Génesis 24:50 - Biblia Dc en Mixe de Quetzaltepec

⁵⁰ Ënet ja Labán mëët ja tyeety Betuel y'ëtsoowtë: Tu'kë'ëyë ya'atë jam tsyoony ma Wintsënën, yë'ë ka'ap tjëkyepy ëëtsëty n'ëna'antëty jëtu'un'atëp, ëkë ka jëtu'un'atëp.

Biblia Mixe de Quetzaltepec

⁵⁰ Ënät ja Labán mëët ja tyeety Betuel y'ëtsoowtë: Tu'kë'ëyë ya'atë jam tsyoony ma Wintsënën, yë'ë ka'ap tjëkyepy ëëtsëty n'ëna'antëty jëtu'un'atëp, ëkë ka jëtu'un'atëp.

Génesis 24:50 ပူးပေါင်းရင်းမြစ်များ

Génesis 24:15

Ka'anëm ënety tuunta'ay ja kyapxtakën, ko myiiny tu'uk ja to'oxy'ëna'k mëët yë nyëëtsiiyë kyejkyijxy. Jä'ä ënety ja Rebeca, yë Betuel yë nyëëx, jä'ä ënety Betuel xyëëwajtyp ja Milcá ets ja Nahor ja myaank, ja Abraham ja myëkä'äx.

Génesis 24:28

Rebeca pëyi'ikyë ojts nyijkxy ma ja tyëjkën ma ënety jam ja tyaakën ets tukmëmëtyäky, mëti'ipë të jyäty të kyëpetyën.

Génesis 24:51

Ëk'ix, tyaajës ja n'u'unk Rebeca, oy xywowëty ets yajnëjkx. Wä'än mëët tpëky t'uuky ja y'u'unk ja mwintsën, jëtu'un ijxtëm yë Wintsën të tyajnikutukën.

Génesis 24:53

Ënet tyajpëtsëëmy kanaakpëky ja näynyamo'ojë tä yë kë'ëjiitsën, nantsëmën, tatsktëyën, mëti'ipë oytyunyën mëët yë pu'ts pujxn ets poop pujxn ets wit tujkxy mëti'ipë nyamooyën ja Rebeca ets näjyëtu'un yajnamooytyë winë ja y'äy Labán ets ja tyaak.

Génesis 24:55

Ets ja Rebeca ja y'äy ets ja tyaak y'ëtsoowinpijtë: Wä'än jeexyë yë kiixy t'ëkjaakwë'ëmy oy majk xëëwën mëët ëëtsëty. E ko majk xëëw kya'pxëty tääts mpanëjkxëtëty.

Génesis 24:60

Tä ojts tkënu'kxtë ja Rebeca mëët ya'atë aaw ayuk: Jëëky mëku'uk ets mëkä'äx, Taak tsi'tsk m'itëty ma nimayjyä'äyën. Ets ja m'u'unk m'ok myëmëta'akëp ja naax kajpn ma ja myëtsip tsyëënëtën jyuuky'atën.

Génesis 31:24

E jä'ä tsu'um ja Labán y'ënëmaayë ja Dios teety kuma'ayjoty: Ëkmëtow yajxon, këtii yë Jacob xymyëkajpxëty mëët yë äkë.

Génesis 31:29

Ëjts ka'apës nkajaty jeexyë mijts ëxëëk ntuntë ets jeexyë yam nyajtsëyut nyajwintëkoytyë, Tiosës tyam koots të xymyëkäjpxy etsës të xy'ënëëmë: Ëkmëtow, këtiis yë n'u'unk Jacob xymyëkajpxëty mëët yë tsip äkë.

2 Samuel 13:22

Yë Absalón ka'ap wi'ix t'ënëmaay yë Amnón, oy ënety tja'ëxëëk'ixy mëët ko jëtu'un ja Tamar ja wyintsë'kën të tyajtëkooyë.

1 Reyes 12:15

Ja yajkutujkpë ka'ap ojts timmyëj'ixy ja naax kajpn, jä'ä ko ja Wintsën ënety jëtu'un të tuknipëjktaakë ets y'atëwëty ja aaw ayuk mëti'ipë ja Wintsën të tukwinmëtoyën ja Jeroboam, yë myaank yë Nabat, ko myëëtmëtyakë ja Ahías, jampë tsyoonyën Siló.

1 Reyes 12:24

ko ëjts yam jëtu'un ni'ënä'ämëp ko këtii yë myëku'uk nëkoo mëët tsyiptuntëty, yë Israel ja'ayëty. Nikë wä'än timwyimpijta'atë ma tyëjkëtyën jä'ä ko jëtu'unës të ntuknipëjktaakë. Ko jëtu'un tmëtoowtë, ënätyë ojts jyänty wyimpijta'atë, jëtu'un tä ja Wintsën ënety të tni'ënä'ämën.

Salmos 118:23

Ya'atë Wintsën të tuny, mëti'ipë ëëtsajtëm n'ijxëmën mëjwiin këjää.

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Marcos 12:11

Ja Wintsën jëtu'un winë të tuny, oy ëëtsajtëm mëjmëtoy nja'awëmë.

Hechos 11:17

E jëtu'unës n'ëna'any, pën Dios të myo'ojëtë ja mëti'ipë ojts näjyëtu'un ëëtsajtëm nyajmo'oyëmën ko të nmëpëjkëmë ja Wintsën Jesukristë, ¿ëjts tiis natuunta'akëp etsës n'akajpxtukëty mëti'ipë Dios tëë tuknipëjktaakën?