Génesis 25:29 - Biblia Dc en Mixe de Quetzaltepec

²⁹ Tu'kxëëw tu'kjëmëjt yë Jacob jap ënety ma ja mutstëjkën, tojkx ënety jap yaj'o'oyëp, ënät yë Esaú jyä'äjty janty ënu'kxë,

Biblia Mixe de Quetzaltepec

²⁹ Tu'kxëëw tu'kjëmëjt yë Jacob jap ënäty ma ja mutstëjkën, tojkx ënäty jap yaj'o'oyëp, ënät yë Esaú jyä'äjty janty ënu'kxë,

Génesis 25:29 ပူးပေါင်းရင်းမြစ်များ

Génesis 25:30

ets y'ënëmaayë: Mooykyës wäänë yë mtuka'any tampë xyyaj'oyën. Ëk'ix, mëpaatëpës, yë yuu xyaj'o'knë. Paatykyëjxm yë Esaú yajtijp näjyëtu'un Edom.

Génesis 25:34

Tä ja Jacob tmooy yë kääky tojkx ja y'äjty Esaú. Ja Esaú akujk jotkujk kyääytyääy y'uktaay ets pyëtë'knë ni tkamëmay tkamëtajy jënu'untën ënety tsyowpaaty ja kyä'äxkopk'ajtën.

2 Reyes 4:38

Ko ya'atë jëtu'unpë ja mëj'ajtën tyuuntaay jyajtaayë, tä ja Elisejë ojts nyëjkxnë jam Guilgal. Tu'kxëëw tu'kjëmëjt, ma jampë ja itjotmën yuu ënety jam mëk jëtijtp, e jamts ënety yajpaatë aakyë'ë yë Wintsën yë tyuunpëtëjkëty, ko t'ënëmaay yë Elisejë ja tyuunpë Guehazí: Tun mëyajtën jam wäänë yë tu'ts xykyëxwitsëty jëënkëjxm ets tojkx xyaj'oyëty wä'än ya'atë Wintsën yë tyuunpëtëjk tkaytyë.

2 Reyes 4:39

Tu'uk ojts nyijkxy jam kamjotm ets jamt tpaty yë ujtstëëm, jëtu'un kyëxë'ëky tsi'i u'unkën, tääts may tpëjkmujk jap nyijänjoty t'apëjkëy. Ko tmëja'ajty tääts yajxon t'atsujkëy tsayjäty ets tyajkëëy, ninu'un tkanijawëtë ko y'ëxëëk'ujtsëty.

Proverbios 13:25

Yë wa'ats ja'ay ku'uxyë kyäy y'uuky. E yë ëxëëk ja'ay xëmë yu'o'kp yajpaaty.

Hageo 2:12

Ko tu'uk yë ja'ay tsu'utsy tmënëjkxëty winpity mëët yë wit ets ja wit tpaatëty ja tsajpkääky, ja tojkx, ja tsatym nyëë, ja on ëkë tukka'any: ¿Yë'ëkyëjxm ënety wa'ats të wyi'imyë? Ets ja teetytyëjkëty y'ëtsoowtë ko ka'ap.

1 Samuel 14:28

Tääts tu'uk ja tsiptuunpë y'ënëmaayë mëti'ipë ijxën: Tëë mteety y'aaw y'ayuk tkäjpxy Dios xyëëwkëjxm ets të y'ënä'äny: Ko pën tii jyi'kxyp tyam, poky nëjkx wyi'imy. Ijxtëm xy'ixyën paatykyëjxm yë ja'ay tëë y'ënu'kxëtyääynyëtë.

1 Samuel 14:31

Jä'ä xëëw yë Israel ja'ayëty ka'ap ojts tyajmëta'aktë yë filistejë ja'ayëty. Jampaat tsyiptuuntë ma txëëwatyën Micmás ets Aialón. E ja Israel ja'ayëty tëë ënety y'ënu'kxëtyääynyëtë,