Génesis 27:43 - Biblia Dc en Mixe de Quetzaltepec

⁴³ Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Biblia Mixe de Quetzaltepec

⁴³ Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 27:43 ပူးပေါင်းရင်းမြစ်များ

Génesis 11:31

Taré ojts jam tsyo'onë Ur ma ja Caldeo ja'ayëty ja nyaaxjotmën ets ojts nyijkxy ma ja it naaxwiinyëtë txëëwatyën Canaán. Ojts twoownëjkxy ja y'u'unk mëti'ipë xyëëwajtypyën Abram ets ja y'ok'u'unk mëti'ipë xyëëwajtypyën Lot ets ja tsyë'ë Sarai. E ko jya'ajtë ma ja kajpn txëëwatyën Harán, jam ojts wyë'ëmtë tsënääpyë.

Génesis 24:29

Tam ënety ja y'äy, jä'ä xyëëwajtyp Labán. Ënet ojts pëyi'ikyë tninëjkxy ja ja'ay ma ënety nyëëkontën. Jä'ä mëti'ipë ënety ja y'uty Rebeca nyikäjpxypën.

Génesis 25:20

Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Génesis 27:13

Tä ja tyaak y'ëtsooy: U'unk pën npojkëp, ëjts nkëpätëp mijts yi'iyë patun ijxtëm n'ënëëmën, nëjkx yajtso'onkoj mäjtsk yë tsajppax.

Génesis 27:42

Ko ja Rebeca tnija'awëy wi'ix ja myaank myäy tyäjyën, tä ojts tmëkäjpxy ja mutskpë ja myaank mëti'ipë xyëëwajtypyën Jacob ets t'ënëmaay: Ëk'ix; yë m'ajty Esaú tëë mtukjoot'anpëkyë ets mtimyaj'ookanëp yë'ë, mëët wi'ix të xytyunyën ets jëtu'un ja tsyip y'äkë tyajnaxa'any ma mijtsën.

Génesis 27:8

E paaty tyam, mijts u'unk mëtoow'it mëti'ipë yam ntuk'ënëëmëjäämpyën:

Génesis 28:10

Ënet ja Jacob tsyo'ony jam Beerseba ets ojts ja tu'u tpëky, mëti'ipë ja'ajtpën Harán.

Génesis 28:5

Jëtu'un ijxtëm ja Isaac tkejxën ja Jacob jam Padán-aram, jam ojts nyijkxy ja Jacob ets jam jyä'äjty ma ja jyämy Labán ja tyëjkën, ja y'u'unk ja Betuel, ja arameë ja'ay; yë Labán yë'ë Rebeca y'äy, yë Esaú ets Jacob yë tyaak.

Génesis 28:7

Ko ja Jacob ojts ënätyë nyijkxy jam Padán-aram, ijxtëm ënety ja tyeety tyaak të y'ënë'ëmxëtyën.

Génesis 35:1

Ënet yë Dios t'ënëmaay yë Jacob: Pëtë'ëk ets nëjkx jam mtsëënë Betel, jam xy'oytyunëty tu'uk yë wintsë'këntyakn, mëti'ipë Dios jyä'ä'atëpën, ma ojts nyänyikëxë'ëkyën ma mijtsën ko ënety ja m'ajty Esaú xykyuke'eky.

Proverbios 30:17

Mëti'ipë ja'ay ja tyeety y'ëxëëk'ijxypyën ets je'eyë ja tyaak tnëxi'iky tukxi'iky ko myëjja'ayënë, tääpë jëtu'unpë ja'ay nitëjkëyëp ets lut tsyu'tspëtsë'ëmxëtëty yë wyiin ets witsn y'awoon y'apotëtëty.

Jeremias 35:14

Yë Jonadab yë y'u'unk y'ok, yë Recab yë myaank, yë'ë pyatuuntëp ja ënä'ämën mëti'ipë ënaanpën ko ka'ap mëpaat yë tsatym nyëë t'uuktë mëti'ipë tëë nyimaanaxyën, jä'ä ko jëtu'un ja y'aptëjk ojts tni'ënä'ämë. Ëjts nän tëë miitsëty yë ënä'ämën njamo'otë kanaak ok, je'eyëp ko ka'ap të xypyatuntë.

Hechos 5:29

Tääts ja Pedro y'ëtsooy mëët ja myëku'uktëjk: Yë'ë ëëts xypyatëp ets ja Dios nmëmëtowtëtyës, këtiinëm ja ja'ay.