Génesis 28:19 - Biblia Dc en Mixe de Quetzaltepec

¹⁹ Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Biblia Mixe de Quetzaltepec

¹⁹ Ma tampë ja it naaxwiinyëtën tam ënäty tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Génesis 28:19 ပူးပေါင်းရင်းမြစ်များ

Génesis 12:8

Ënet ojts yë Abram nyijkxy ma ja it naaxwiinyëtën kopkjotmëpë, mëti'ipë wë'ëmpën a'oytsyow ma Betel kajpnën, jam tpëjktäky yë tsyënaaytyakn. Yë Betel anajnytsyow ënety wyi'imy ma ja tsyënaaytyaknën, e ja kajpn mëti'ipë xyëëwajtypyën Aí a'oytsyow wyi'imy. Ma tääpë ja it naaxwiinyëtën ojts yë Abram tyajkojy jam yë wintsë'këntyakn ets ojts tpa'tmëkäjpxy ja Dios ja xyëëw.

Génesis 28:11

Tä ojts jyä'ty ma tu'uk ja it naaxwiinyëtën, jam ja tsuu tyajnajxy. Jä'ä ko tëë ënety kyutsu'ujënyë. Tä tu'uk ja tsaa tkoy'äjty mëti'ipë ënety jam koonääpyën ets ojts jëtu'un myä'äy.

Génesis 31:13

Ëjts jëtu'un Tios'ajtp, mëti'ipë ojts xy'ixyën jam Betel, jam ma ojts xykyënu'kxyën ja tsaa ets waantakën xytyuuny mëët ëjts. Paaty tyam jam ënät. Pëtë'ëk ets mtsoonëty ma ya'atë it naaxwiinyëtën. Nëjkx jatëkok ma ja mnaax mkajpnën ma ojts mëxu'unk'atyën.

Génesis 35:1

Ënet yë Dios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Dios jyä'ä'atëpën, ma ojts nyänyikëxë'ëkyën ma mijtsën ko ënety ja m'ajty Esaú xykyuke'eky.

Génesis 35:14

ënät ojts tu'uk yë tsaa tyajtënaakyukë ma ja it naaxwiinyëtën, ma ënety ja Dios të myëkäjpxyën, tä tmooy yë oyajtën ets tuknija'axy yë on mëët yë tsatym nyëë tëëpë nyimaanaxyën, jam ma ja tsaajën mëti'ipë ënety të tyajtënaaykyukën.

Génesis 35:15

Ënet ojts txëëwmo'oy ja it naaxwiinyëtë Betel.

Génesis 35:6

Yë Jacob ets mëët tu'kë'ëyë ja'ayëty mëti'ipë ënety mëët y'ityën, xëëny jam jya'ajtë kajpnjotm ma txëëwatyën Luz, mëti'ipë näjyëtu'un yajtijpën Betel jam Canaán naaxjotm.

Génesis 35:7

Tä ojts tu'uk tyaj'oyë yë wintsë'këntyakn ets jä'ä txëëwmooy El-betel, paaty jëtu'un txëëwmooy jä'ä ko jam ojts yë Dios t'ixy, ko ënety ja y'äjty tkuke'eky.

Génesis 48:3

Tä t'ënëmaay ja José: Yë Dios mëti'ipë maaytyääyëpën winë, yë'ë ojts jam nyänyikëxë'ëkyë maas ënety jamën, ma ja Luz kajpnën ma Canaán y'itjotmën, etsës ojts xykyënu'kxy

1 Reyes 12:29

Ënet tu'uk jam tpëjktäky Betel ets tu'uk jam Dan.

2 Reyes 2:2

Tääts ja Elías t'ënëmaay ja Elisejë: Yaa wë'ëm, jä'ä ko jamës yë Wintsën të xykyexy Betel. E ja Elisejë tyaa y'ëtsooy: Ëjts tyamës yajxon ntimnyikäjpxy mëët yë Wintsën yë xyëëw ets mëët mxëëw näjyëtu'un, ko mijts ka'ap nijëna'a n'ëxmatsëty nätyu'uk. Ënet ojts nimäjtsk nyëjkxtë jam Betel.

2 Crónicas 13:19

Abiam ojts tpapo'oy ja Jeroboam ets ojts tpëjkë ja Betel kajpn, Jesaná kajpn ets Efraín kajpn, mëët ja mutskjaty kyajpn.

Oseas 4:15

Pën mijts Israel mto'kpy myäjkpy yë mjot mnini'kx, yë Judá ka'ap mëpaat pyokytyuny. Këtii jam mnëjkxtëty Guilgal, këtii jam mpa'tëkëtëty Bet-avén ets këtii nëkoo je'eyë kajpxpäjn xywya'antëty yë Wintsën.

Josue 16:2

Tyimtso'ontä'äky jam Betel mëti'ipë yajtijpën Luz ets tuknaxy ja Arquit ja'ayëty ja y'itjot ets jyä'ty jam Atarot.

Josue 18:13

E jam tsyoony wiinkpë mëti'ipë nëjkxpën ma ja it naaxwiinyëtë txëëwatyën Luz, yajtijp näjyëtu'un Betel ets ëpa'tkë'ëmtsow kyuye'eynyäxy ets jyëjptä'äky ma Atarot-adar y'itjotmën, jyä'ty jam ëpa'tkë'ëmtsow ma Bet-horón y'itjotmën.

Josue 8:12

Josué jä'ä ënety yë tsyiptuunpëtëjk të tyu'utsy nimëkoxk mil, jam anajnytsyow ma Betel mëët yë Aí nyäpyäätyë.

Jueces 20:26

Ënet jatëkok ojts nyëjkxtaaykyojnëtëpë ja tsiptuunpëtëjkëty ets tëkokyë ja ja'ayëty jam Betel ets jyiiytyë yaxtë Dios wintum mëët ko ënety may ja myëku'uk të y'o'kojnëtëpë. Tu'kxëëw yajxon ka'ap kyääytyë y'uktë ets ja Wintsën tmooytyë ja wyintsë'kën ma tuntën mëët ja näy'ëëw'oy näykyajpx'oyë.

1 Samuel 10:3

E ko wäänë mjaaktu'uye'eyëty, jam ma txëëwatyën Tabor, nitëkëëk jam yë ja'ay xypyata'any mëti'ipë pa'tëjkëtyëpën Betel ets nëjkx t'ëwtata'antë yë Dios, tu'uk tmënëjkxy tëkëëk yë tsajppax, tu'uk tëkëëk yë tsajpkääky ets tu'uk yë'ë myënëjkxyp yë tsatym nyëë po'oxuyjoty.

1 Samuel 7:16

Winjëmëjt ijty nyijkxy jam Betel, Guilgal ets Mizpá, tääts ja amay jotmay tnipaye'ey mëti'ipë ja Israel ja'ayëty myëët'ajtëpën.