Génesis 25:11 - Biblia Dc en Mixe de Quetzaltepec

¹¹ Ko ënety ja Abraham të y'o'knë, mëj këjää ojts yë Isaac Dios nyi''ijxkëtä'äkyë ets kyënu'kxyë. Jam ënety të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.

Biblia Mixe de Quetzaltepec

¹¹ Ko ënäty ja Abraham të y'o'knë, mëj këjää ojts yë Isaac Tios nyi''ijxkëtä'äkyë ets kyënu'kxyë. Jam ënäty të wyë'ëmnë tsënääpyën ma ja nëëjut txëëwatyën Mëti'ipë juukyën etsës xy'ixy.

Génesis 25:11 ပူးပေါင်းရင်းမြစ်များ

Génesis 12:2

Ëjts nyajkojäämpyës mëjpë ja naax kajpn mëët ja m'u'unk m'ok. Mijts nkënu'kxäämpyës mëjwiin këjää ets mëj'äämpy nyaj'ita'any ets mëët mijtskyëjxm kënu'kxy nëjkx may yë ja'ay y'itë.

Génesis 12:3

Nkënu'kxäämpyës mëti'ipë ënety mkënu'kxëpën, npokäämpyës mëti'ipë ënety mpojkëp mijts kyëjxmën; mëët mijtskyëjxm nkënu'kxta'ajäämpyës yë ja'ay naaxwiinyëtë apëtsëmy.

Génesis 16:14

E paaty näjyëtu'un jampë ja nëëjut txëëwaty: Ja nëëjut mëti'ipë juukyën ets xy'ixës. Ya'atë nëëjut jam yajpaaty itkujky ma Cadés mëët yë Béred nyäpyäätyë.

Génesis 17:19

Ets Dios y'ëtsoowë: Mëti'ipë mijts ntuk'ënëmääpyën yë'ë ko mto'oxytyëjk tu'uk yë u'unk tyajmina'any naaxwiiny ets xyëëw xypyëjtakëty Isaac. Mëët yë'ë ntuknikajpxpejtypyës yë n'oyajtënës ets yë'ë myëët'atantëp yë y'u'unk y'ok.

Génesis 22:17

ko nkënu'kxa'any mëjwiin këjää. Yë m'u'unk m'ok janty nimay y'ita'antë jëtu'un tä yë mëtsa'ajën ets jëtu'un nyimay'ata'antë ijxtëm yë jin kyëxë'ëkyën nëë''ëkë'ëy. Yë'ëjëty xëmë tmëmëta'aka'antë yë myëtsipëty,

Génesis 24:35

Mëj yë Dios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 24:62

Yë Isaac jam ënety ojts të wyimpity ma jam tu'uk ja nëëwookyën mëti'ipë xyëëwajtypyën Mëti'ipë juukyajtpën etsës xy'ixy. Jam ënety tsyëënëtë ma ja naax kam txëëwatyën Négueb.

Génesis 26:12

Jä'ä jëmëjt ojts yë Isaac nyi'ipy ma jam ja naax kamën ets janty may ojts tyajmuky ja jyi'kxy pyiky. Jëtu'un ojts ja Dios mëj këjää kyënu'kxyë.

Génesis 26:3

E tyam jaakjuuky'ajtkoj ma tampë kajpnën. Ëjtsës mëët mijts nyajpaata'any ets nkënu'kxäämpy. Jä'ä ko mijts ets mëët yë m'u'unk m'ok, yë'ëjës ya'atë it naaxwiinyëtë nmo'ojantëp. Jëtu'unës ëjts npatuna'any ja käjpxytyu'unën mëti'ipës ja mteety Abraham të ntukwinwanën.

Génesis 50:24

Tu'kxëëw tu'kjëmëjt yë José t'ënëmaay yë myëkä'äxtëjk: Ëjts tsojkës n'ookanë, këtii mmaytyëty mtajtëty, yë Dios yë'ë tsojk mniminëtëp ets mputëkëtëty tä mtsoontëty ma ya'atë naax kajpnën ets myajnëjkxëtëty ma it naaxwiinyëtën mëti'ipë tyukwinwa'anëyën yë Abraham, Isaac ets Jacob.

Salmos 112:2

Ja ja'ay ja y'u'unk y'ëna'k mëti'ipë wiinkutsë'këpën kënu'kxy y'ita'antë ets myëët'atantëp ja mëk'ajtën naaxwiiny naaxkëjxy.