Génesis 24:27 - Biblia Dc en Mixe de Quetzaltepec

²⁷ tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

Biblia Mixe de Quetzaltepec

²⁷ tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

Génesis 24:27 ပူးပေါင်းရင်းမြစ်များ

Génesis 24:48

Täätsës të nyäkyoxtënaaytyä'äkyë etsës të n'ëwtaty yë Wintsën; etsës të nmëjjaw të njaanty jawë ja Dios mëti'ipë y'ëwtajtypyën yë nwintsënës Abraham. Koos të xytyu'uwinwoy të xytyu'uwinwitsy ma ja në'ë tu'ujën ja oypyë etsës të nja'ty maas ja nwintsën ja jyiiky myëku'ukën. Jëtu'unës ja y'u'unk nyëëx n'amëtowanë npëjktsowanë, mëti'ipë pyëkëp y'uukëp ja nwintsënës Abraham ja myaank.

Salmos 98:3

tëë tyajnikëxë'ëky ko tmëëtëty yë oyjyot oywyinma'any, ets tëë tuny mëti'ipë të tuknipëjktaakën ma Israel kajpnën, Mapaat yë naaxwiinyëtë y'ëwtityën të yajnijawë ko Tëyajtën ko tëë tmëmëtakta'ay yë myëtsip.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Génesis 24:12

Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

1 Samuel 25:32

Tä ja David y'ëtsooy: Kënu'kxy mëjjawë yë Wintsën yë xyëëw nyaxëty mëët ko tyam të mkexyë ets yaa të xynyiminyës,

Rut 4:14

Tä ja to'oxytyëjkëty t'ënëmaaytyë ja Noemi: Mëj'äämpy yë Wintsën nyäxy ko tyam të mo'oyë tu'uk yë m'ok'u'unk mëti'ipë mkëwent'atanëpën. Jääpëk yë m'ok'u'unk mëj'äämpy nyäxy ma Israel kajpnën.

Éxodo 18:10

ets y'ënäny: Kënu'kxy mëjjawë yë Dios y'ity, mëti'ipë miitsëty të myaj'ëwaatsëpëtsëmëtën, mëti'ipë jyä'äy'äjtypyën yë Israel, ma ënety ëxëëk tyunëtën yë Egiptë mëj'ënä'ämpë ets ja Egiptë ja'ayëty. Ko të mjëwowëtë ma jam ëyo'onjëjp'am të myajpaatën,

Lucas 1:68

Kënu'kxy mëjjawë yë Wintsën nyäxy, mëti'ipë ja Israel ja'ay Tyios'ajtëpën, Jä'ä ko tëë tniminy ja nyaax kyajpn ets tyajnitso'oka'any.

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Salmos 100:5

Jä'ä ko yë Wintsën oy Tyios'aty; yë tsyojkën jya'awën ijtëëp xëmëkyëjxm, ets wya'atsajtën nijëna'a kyajëjpkëxy.

2 Samuel 18:28

Ko ja Ahimaas jam jyä'äjty ma ja yajkutujkpën, ënät wyintäky nyaaxkooy, tyajnikëxë'ëky jëtu'un ja näwyinkutsë'ëkë ets t'ënëmaay: Kënu'kxy nyaxëty yë Wintsën yë myëjxëëw, mëti'ipë mijts yajkutujkpë m'ëwtajtypyën, jä'ä ko tëë tjëpëky tjëtuny ja mëti'ipë m'ixjëtijt mpajëtijtëpën.

1 Timoteo 1:17

Mëjjaw jaantyjawë ja Dios y'itëty, yë'ë tu'ukyë Tios'ajtp, mëti'ipë xëmëkyëjxm ijtpën, mëti'ipë ka'ap y'ookyën ets ka'ap yaj'ixyën. Oy jyëtu'un'atëty.

Efesios 1:3

Mëjjaw jaantyjawë nyäxy ja Dios, mëti'ipë yë Wintsën Jesukristë Tyeety'äjtypyën. Tëë xykyënu'kxëmë ko tu'ukyë nyajpatëmë mëët ja Kristë ets të xytyuknikäjxëmë ja kyënu'kxën ma y'ityën tsajpjotm.

Juan 1:17

Mëët yë Moisés ojts nyajmo'oyëm ja ënä'ämën, je'eyëp ko Jesukristë mëët ja Dios të xykyënu'kxëmë ets të xytyuknija'awëmë ja tëypyë jaantypë.

Miqueas 7:20

Wintsën, mëët'at xëmë ja tsojkën ja'awën mëti'ipë tëëyëp ojts xytyukwinwanën ëëts ja n'ap n'okëty Abraham ets Jacob.

Proverbios 8:20

Ëjts yë'ëjës yë në'ë tu'u tëypyë nkuuynyijkxyp, ja tëypyë ja najxtakn.

Salmos 68:19

Mëjjaw kënu'kxyjyawë y'ity yë Wintsën, mëti'ipë nTios'ajtëmën, mëti'ipë xyajnitsokëmën, mëti'ipë winjëpom myënëjkxypyën yë ntsëmy'ajt nkë'ëy'ajtëmë.

1 Samuel 25:39

Ko ja David tnija'awëy ko tëë ja Nabal y'o'knë ënät y'ënäny: Kënu'kxy yë Dios yë xyëëw nyäxy, mëët ko yë'ë kë'ëm të xynyitsiptunyës mëët Ijxtëmës yë Nabal ojts xytyunyën. Ka'ap t'ëwatsy etsës kë'ëm nyänyitsiptunëtëty. Paaty ja Nabal kë'ëm ja pyoky të tkupëky. Tä ja David ojts tnikäjpxykyäxë ja Abigail ko yë'ë tpëka'any.

Éxodo 2:13

Komjëpom ojts jatëkok jam nyëjkxkojnëpë ma ja myëkunaax myëkukajpnën, tä t'ijxpaty, ko nimäjtsktëm jam ja hebreo ja'ay aakyë'ë tsyiptuntë. Tä tyajtëëy ja mëti'ipë ja myëku'uk ënety nëkoo tsyi'kpyën: ¿Tii ko nëkoo ëxëëk mnäytyunëtë, miitsëty ka'ap jëtu'un mjapaatëtë pën mtu'kmëku'uk'ajtëp miitsëty?

Éxodo 2:11

Ko ënety yë Moisés tëë yä'äk'apäjnë, ënät ojts tëkok tninëjkxy yë myëku'uktëjk ma ënety jam yajpaatën. Ënet ojts t'ixy tuny, ko yajxon myëkëty ja tuunk mëti'ipë ja myëku'uktëjk tyuunk'ajtëpën. Ënet jam ajotkumonë t'ijxpaty tu'uk ja Egiptë ja'ay tjantywyopy tu'uk yë hebreo ja'ay, mëti'ipë ënety yë'ë mëët tyu'kja'ay'ätyën.

Génesis 24:42

E jëtu'un ko tyam të nja'tyës ma yaa nëëkopkën, tääjës yë Wintsën të nmëpëjktsoy, Wintsën mëti'ipë y'ëwtajtypyën yë nwintsënës Abraham: pën janty tëyajtën ko oy wyimpëtsëma'any jyëjpëtsëma'any mëti'ipës mpajëtijtypyën,

Génesis 24:21

Ja tuunpë je'eyë t'ëkna'ixy ets ka'ap nitii ayuk tkäjpxynyëm. Yi'iyë ënety jam myëmääpy myëtäjpy ko ja Dios ja y'oyajtën tyajnikëxë'ëky ets jëtu'un wyimpëtsëm jyëjpëtsëmy oy mëti'ipë pyatijtypyën.

Génesis 24:4

Jam nëjkx yë tyo'oxytyëjk xy'ixtaayë maas yë nnaax nkajpnën ets xywyin'ixëty tu'uk ja to'oxytyëjk, mëti'ipë tyo'oxytyëjk'atëpën, mëti'ipë winkon yajjëëky'ajtp yajmëku'uk'ajtpën.

Génesis 14:20

Tukxoontä'äky xëmë y'itëty yë Dios Ni'ik Këjxmëpë, mëti'ipë të mputëkëtyën, ko tëë yë mëtsip xymyëmëtakta'ay. Ënet yë Abram ojts majk tpupëky mëti'ipë ënety myëët'ajtypyën.

Génesis 13:8

Paaty ojts tu'kxëëw tu'kjëmëjt Abram yë tsyojkmaank Lot t'ënëëmë: Mijts ets ëjts tu'kmëku'uk'ajtëm ëtsajtëm. Paaty ka'ap y'oyëty ko nämyëjëën'ajt nämyëtsip'ajtëmëty. Yë ntuunpë'ajtëm ka'ap mëpaat nyämyëjëën'at nyamyëtsip'atëtë.

Génesis 9:26

Ënet ojts ok tjaaknikäjpxy ets jyaak'ënany: Yë nWintsënës Dios yë'ë kyënu'kxëp yë Sem, ets je'eyë tuunpë twa'anëty yë Canaán.

Génesis 32:11

Paaty tyam tun yë mëyajtën kuwaank nixajkës ma kyë'ë y'aawën yë n'ajtyës Esaú. Ntsë'këpës ko y'ëkmiinëty ets t'ëkyaj'o'ktaaynyëty ja to'oxytyëjktëjkëty mëët ja u'unk ëna'k.

Éxodo 34:6

Jam ojts nyäxy winkon ma ja Moisés yajpaatyën ets mëk y'ënäny ja mëto'owën: Yë Wintsën, yë Wintsën. Yë Dios mëti'ipë oyjyot oywyinma'any myëët'ajtypyën, mëti'ipë pa'ëyoop najts'ëyo'owëpën, mëti'ipë mä'kxtujkpën ets mëj këjää tsyoky jyawë ets aak mëtëy winë tuny.