Génesis 25:28 - Biblia Dc en Mixe de Quetzaltepec

²⁸ Isaac yë'ë yajmëj'ajtyp yë Esaú, jä'ä ko yë Esaú y'a'ixta'ayëp ijty yë tyeety. Ets tyeety oy ënety tsu'utsa'any ja aayjëyujk ujtsjëyujk mëti'ipë ja Esaú myäjtsypyën. E yë Rebeca yë'ë ënety oy yajmëj'ajtyp yë Jacob.

Biblia Mixe de Quetzaltepec

²⁸ Isaac yë'ë yajmëj'ajtyp yë Esaú, jä'ä ko yë Esaú y'a'ixta'ayëp ijty yë tyeety. Ets tyeety oy ënäty tsu'utsa'any ja aayjëyujk ujtsjëyujk mëti'ipë ja Esaú myäjtsypyën. E yë Rebeca yë'ë ënäty oy yajmëj'ajtyp yë Jacob.

Génesis 25:28 ပူးပေါင်းရင်းမြစ်များ

Génesis 27:14

Ënet ja Jacob ojts tyajtsoony mäjtsk ja tsajppax ets tuknimiiny ja tyaak. Ënet ja tyaak tyaj'o'oyëy ja tojkx janty xu'kx jëtu'un ijxtëm ënety ja Isaac oy tsokyën.

Génesis 27:19

Ëjts Esaú'ajtp ja kä'äxkopk: jëtu'un y'ëtsooy ja Jacob. Tatë pëtë'ëk, tun yë mëyajtën, ëk'u'unyë, tää mkay m'uukëty, tëëjës ojts ja tuka'any n'ixta'ay ets ënät xymyo'ojëtyës ja mkënu'kxën.

Génesis 27:25

Ënet ja tyeety y'ënëmaayë: Mooykyës yë nka'ayën n'ukën, u'unk maay, wä'änës n'ëktukkay n'ëktuk'uuky mëti'ipë ojts të xy'ixta'ayën. E koos nkaaytya'ajëty täänëm nkënu'kxëty. Ënet ja Jacob ja tyeety tyajkaay tyaj'uky, jëtu'un'äämpy ojts yë Isaac jyänty kyäy jyänty y'uuky.

Génesis 27:3

Paaty yam n'amëtoy npëjktsoy ets nëjkx m'ëk jëtity kamjotm tu'ujotm, mpapëkëp yë mti'pxn mëti'ipë aayjëyujk ujtsjëyujk mtukmajtsypyën, tääts xymyëja'tëty ets xyaj'oyëty yë tojkx, wä'änës n'ëkkäy n'ëk'uuky. Tääts ënät ok nkënu'kxëty maas naamka'anëm n'ookynyëmën.

Génesis 27:31

Ënet ojts ënätyë timnyanipëjktaakë ja ka'ayën ukën xu'kxpë, ko tyaj'apatëtyääy tä ojts tukninëjkxy ja tyeety ets t'ënëmaay: Tatë ëkpëtë'ëk ets m'ëk kay m'ëk uukëty, tëëjës nyaj'oyë, mëti'ipës ojts të n'ixta'ayën, etsës xymyo'ojëty ja mkënu'kxën.

Génesis 27:9

Nëjkx ma jap yë tsajppax kupixyny tyänëtën ku'ëkemy ets yajmin mäjtsk yë tsyajppax. Wä'änës n'oytyuunë yë mteety yë tyojkx, mëti'ipë oy tyimtsojkën'ajtypyën.