Génesis 24:31 - Biblia Dc en Mixe de Quetzaltepec

³¹ tä t'ënëmaay: Min maas yë njëën ntëjkën, mijts Dios y'u'unk, ko yë Dios mtsokyë mjawëty. Wi'ix ko yaa muum m'ëk wë'ëmpëty, ëjts tëëjës jam ni''ix nipëjktaakë ma mpo'kxtëtyën ets ma ja mjëyujk jëku'ux pyo'kxtëtyën näjyëtu'un.

Biblia Mixe de Quetzaltepec

³¹ tä t'ënëmaay: Min maas yë njëën ntëjkën, mijts Tios y'u'unk, ko yë Tios mtsokyë mjawëty. Wi'ix ko yaa muum m'ëk wë'ëmpëty, ëjts tëëjës jam ni''ix nipëjktaakë ma mpo'kxtëtyën ets ma ja mjëyujk jëku'ux pyo'kxtëtyën näjyëtu'un.

Génesis 24:31 ပူးပေါင်းရင်းမြစ်များ

Rut 3:10

Tääts ja Booz y'ëtsooy: Dios mkënu'kxëtëp. Tyamës nja'akyukë ko mijts mwinkutsë'këp yë mye'etyëjk oy të y'o'knë, paatyës ëjts xytsyojkën'aty; nu'unxëp mkamayë jeexyë mëët mpëky tu'uk yë ye'etyëjk mëti'ipë jaak'ëna'kën, kumeenypë ëkë mëti'ipë ëyoopën. E ka'ap jëtu'un të xytyuny.

Génesis 26:29

Ko mijts xynyikajpxëty, ko ka'apës ëxëëk xytyuna'antë, wi'ix mijts ka'ap pën m'anax m'amayëty. Nikë ni'ikyë mijts oy të myajjawë ets ko mtso'ony ma ëëts yë nkajpnëtyën, mëët yë oyjyot oywyinma'any mijts myaj'ëxmajtsy. E tyam mëj këjää yë Wintsën mkënu'kxyë.

Salmos 115:15

Wä'än yë Wintsën mëti'ipë yë tsajp ets naax yajkojën, tyajkëtä'äky yë kyënu'kxën ma miitsëtyën.

Jueces 17:2

Ojts ja tyaak tuk'ëwaanë ets t'ënëmaay: Nanë, ja meeny mëti'ipë m'antijpyën ko tëë yajmeetsy ets mëët yë'ëkyëjxn ja mä'tspë të xypyoky. Ja poop pujxn meeny mëti'ipë m'antijpyën, ëjtsës yë nmä'ts, e tyamts jatëkok nmo'oy, jä'ä ko okës të nijawë ko ja Wintsën ënety mtuknipëjkë'këp ets tu'uk xyaj'oyëja'any yë awinax oytyuny mëët yë poop pujxn. Ko ja poop pujxn meeny tkë'ëyäjky, ënät ja tyaak janty jotkujk nyäjya'awëyë ets mëk yujk'ënany: Dios mkënu'kxëtëp mëjwiin këjää u'unk maay.

Proverbios 18:16

Mëët tu'uk yë näynyamo'ojë, ëwatsp yë tëjk'aaw oymyaajëty, ets jajtp yë ja'ay mëët yë näynyamo'ojë jampaat ma mëj'äämpyë ja'ayëtyën.

Proverbios 17:8

Ja'ay mëti'ipë nyimeenypyijkpyën ka'apë myëtëyëtyën, jëtu'un nyäjyawëty nëkooyë yowë tii tpatnë t'ijxnë ajotkumonë ets nëkooyë yowë jyuukyajtën y'o'oyënë.

Génesis 18:3

Tää t'ënëmaay: Wintsën tuntë mëyajtën ets ka'ap ënätyë mwinpitëty.

Génesis 19:2

Tä t'ënëmaay: Mëku'ukëty tuntë mëyajtën nmënu'kxtaktëp yam ets mjamtëty maas yë ntëjkën, jam yë tsuu xyajnaxtëty ets mkë'ëpuj mtekpyujtëty, jopynyëm tsojk jatëkok mtu'upëktëty. Ënet ojts y'ëtsowtë: Ka'ap, Dios kyujuyëp ko jëtu'un mja'ëna'any, jëtu'unyë ëëts yë tsuu muum nyajnaxa'antë muum tu'ujoty.

Génesis 19:3

Yë Lot ni'ikyë y'ënaan'ëtë'ëtsy ets ja ja'ay wyë'ëmtëty, ënätnëm ojts tkupëktë ets tpanëjkxtë ja Lot ma ja tyëjkën. Ko ojts jya'të, ënät yë Lot tyaj'o'oyëy ja a'ux, ojts tyaj'oyë tsajpkääky jëtu'unyë tsäk ka'apë tsyooymyëëtëtyën ets y'a'ux'ajtë ja'ajtakpëty.

Génesis 24:30

Të ënätyë t'ix ja kë'ëjiits ets ja kë'ëjän, mëti'ipë ja y'uty myëët'ajtypyën ma kyë'ëjën. Ets ko tëë ënety tmëtoy, ko ja y'uty tnimëtyä'äky wi'ix ja ja'ay të y'ënë'ëmxëtyën. Tä ja Labán ojts tmëwinkony ja Abraham ja tyuunpë, mëti'ipë jam yajpatëpën ma ja nëëjutën,

Génesis 29:13

Ko yë Labán tmëtooy yajnimëtyä'äky yë Jacob, yë y'uty yë y'u'unk. Ënet ojts pëyi'ikyë tnitsoony ets ojts tsu'kxy jä'ä ko jëtu'un ënety tu'unën'atë, tä ojts twoownëjkxy ma tyëjkën. Ënet yë Jacob tukmëmëtyaktaay ja jyämy, wi'ix ënety të jyäty të kyëpetyën.