Génesis 25:8 - Biblia Dc en Mixe de Quetzaltepec

⁸ Ënet ojts y'o'knë ma ënety të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp.

Biblia Mixe de Quetzaltepec

⁸ Ënät ojts y'o'knë ma ënäty të myëjja'ayënën. Jam ojts nyaaxtëkë ma ja y'aptëjk nyaaxtëkëtën tëëyëp.

Génesis 25:8 ပူးပေါင်းရင်းမြစ်များ

Génesis 15:15

Mëti'ipë mijts mpatëpën, yë'ë ko m'ooka'any oy yajxon ko mëjja'ayënëty, jëtu'un tyu'ukmuka'any yë m'anëmë mëët yë m'ap m'ok yë y'anëmë.

Génesis 25:17

Jä'ä ënety ja Ismael ja jyëmëjt mëko'px ja i'px majkmokx mäjtsk, ko ojts y'o'knë ets ojts jam nyijkxy ja jyot y'anëmë ma ja y'aptëjk ja jyä'äjëtyën ets jam tyu'ukmujky mëët.

Génesis 25:7

Jä'ä ojts yë Abraham jyuuky'äty mëko'px ja tëkë'px majkmokx jëmëjt kä'pxy.

Génesis 35:18

Yë Raquel tim o'këtaknëp ënety jamnë, ko ojts jyaak mëkxejy, ënät tjaakxëëwmooy ja u'unk Ben-oni, e yë tyeety jä'ä xyëëwmooyë Benjamín.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 49:29

Tëkok ojts yë Jacob tuk'ëne'emy ya'atë yë y'u'unk y'ëna'k ets t'ënëmaay: Ëjts wäänës njaakjuuky'ata'any täätsës n'o'knëty, koos n'ookëty jamës xyajnaaxtëkëtëty ma jam pyo'kxtën yë n'ap n'okës, jamës jëtu'un n'antijy ma aankën mëti'ipë jam yajpatpën Efrón nyaaxjotm, yë Hit ja'ay.

Génesis 49:33

Ko jëtu'un yë Jacob tmëmëtyaktaay yë y'u'unk y'ëna'k, ënät ojts jatëkok nyäkyo'okyë ets y'o'këtäky.

Génesis 50:13

Ojts jëtu'un jam tmënëjkxtë Canaán ets jam tyajnaaxtëjkëtyë ma ja aankën mëti'ipë jamën Macpelá, mëti'ipë ojts yë Abraham tjuyën, yë'ë tukmëto'kë Efrón ja Hit ja'ay ets jam nyaaxtëkëtëty jënu'un tyu'kjëëky'at tyu'kmëku'uk'atën. Ya'atë it naaxwiinyëtë ma jam ja aankën jam yajpaaty awinmtsow jam Mamré.

1 Crónicas 23:1

Yë David tëë ënety myëjja'ayënë ko ojts tuknipëky ja myaank Salomón ets yë'ë yajkutukëty ma ja Israel kajpnën,

1 Crónicas 29:28

Mëjja'ay ënätynyë ko ojts y'o'knë, jeky jyuuky'äjty, ojts ja wit meeny may tmëët'aty, tyuun kyajpx winë mëjwiin këjää, akäjpxy oymyaajëty y'ijty. Ko ojts y'o'knë yë myaank Salomón, yë'ë kutëjkëyë ma kutujktaknën.

2 Crónicas 24:15

E ja Joiadá ojts ja myëjja'ayënë, tëë ënety yajxon myëjja'ayënë ko ojts y'o'knë, jä'ä ënety yë jyëmëjt mëko'px ja i'px majktu'uk;

Job 41:32

Jëtu'un yaj'ixy jap mejyjoty poopëm y'atë'kxy tä yë ja'ay yë pyo'o kyëxë'ëkyën.

Job 5:26

Oy mëk nëjkx mmëjja'ayë, jëtu'un tä tsajpmok majën.

Proverbios 20:29

Mëti'ipë ëna'ktëjkëty tyukmëjnajxtëpën, yë'ë ko kyumëjaaw'atë; e mëti'ipë mëjja'aytyëjk tyukmëjnajxtëpën, yë'ë ko jyap'atë yë jyot wyinma'anyëty oypyë.

Jeremias 6:11

Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.

Hechos 13:36

Jä'ä ko ja David ojts oytyuny ma ja jyä'äyën ijxtëm ja Dios ënety tsokyën, ko ojts y'o'knë jam nyaaxtëjkëy ma ja tyeety y'apën ets ja nyi'kx kyopk ojts wyintëkoy.

Hechos 5:10

Tääts ja to'oxytyëjk ooky tyimnakëtäky jam ma ja Pedro tyeky'ëjxën. Ko ja ëna'ktëjk tyëjkëtyë, ooky ja to'oxytyëjk jap tpatë. Tää tyajpëtsëëmtë, ets ojts nän jam tnitajëtë ma ënety ja nyiye'etyëjk të nyaaxtëkën.

Hechos 5:5

Je'eyë ja Ananías jëtu'un tmëtooy, ooky tyimnakëtäky. Ets mëti'ipë y'ijxtën nyija'awëtën, ni'ëmukë tsyë'këtyë.

Deuteronomio 32:50

Jam kopkkëjxm ma ënety të mpetyën, jam nëjkx m'ooky mtëkoy ets mëët mnämyukëtëty ja m'ap m'ok tä yë m'ajty Aaronkën, mëti'ipë ojts jam y'ookyën ma Hor kopkën ets ojts mëët tyu'ukmuky ja y'aptëjk.

Jueces 2:10

Ja Israel ja'ayëty mëti'ipë ënety mëët ja Josué tu'ukyë të jyuuky'atën ojts y'o'knëtë. Jëtu'un'äämyp ja ja'ayëty mëti'ipë ojts ok myintën naaxwiinyëtë ka'ap ojts näjyëtu'un tnijawëtë Wintsën ets ja myëj'ajtën mëti'ipë ënety të tuny të tkäjpxyën ma ja Israel ja'ayëtyën.

Jueces 8:32

Gedeón tëë ënety myëjja'ayënë ko ojts y'o'knë, jam nyaaxtëjkëy ma ja tyeety Joás nyaaxtëjkëyën ma ja naaxwiinyëtë txëëwatyën Ofrá ma Ebiézer jyä'äy tsyëënëtën.