Génesis 25:13 - Biblia Dc en Mixe de Quetzaltepec

¹³ Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam.

Biblia Mixe de Quetzaltepec

¹³ Yë'ë ojts ëka'any myiny naaxwiiny: Nebaiot, yë'ë kä'äxkopk'ajtp, mëmäjtsk myiiny jyä'äjty naaxwiiny yë Cedar, mëtëkëëk Adbeel, mëmajktaxk Mibsam.

Génesis 25:13 ပူးပေါင်းရင်းမြစ်များ

Génesis 17:20

Näyjyëtu'un yë Ismael ijxtëm mijts të m'ëna'anyën: tyamës nkënu'kxa'any. Myëët'atäämpy may yë u'unk ëna'k ets nimayëjantëp yë'ë y'u'unk y'ok. Ismael yë'ë teety'ataanp ma ja nimajkmäjtskpë ja'ayëtyën mëj'äämpyë ets tu'uk yë mëj kajpn nyajkoja'anyës mëët yë'ë.

Génesis 25:14

Oknëm näjyëtu'un myëxu'unk'ajtë Mismá, Dumá, Masá,

Génesis 28:9

Paaty ojts tninëjkxy ja Ismael, ja Abraham ja y'u'unk ets mëët pyijky ja nyëëx mëti'ipë xyëëwajtypyën Mahalat, jä'ä ja y'äy xyëëwajtyp Nebaiot, ëpëky ja wiinkpë tyo'oxytyëjk mëti'ipë ënety mëët të y'ëkpëjkpën, mëti'ipë Canaán ja'ayën.

Génesis 36:3

wiinkpë tyo'oxytyëjk jä'ä xyëëwajt Basemat, yë'ë nyëëx yë Ismael, yë y'uty yë Nebaiot.

Salmos 120:5

Janty mon janty tukës nyajpaaty, koos jaaypyaat jaaypyo'kxyënës nyajpaaty ma Mésec y'itjotmën, jamës të ntsënaaytyaknpëky Cedar.

Cantares 1:5

Miitsëty to'oxytyëjktëjkëty mëti'ipë jam Jerusalén kukajpnajtëpën, ëjts yëkës, oy tsujës nja'ay'äty; yëkës nkëxë'ëky, tä yë wyittëjkëtyën yë Quedar ja'ayëty, oy tsujës ëjts tä yë Salomón yë wyit'atëëytyukën.

Isaías 42:11

Wä'än txoonta'aktë ja të'ëts'itjot ets ja ja'ayëty jënu'un jam tsyëënëtën, ets näjyëtu'un ja naax kajpnëty jampë yajpaatën ma tsyëënëtën ja Quedar ja'ayëty. Wä'än t'ëwtë tya'axtë mëët yë jotkujk'ajtën yë Selá ja'ayëty; wä'än mëk tyajmëtoy ëy yä'äxy jam ma tun kopkën.

Isaías 60:7

Tu'kë'ëyë tsajppaxëty kupixynyëty jampë tyänëtën Quedar, aakmijts mjä'ä'atäämpy; yë kupixyny ayääkë jampë myäytyänëtën Nebaiot, aakmijts nëjkx xyajtuny ets Wintsën xytyukwintsë'ëkëty ma ja wintsë'këntyaknën ets oy xyuukëty jyokëty, jëtu'unts yë tsyajptëjk janty'oy ni'ik kyëxë'ëkëty.

Jeremias 2:10

Nëjkxtë jam mejy awinaxy ets ixtë tuntë; käxtë oypyënëty, yajxon t'ixëty tunëty pën tëë jam muum jëtu'unpë tyunyë jyätyë.

Jeremias 49:28

Ma ja Wintsën tnikäjpxyën wi'ix jyata'antën ja Quedar ja'ayëty ets Hasor ja'ayëty, mëti'ipë ja Nabucodonosor, Babilonyë yajkutujkpë ojts ka'ap yajmëta'akëtën. Nëjkx nitëkëtë yë Quedar kajpn, yajkutëkoytyë tääpë kajpn, xëëwpëtsëmtsyowpë yajpaatyën.

Ezequiel 27:21

Yë Arabië ja'ayëty ets wintsëntëjkëty mëti'ipë Quedar ja'ayëtyën jam ijty tyim ajuytyë ma mijtsën ets mo'oyë yë kupixyny ets tsajppax ko tii tjuy ja mëti'ipë mijts mtukmëto'kpyën.

Jueces 8:24

Mëti'ipë tëy yam miits n'amëtowantëp yë'ë ets xymyo'otëtyës ja kë'ëjiits mëti'ipë ja mëtsip të xypyëjkëtën. Tääpë jëtu'unpë kë'ëjiits yë'ë ijty yajtuuntëp yë tsiptuunpëtëjkëty jampë yajpaatën ma ja it naaxwiinyëtën të'ëts'itjotmëpë.