Génesis 24:67 - Biblia Dc en Mixe de Quetzaltepec

⁶⁷ Ënet ja Isaac ojts ja Rebeca twoownëjkxy ma ja tyaak ja jyëën tyëjkën, tä ojts mëët pyiky y'uuky. Yë Isaac mëk tsojky tja'awëy yë Rebeca, jëtu'un ojts jotkujk nyäjyawëty jatëkok oy ënety ja tyaak të y'ëk'ooky.

Biblia Mixe de Quetzaltepec

⁶⁷ Ënät ja Isaac ojts ja Rebeca twoownëjkxy ma ja tyaak ja jyëën tyëjkën, tä ojts mëët pyiky y'uuky. Yë Isaac mëk tsojky tja'awëy yë Rebeca, jëtu'un ojts jotkujk nyäjyawëty jatëkok oy ënäty ja tyaak të y'ëk'ooky.

Génesis 24:67 ပူးပေါင်းရင်းမြစ်များ

Génesis 18:6

Ënet ja Abraham jap tyëjkëy tëkoty, ma ja wyittëjkën ets t'ënëmaay ja tyo'oxytyëjk Sara: Pe'tym, mijts ëkni''ijxëkyoj yë tsajpmokway oy i'px tsimën ets xyaj'oyëty yë tsajpkääky.

Génesis 24:66

Ja tuunpë tyukmëmëtyaktaay ja wyintsën Isaac tu'kë'ëyë mëti'ipë ënety të tunyën.

Génesis 25:1

Yë Abraham tam ënety wiinkpë tyo'oxytyëjk jä'ä xyëëwajtyp Ceturá.

Génesis 25:20

Yë Isaac wëxtyikxy ënety jyëmëjt ko ojts pyiky mëët yë Rebeca, yë'ë ënety yë y'u'unk yë Betuel, yë y'uty yë Labán, yë arameë ja'ay mëti'ipë jam tsënaaytyëpën Padán-aram.

Génesis 29:18

E yë Jacob yë'ë ënety oy tsyojkën'ajtyp yë Raquel, paaty y'ëtsooy: Yë mnëëx Raquel yë mutskpë yë'ëjës nitunäämpy wëxtujk jëmëjt ma mijtsën.

Génesis 37:35

Yë Jacob yë y'u'unk y'ëna'k ojts jya'ënë'ëmxëty ets jeexyë ka'ap mon tuk y'ëkyajpatnë, e yë'ë ka'ap t'a'ijxëy, ni'ikyë tyëjkëy moonpë tujkpë, ko pën wi'ix y'ënë'ëmxëty ets ijty y'ënä'äny: Nimon nitukëpës yë n'u'unk nmaay ijxtë koonëmës n'ookëty, täätsës mëët jatëkok näpyaatëtëty o'kpë akujky.

Génesis 38:12

Nyäjxy jëtu'un yë xëëw jëmëjt, ok ojts y'o'knë ja Judá ja tyo'oxytyëjk, ja nyëëx ja Súa. Ko ja Judá nyäjxy ja myonyë tyukyë, mëët ko ënety ja tyo'oxytyëjk të y'ooky, tä tsyo'ony ets ojts nyijkxy ma tu'uk yë kajpn txëëwatyën Timnat, ma ja ënety ja ja'ayëtyën jam mëti'ipë ja kupixyny ja jyëmk kyä'ptëpën, yë'ë ojts mëët nyijkxy yë myëku'uk mëti'ipë xyëëwajtypyën Hirá, Adulam ja'ay ënety.

Cantares 8:2

jyëkyejpy jeexyë nwoownëjkxy maas yë ntaak yë tyëjkën ets jap mtëkëty ets xyaj'ijxpëkëtyës. Ets ntuk'uukëty yë oypyë tsatym nyëë mëti'ipë tëë nyimaanaxyën, ets ja oypyë granadas nëë.

1 Tesalonicenses 4:13

Mëku'uktëjkëty, ka'apës ntsoky ets miits xykyanijawëtëty wi'ix ja o'kpëtëjk jyatën, këtiipë mjotmay'ooktëty ijxtëm ja ja'ayëtyën mëti'ipë ka'ap tii tjëjp'ixtën.

1 Tesalonicenses 4:15

Paaty miitsëty ntuk'ëwaanëtë wi'ix ja Wintsën y'ënä'änyën. Mëti'ipë juuky'ajtëpën koonëm ja Wintsën myinëty, ka'ap tjëkyepy yë'ë nwinaxa'anmëty ja tëëpë y'ooktën.