtëpën, je'eyëp ko mkuuytyuntëp jëtu'un. Miitsëty, jënu'un xynyatänëtën mëti'ipë patëpën yajwinkutsë'ëkëty, yë'ë tukmëyoxtë winë.

Isaías 19:21

Nëjkxëp ja Wintsën nyänyikëxë'ëkyë jam ma Egiptë ja'ayëtyën, ets ja Egiptë ja'ayëty nëjkxëp nijawëtë pën Wintsën'ajtpën, nëjkxëp tmo'otë ja wintsë'kën ets ja ayajk ako'onën. Nëjkxëp ja wyaantakën tuntë ets nëjkx tkuuytyuntë.

Juan 1:16

Ni'ëmukë yë Dios të xykyënu'kxëmë kanaak ok mëjwiin këjää.

Hechos 18:18

Ënet ja Pablo ojts jyaak wë'ëmy kanaak xëëw jam Corinto. Ok ojts nyäjyëkajpxënë ma ja mëpëjkpëtëjkëtyën, ets mëët ja Priscila ets Aquila tyëjkëy jap kepy nëëwinye'epyëjoty ets nyëjkxtë jam Sirië y'itjotm. Jam Cencreas, jam ojts nyäkyukeepyë, ka'anëm ënety tyëkë kepy nëëwinye'epyëjoty, jä'ä ko ojts tja'amyetsy ko ënety jëtu'un ja waantakën të tpëjktä'äky.

1 Timoteo 6:8

pën nmëët'ajtëm ja ka'ayën ukën ets ja wit xox, jotkujk ëëts nnäyjya'awëmëty.

1 Samuel 1:11

Ets ja wyaantakën tpëjktäky, t'ënëmaay ja Wintsën: Wintsën mëti'ipë maaytyääyëpën winë; pën mijts mpa'ëyoopy mnajts'ëyo'owëp ya'atë mtuunpë ets xyjyä'ämyäjtspës koos xymyo'ojëty tu'uk yë u'unk maay, ëjts nkë'ëyakëpës yë'ë ma mijtsën ets mëtunëtëty ets ka'ap ja kyuwaay nëjkx yajkeepy, yë'ë yajtuk'ixëp ko ënety mijts të ntukmëyoxy.

1 Samuel 1:28

Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënet ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.

1 Samuel 14:24

E yë'ë tëy yë Israel ja'ayëty yajxon ënety të y'ënu'kxëtyääynyëtë, jä'ä ko ka'ap ënety ni pën të kyäy, jä'äkyëjxm ko ënety yë Saúl të y'ënä'äny: Poky yë ja'ay wyë'ëmëty mëti'ipë kääpyën ma ka'anëm yë xëëw kyëtä'äkynyëmën, maas ënety ka'ap të n'ijxnajxta'aynyën yë nmëtsipës.