Génesis 28:12 - Biblia Dc en Mixe de Quetzaltepec

¹² Ënet jam wyinkumaay: t'ijxy ko tu'uk ja teeny yaa naaxkëjxy tsyoony ets jyä'ty tsajpkëjxm ets Dios tsajpjotmëtë kyukäjpxy jëtu'un jyänty pyät jyänty jyënaktë.

Biblia Mixe de Quetzaltepec

¹² Ënät jam wyinkumaay: t'ijxy ko tu'uk ja teeny yaa naaxkëjxy tsyoony ets jyä'ty tsajpkëjxm ets Tios tsajpjotmëtë kyukäjpxy jëtu'un jyänty pyät jyänty jyënaktë.

Génesis 28:12 ပူးပေါင်းရင်းမြစ်များ

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 15:12

Ko ojts kyootsënë, ënät yë Abram yë mëk ma'ayë myajtsë. Ajotkumonë ojts t'ixy, ko yë kootsajtën të nya'ëwtijta'ayë. Ënet ojts mëk tsyë'ëkë.

Génesis 20:3

E jä'ä tsu'um ojts yë Abimélec wyinkuma'ay ma ja Dios ojts y'ënë'ëmxëtyën kuma'ayjoty: M'ookëp ënät, mëët ko ja to'oxytyëjk të xywyoy mëti'ipë pëkynyën.

Génesis 41:1

Kommäjtsk jëmëjt, tu'uk xëëw ojts yë yajkutujkpë wyinkuma'ay, jam nyäjyawëty tyänë ma mëjnëëpa'ajën, mëti'ipë xyëëwajtypyën Nilë.

1 Reyes 19:5

Ets nyäkyo'kë jam kepypya'tkë'ëm, ojts myaanaxy. Ajotkumonë tu'uk yë Wintsën yë kyukäjpxy nyimiinë ets y'ënëmaayë: Pëtë'ëk, kay uuk.

2 Crónicas 16:9

E Wintsën yë'ë wa'ats nyija'awëtyääpy tiijaty tuunëp jajtëp muum naaxwiinyëtë apëtsëmy ets tjotmëkmo'oy ja ja'ay mëti'ipë winë aaw winëjot tuk'ijxpäjtëpën. Mijts tëë jëtu'un mwinma'anytyëkoy, paaty winë të xytyuny tä tu'uk ja'ayën mëti'ipë winma'anytyukën. Jä'ä ko tyam wäänëni'ik yë tsip käjpxy xymyëtata'any.

Isaías 41:10

Këtii mtsë'ëkëty, ëjts yajpatpës ma mijtsën, ëjts mijts xyTyios'ajtp. Ëjts mijts nmëjaawmoopy ets nputëjkëp, mëëtës ja nkë'ë nmajts'ity ets xëmë mmëta'akëty.

Daniel 7:1

Tëkok ojts yë Daniel wyinkuma'ay, koots ënety, mëët tu'kjëmëjt ënety kyëjääjë yë Belsasar yajkutuky jam Babilonyë. Ko myä'äypyëti'ky, ënät tkujaaytyääy tiijaty ënety të twinkuma'ayën. Jëtu'un tjaaypyejty:

Mateo 1:20

Tëë ënety ja José jëtu'un myäy tyäjy ko ojts t'ixy kuma'ayjoty tu'uk ja Wintsën ja y'anklës. Tääts ojts y'ënë'ëmxëty: José, David yë tyëëmp y'aats, këtii xytsyë'ëkë ko xytyo'oxytyëjk'atëty yë Maria, yajminäämpy tu'uk yë mëxu'unk, Kënu'kxypyë Mëk'ajtënkyëjxm.

Mateo 2:19

Ko ja Herodes y'o'ky, ënät ja José ojts t'ijxkojnëpë kuma'ayjoty ja Wintsën ja y'anklës jam Egiptë, ets y'ënëmaayë:

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Hebreos 1:1

Tëëyëp, kanaak ok ojts ja Dios tmëkäjpxy ja n'ap'ajt n'ok'ajtëm ets kanaakjëjp ja winma'any tja'ixtaay ko ojts tjayajkäjpxy ja käjpxynyajxpëtëjk.

Hebreos 1:14

Jä'ä ko ja tsajpjotmëtë kukäjpxy aak poj yë'ëjëty mëti'ipë Dios myëtuuntëpën ets yë'ë yajkäjxtëp ets nëjkx tputëkëtë mëti'ipë ja nitsokën të yajtukumaytyën.