Génesis 25:34 - Biblia Dc en Mixe de Quetzaltepec

³⁴ Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.

Biblia Mixe de Quetzaltepec

³⁴ Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënäty tsyowpaaty ja kyä'äxkopk'ajtën.

Génesis 25:34 ပူးပေါင်းရင်းမြစ်များ

1 Corintios 15:32

Koos jeexyë ëjts nkë'ëmwinma'any të nyajtunyës, koos të ntsiptuny mëët ja ja'ayëty mëti'ipë jëtu'unëtyën tä ëwa'an jëyujkën, ¿tiis jeexyë të npaaty të n'ixyës? Pën tëy ko ja o'kpë ka'ap jyuukpyëktë, jëtu'un ijxtëm ja ja'ay y'ëna'antën: Tsojk nka'ayëm n'ukëmë, jä'ä ko jëpom n'ooka'anëmë.

Isaías 22:13

Tyam xoontaktëp ja ja'ayëty ets äjtstëp pujtëp, janaam jatsojk tjantyaj'ooktë tsajpkaa ets kupixyny, kyäytyë jyë'kxtë ënät ets y'uuktë pyëktë.

Hechos 13:41

Ixtë, miitsëty mëti'ipë päjxtëpën, mëj'ix naak'ixtë ets mtimkyutëkoytyëty, jä'ä ko ntunäämpyës ja mëjëtypë ma ënety jam mjuuky'atën, mëti'ipë ka'ap xymyëpëktëtyën oy ënety pën mjatukmëmëtya'akëtë.

Mateo 26:15

ets t'ënëmaay: ¿Jënu'un ja meeny xymyo'otëtyës etsës ja Jesús nkë'ëyakëty? Tääts yajmooy i'px majk ja poop pujxn meexy.

Mateo 22:5

E ja ja'ayëty mëti'ipë ojts jyayajwowtën ka'ap ja myiintë kääpyë. Tuu'k, ni'ikyë ojts nyijkxy kyamjotm, tu'uk ajuupyë ato'kpë ojts nyijkxy,

Zacarías 11:13

Tä yë Wintsën xy'ënëmaayës: Mënëjkx tääpë meeny, i'px majkpë poop pujxn jam ma tsajptëjkën ets xy'apëkëty ma meeny nyipetyën. Ënätës ja meeny ojts nmënëjkxy jam ma tsajptëjkën ets jap n'apëjkëyës ma ja meeny nyipetyën.

Eclesiastés 8:15

Paatyës ëjts yë'ëjës ni'ik nyajmëjnajxyp yë xoontakën. Yi'iyë jëtu'un mëpaat yë naaxwiinyëtë ja'ay tuny, kyäyëty y'uukëty, y'uukëty jyë'kxëty ets y'äts xyoonta'akëty, jä'ä ko yi'iyë jëtu'un jyaak jëkyejpy tunëty ma yaa yë Dios naaxwiinyëtë naaxkëjxy të pyëjktä'äkyën.

Salmos 106:24

Wäänë y'ijty, tääts tu'uk yë naax kajpn janty'oy janty tsujpë ojts t'ixtijtë, ka'ap tmëpëjktë mëti'ipë ënety ja Dios të tyukwinwanëtën,

Génesis 25:29

Tu'kxëëw tu'kjëmëjt yë Jacob jap ënety ma ja mutstëjkën, tojkx ënety jap yaj'o'oyëp, ënät yë Esaú jyä'äjty janty ënu'kxë,

Génesis 25:33

Ënet yë Jacob t'ënëmaay yë y'äjty: Jëyëjp xynyikajpxëty mëët yë Dios xyëëwkëjxm ko tëy mkäjpxy. Esaú ojts jëtu'un tjantytyuny. Jëtu'un'äämpy ojts tmo'oy ja y'uty Jacob ja kyä'äxkopk'ajtën.

Génesis 26:1

Jä'ä xëëw jä'ä jëmëjt ojts ja yuu xëëw myiny ma jampë ja it naaxwiinyëtën. Ëpëky näjyëtu'un mëti'ipë ojts y'ëk'ijtpën ma ënety yë Abraham jyaak juuky'ätynyëmën. Paaty ojts yë Isaac jam nyijkxy Guerar, ma jam ja Abimélec tsyëënën, ja yajkutujkpë, filistejë ja'ay.

Génesis 27:32

Ënet ja Isaac tyajtëëy: ¿Pën jëtu'un mijts? Ëjts yë Esaú yë m'u'unk yë mëjpë: jëtu'un y'ëtsooy yë Esaú.