Génesis 25:33 - Biblia Dc en Mixe de Quetzaltepec

³³ Ënet yë Jacob t'ënëmaay yë y'äjty: Jëyëjp xynyikajpxëty mëët yë Dios xyëëwkëjxm ko tëy mkäjpxy. Esaú ojts jëtu'un tjantytyuny. Jëtu'un'äämpy ojts tmo'oy ja y'uty Jacob ja kyä'äxkopk'ajtën.

Biblia Mixe de Quetzaltepec

³³ Ënät yë Jacob t'ënëmaay yë y'äjty: Jëyëjp xynyikajpxëty mëët yë Tios xyëëwkëjxm ko tëy mkäjpxy. Esaú ojts jëtu'un tjantytyuny. Jëtu'un'äämpy ojts tmo'oy ja y'uty Jacob ja kyä'äxkopk'ajtën.

Génesis 25:33 ပူးပေါင်းရင်းမြစ်များ

Hebreos 12:16

Exkëm miits nitu'uk mjot mnini'kx xytyo'knëtë, këtii xypyäxtëty ja Dios ja myëj'ajtën, ijxtëm ja Esaú y'ëtitsyën ko ja kyä'äxkopk'ajtën ojts tukwinkupëky ja tojkx mëti'ipë je'eyë tu'k'ok tyojkxën.

Hebreos 6:16

Ko ja ja'ay tii tyajtëytyëkëja'antë, yë'ë kyajpxpatëp mëti'ipë ni'ik mëj'äämpyën këtiinëm yë'ë kë'ëmëty ets ko jëtu'un tii tyajtëytyëkëtë ka'ap t'ëkjëkyäjpnë wi'ix jyaak yajnimëtya'akëty.

Génesis 27:36

Ënet yë Esaú y'ënäny: Tyimxëëw jëtu'un Jacob, jä'ä ko jëtu'un jyä'äy'äty. Mëmäjtsk'okës tyam ëka'any jëtu'un winë xypyëjkë. Më''ëka'any ojtsës xypyëjkë nkä'äxkopk'ajtën e tyam ja nkënu'kxënës ënät të xypyëjkë mëti'ipës xypyatpën. ¿Tatë këtii jap maa xyjyaakpëjkë'ëky etsës jeexyë näjyëtu'un wäänë xykyënu'kxpë?

Marcos 6:23

Ojts ja Dios tyajkäjpxy ko tmo'oja'any pën tii ja to'oxy'ëna'k y'amëtoopy, yë'ëpaat ojts ja kuttujkën kujkwä'kxy tukwinwanë.

Génesis 24:3

Ets nikajpx mëët yë Dios xyëëwkëjxm, mëti'ipë Tios'ajtpën tsajpjotm ets naaxwiiny, ko këtii xy'a'ixëty ets nmaankës pyëkëty y'uukëty mëët yë to'oxy'ëna'k yaapë kyukajpn'atën Canaán, maas tyam ntsëënën njuuky'ätyën.

Génesis 14:22

Tyaa Abram y'ëtsooy: Tëës yë Dios nwinwanë, yë Dios Ni'ik Këjxmëpë, mëti'ipë tsajp ets naaxwiinyëtë yajkojën,

Génesis 25:32

Tä yë Esaú y'ënäny: Ijxtëm xy'ixyën ëjts yuu'o'këpës yam. Tyam ka'apës yë'ë nmay ntajy pën kä'äxkopktëmës ets ni nkayajmëyätyës tyam yë kä'äxkopk'ajtën.

Génesis 25:34

Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.

Génesis 27:1

Yë Isaac tëë ënety myëjja'ayënë ets ka'ap y'ëk'ijxnë, paaty ojts tëkok tmëkäjpxy ja myaank mëti'ipë kä'äxkopkën, ja Esaú ets t'ënëmaay: U'unk maay. Tä y'ënäny yë Esaú: Wi'ix tatë.

Génesis 27:32

Ënet ja Isaac tyajtëëy: ¿Pën jëtu'un mijts? Ëjts yë Esaú yë m'u'unk yë mëjpë: jëtu'un y'ëtsooy yë Esaú.