Génesis 27:33 - Biblia Dc en Mixe de Quetzaltepec

³³ Ënet ja Isaac ojts jëtu'unyë kyumon kyutukë ets natsë'ëkëmëët y'ënäny: ¿Pën ojts të tsyu'utsy'ixta'ay etsës të xytyukniminy ja nkääkyës n'uukyës? Ëjts tëëjës ja ntimjyë'kxtaaykyojy ma ënety mijts ka'ap mjajtynyëmën ets të wyi'imy kënu'kxën mëët ja mëti'ipë jëyëjp të myinyën.

Biblia Mixe de Quetzaltepec

³³ Ënät ja Isaac ojts jëtu'unyë kyumon kyutukë ets natsë'ëkëmëët y'ënäny: ¿Pën ojts të tsyu'utsy'ixta'ay etsës të xytyukniminy ja nkääkyës n'uukyës? Ëjts tëëjës ja ntimjyë'kxtaaykyojy ma ënäty mijts ka'ap mjajtynyëmën ets të wyi'imy kënu'kxën mëët ja mëti'ipë jëyëjp të myinyën.

Génesis 27:33 ပူးပေါင်းရင်းမြစ်များ

Génesis 25:23

Tä yë Wintsën y'ëtsoowinpijtë: Jap mjootjoty mäjtsk yë naax kajpn jap mëjëtypë. Mäjtsk yë kajpn jap tsyiptuntë ma naamka'anëm myintënëm naaxwiiny. Tu'uk janty mëk y'ita'any këtiinëm ja wiinkpë. Yë mëjpë yë'ë naxaanp ijxtëm yë mutskpën.

Génesis 27:35

Tä ja tyeety Isaac y'ëtsoowë: U'unk yë m'uty, yë'ë të myiny etsës të xywyin'ëëny ets të tmënëjkxy ja kënu'kxën mëti'ipë ënety mijts mpatëpën.

Génesis 28:1

Tä ja Isaac ojts tmëkäjpxy ja Jacob ets tmooy ja kënu'kxën ets ojts tuk'ëne'emy, t'ënëmaay: Këtii yaa mpëkëty m'uukëty, mëët ja to'oxytyëjk mëti'ipë yaa kukajpnajtëpën, ma Canaán y'itjotmën.

Job 21:6

Ëjtspaat ntsë'ëkë koos nmëmay nmëtajy mëti'ipës nikajpxäämpyën; yë njot nini'kxës je'eyë tsyëtyuuynyë mëët yë tsë'ëkë.

Job 37:1

Koos n'ixy wi'ix tyuniky tyuupojyën, jëtu'unës yë njuukyjot jyänty pyuty pëtsëmaanp yowë jap nkatsyjyotyës.

Salmos 55:5

Tëës yë mëktsë'ëkë xytyuktëkë ets janty tsëyuuypyës mëët yë tsë'ëkë.

Juan 10:10

Yë mä'tspë, yi'iyë nyimiimpy ets myäätsa'any, yaj'ooka'any ets yajkutëkoyä'äny. Ëjts yë'ëjës të niminy ets ja ja'ay jyuuky'atëty akujk jotkujk.

Romanos 11:29

Ka'ap ja Dios wyinma'any tyëkatsy ko pën tii tmo'oy mëti'ipë të twin'ixyën.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Hebreos 11:20

Mëët ko myëpëjky ja Isaac, ojts ja y'u'unk Jacob ets Esaú tukwinwanë ja kënu'kxën.