Génesis 27:27 - Biblia Dc en Mixe de Quetzaltepec

²⁷ Ko ja Jacob tmëwinkoony ja tyeety ets tsu'kxa'any. Ënet ja Isaac ojts xyuuk'ajtxëty ja wyit, tä ojts kyënu'kxyë mëët ya'atë ja aaw ayuk: Pën ya'atë mëti'ipës nxuukajtypyën n'u'unkës yë jyä'ä. Jëtu'un yë'ë ijxtëm xyuuktën yë aaypyijy ujts pëjy kamjotm tu'ujotm mëti'ipë, Dios kyënu'kxypyën jyëkyejpyën.

Biblia Mixe de Quetzaltepec

²⁷ Ko ja Jacob tmëwinkoony ja tyeety ets tsu'kxa'any. Ënät ja Isaac ojts xyuuk'ajtxëty ja wyit, tä ojts kyënu'kxyë mëët ya'atë ja aaw ayuk: Pën ya'atë mëti'ipës nxuukajtypyën n'u'unkës yë jyä'ä. Jëtu'un yë'ë ijxtëm xyuuktën yë aaypyijy ujts pëjy kamjotm tu'ujotm mëti'ipë, Tios kyënu'kxypyën jyëkyejpyën.

Génesis 27:27 ပူးပေါင်းရင်းမြစ်များ

Hebreos 6:7

Jëtu'un yë'ëjëty ijxtëm ja naax t'ukta'ayën ja tuu nëë mëti'ipë naxmëtu'ujëpën: ko oyëtypë pëjktä'äky y'ity, ja yuupë tuunpë pyaatëp ja Dios ja kyënu'kxën.

Salmos 65:10

Mijts myajxo'kpy yë naaxwiinyëtë maajaty të yajtuktajtu'utyën ets xyajwin'utsy maajaty nyäxymyëtyën; mijts myajyu'unkëtyä'äpy yë naax, ets kënu'kxën xyajnaaxkëtä'äky ma winë y'ity wyintëyën kamwinm tu'uwinm.

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Hebreos 11:20

Mëët ko myëpëjky ja Isaac, ojts ja y'u'unk Jacob ets Esaú tukwinwanë ja kënu'kxën.

Cantares 2:13

Tam ja higos tsyaamë'knë ets tsatsymtsya'am kujk kyëjääjë xyu'kën jyojkën. Pëtë'ëk mijts mëti'ipës ntsojkpyën mëët yu'unk'aaw yu'unkjot.

Génesis 27:15

Tä tju'ty ja Esaú ja wyit mëti'ipë oyën, mëti'ipë ënety jap pëjkë'ëky yaj'ijtëpën ma ja tyëjkëtyën, tääts tukxojxy jä'ä ja Jacob ja mutskpë ja myaank.

Génesis 27:26

Ko kyääytyääy y'uktaay tää t'ënëmaay ja myaank Jacob: Min winkon etsës xytsyu'kxëty.

Génesis 48:10

Yë Israel tëë ënety myëjja'ayënë, ka'ap oy y'ëk'ijxnë, paaty yë José yë myaank nimäjtsk tukmëwinkoony ja tyeety Jacob ets tmëneeny ja y'ok'u'unk y'ok'ëna'k ets ojts tsu'kxy.

Deuteronomio 33:13

Ënet ojts tkënu'kxy yë José mëët ya'atë aaw ayuk: Yë Wintsën yë'ë kyënu'kxëp yë mkam mtu'u, ets tyajkëta'akëty yë nëë tuu, mëti'ipë jok yoots jam myëtso'ompyën nëëjoty wokjoty.

Génesis 27:39

Ënet ja Isaac y'ënäny: Mijts mëjëkäm'atëp ja naax kam ma winë y'ity wyintëyën, ets ma ja nëë tuu xëmë kyä'äyën.

Génesis 48:15

Ënet ojts yë José yajkënu'kxy mëët ya'atë aaw ayuk: Yë Dios mëti'ipë ojts t'ëwtatën tmëmëtowtën yë Abraham ets Isaac, mëti'ipës nteetyajtën, Ja Dios mëti'ipës të xykyënu'kxyën xëmë, koos nmiiny naaxwiiny ets tyampaat.