Génesis 25:20 - Biblia Dc en Mixe de Quetzaltepec

²⁰ Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Biblia Mixe de Quetzaltepec

²⁰ Yë Isaac wëxtyikxy ënäty jyëmëjt ko ojts pyiky mëët yë Rebeca, yë'ë ënäty yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Génesis 25:20 ပူးပေါင်းရင်းမြစ်များ

Génesis 22:23

Ya'atë Betuel yë'ë jëtu'un ojts tnëëx'aty ja Rebeca. Ya'atë jëtu'un tuktujk y'u'unk'ajtyp yë Milcá mëët nyiye'etyëjk Nahor, yë Abraham yë myëkä'äx.

Génesis 24:15

Ka'anëm ënety tuunta'ay ja kyapxtakën, ko myiiny tu'uk ja to'oxy'ëna'k mëët yë nyëëtsiiyë kyejkyijxy. Jä'ä ënety ja Rebeca, yë Betuel yë nyëëx, jä'ä ënety Betuel xyëëwajtyp ja Milcá ets ja Nahor ja myaank, ja Abraham ja myëkä'äx.

Génesis 24:29

Tam ënety ja y'äy, jä'ä xyëëwajtyp Labán. Ënet ojts pëyi'ikyë tninëjkxy ja ja'ay ma ënety nyëëkontën. Jä'ä mëti'ipë ënety ja y'uty Rebeca nyikäjpxypën.

Génesis 24:67

Ënet ja Isaac ojts ja Rebeca twoownëjkxy ma ja tyaak ja jyëën tyëjkën, tä ojts mëët pyiky y'uuky. Yë Isaac mëk tsojky tja'awëy yë Rebeca, jëtu'un ojts jotkujk nyäjyawëty jatëkok oy ënety ja tyaak të y'ëk'ooky.

Génesis 25:26

Ënätnën ojts näjyëtu'un ja y'uty myëxu'unk'aty jap myajts'ityë ma tyeky ixpo'kxën mëët yë kyë'ë. Paaty ojts jëtu'un txëëwmo'otë Jacob. Yë Isaac tëkë'px ënety yë jyëmëjt, ko ojts yë Rebeca tyajminy naaxwiiny yë y'u'unk myääy nimäjtskpë.

Génesis 27:43

Paaty mëtoowit mëti'ipë tyam ntuk'ënëëmëjäämpyën. Kä'äk ets nëjkx jam Harán, jam mja'tëty ma ja tyëjkën ja n'ayës Labán.

Génesis 28:2

Nëjkx jam Padán-aram ma ja tyëjkën yë mtatwelë Betuel ets jam mëët mpëkëty yë nyëëx yë mjämy Labán.

Génesis 28:7

Ko ja Jacob ojts ënätyë nyijkxy jam Padán-aram, ijxtëm ënety ja tyeety tyaak të y'ënë'ëmxëtyën.

Génesis 31:20

Jëtu'un ojts ja Jacob twin'ëëny ja myë't Labán ja arameë ja'ay, ko ka'ap tuknija'awëy wi'ix ojts jam tsyo'onën.

Génesis 31:24

E jä'ä tsu'um ja Labán y'ënëmaayë ja Dios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Génesis 33:18

Ko yë Jacob tsyo'ony jam Padán-aram, oy mëk jam jyä'äjty Canaán ets jam tsyënaaytyaknpëjky winkon ma ja it naaxwiinyëtë txëëwatyën Siquem.

Génesis 35:26

E mëti'ipë y'u'unk'ajtën mëët ja Zilpá ja Lea ja tyuunpë, jä'ä xyëëwajtë Gad ets Aser. Ya'atë jëtu'un y'u'unk'ajt yë Jacob mëti'ipë ojts jam Padán-aram myintë jya'tën.

Génesis 35:9

Ko ojts yë Jacob wyimpijnë Padán-aram, ënät yë Dios mëët jatëkok nyäpyäätyë ets ojts tkënu'kxy mëët ya'atë aaw ayuk: Mijts jä'ä mxëëwajtyp Jacob, ka'ap tyam jëtu'un xy'ëkxëëwatanë. Tyam jä'ä mxëëw'atäämpy Israel. Ko ja Dios ojts ja xyëëw yajtëkajtsxëty,

Génesis 46:15

Ya'atë yë Jacob y'u'unk'ajt y'ëna'k'ajt mëti'ipë yajmëxu'unk'ajtën yë tyo'oxytyëjk Lea ko ënety jam tsyëënëtë Padán-aram ets mëët tu'uk ja nyëëx mëti'ipë xyëëwajtypyën Dina. Jä'ä ojts ja y'u'unk y'ëna'këty nyiwinë'atë ni''i'px majktëkëëk, jëtu'un yë ye'etyëjkpë ets to'oxytyëjkpë.

Lucas 4:27

Näy nimay ënety ja ja'ay ja pu'uts pa'am pyëkëtë yaa Israel ko jyää'ajty ja Dios ja kyäjpxynyajxpë Elisejë ets nitu'uk ojts kyatso'oktë ja pyu'uts, ja Naamán ojts yi'iyë ja pyu'uts nätyu'uk tsyo'oky, mëti'ipë jam Sirië kukajpn'ajtpën.

Deuteronomio 26:5

Ets m'ëna'anëty jam mWintsën wintum: Ëëts yë nteety n'apëty, mëti'ipë arameë ja'ayëtyën, tëëyëp jëtu'unyë ojts jyëtitë, ok ojts jap nyëjkxtë Egiptë ets jap tsyënaaytyaknpëjktë. Japts ojts yajxon nyimayëtë ets tu'uk mëj kajpn y'awinpijtë, tääts ojts myëkta'aktë.