Génesis 24:26 - Biblia Dc en Mixe de Quetzaltepec

²⁶ Ënet ja tuunpë nyäkyoxtënaaytyakë ets t'ëwtajty tmëpëjktsooy ja Wintsën,

Biblia Mixe de Quetzaltepec

²⁶ Ënät ja tuunpë nyäkyoxtënaaytyakë ets t'ëwtajty tmëpëjktsooy ja Wintsën,

Génesis 24:26 ပူးပေါင်းရင်းမြစ်များ

Génesis 22:5

Ënet ojts ja tyuunpë t'ënëëmë: Wë'ëmtë yaa, ja yaa yë jëyujk këwent'atë, ëjts n'ëkjaamë'ëkyës mëët ya'atë nmaankës, nëjkxës yë Dios n'ëk'ëwtatë. Tyaajës jatëkok nwinpijtkojnëtëpë.

Génesis 24:25

Maas yë ntëjkën tam yë ja'ajtakn ma mpo'kxtëtyën ets tam näjyëtu'un yë jë'kxy jyätyë ma mëpaat y'oktë wyëtstën yë mjëyujkëty.

Génesis 24:48

Täätsës të nyäkyoxtënaaytyä'äkyë etsës të n'ëwtaty yë Wintsën; etsës të nmëjjaw të njaanty jawë ja Dios mëti'ipë y'ëwtajtypyën yë nwintsënës Abraham. Koos të xytyu'uwinwoy të xytyu'uwinwitsy ma ja në'ë tu'ujën ja oypyë etsës të nja'ty maas ja nwintsën ja jyiiky myëku'ukën. Jëtu'unës ja y'u'unk nyëëx n'amëtowanë npëjktsowanë, mëti'ipë pyëkëp y'uukëp ja nwintsënës Abraham ja myaank.

Génesis 24:52

Ko ja jëtu'unpë ja aaw ayuk tmëtooy ja Abraham ja tyuunpë, ënät ojts nyäjyijtä'äkyë naaxkëjxy ets t'ëwtajty ja Wintsën mëët kukkajpxën ja'awëkyëtakkën.

1 Crónicas 29:20

Ok ja David ojts wiinkpë ja aaw ayuk t'ëxmatsy ma ja mayjyä'äy jam yajpaatën ets t'ënëmaay: Tyam win'ëw winya'axtë ja mWintsën Tiosëty. Ënet ja mayjyä'äy tu'ukmukyë tyëjkëtyë ëëpë xoontakpë ma ja Wintsënën, mëti'ipë ja y'aptëjk y'ëwtajtën, jëtu'un nyäkyoxtënaaytyakëtë ma ja Wintsënën ets ma ja yajkutujkpën.

2 Crónicas 20:18

Ënet ja Josafat nyäkyoxtënaaytyakë ets nyaax'ijxy nyaaxkooy ets ja Jerusalén ja'ayëty, Judá ja'ayëty näjyëtu'un, t'ëwtajtë tmënu'kxtaktë ja Wintsën.

2 Crónicas 29:30

Ja yajkutujkpë ets ja kutuunktëjkëty ojts t'amëtowtë ja xuxpë ets ja ëëwpë ets y'ëwtëty ya'axtëty, mëti'ipë ja David yaj'o'oyëyën ets Asaf. Yë'ë ënätyë tyëjkëtyë ëëwpë yaxpë ets t'ëwtajt tmëja'awëtyë ja Wintsën.

Nehemías 8:6

Ënet ja Esdras tyëjkëy ëëpë xoontakpë tyajnaxy ja kukkajpxën ja'awëkyëtakkën ma ja Wintsënën, mëti'ipë Tios'ajtpën, mëti'ipë maaytyääyëpën winë, ets ja ja'ay y'ëtsoowtaaytyë ets xyajjë'ktaaytyë: Jëtu'un, jëtu'un, Tääts nyäkyoxtënaaytyakëtë ets t'ëwtajtë ja Wintsën.

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Salmos 66:4

tëkokyë yë naaxwiinyëtë ja'ay aakmijts m'ëwtajtëp ets yë'ë mxëëw kyuuy'ëëw kyuuyaxtëp.

Salmos 72:9

Wä'än yë myëtsiptëjk Näkyë'ëyakëtë ma yë'ëjën, tëkokyë jënu'un jam y'itën tsyëënëtën të'ëts'itum.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Éxodo 12:27

Tääts nëjkx xy'ëtsowtë: Ya'atë jëyujk yë'ë tu'uk yë wintsë'kën mëti'ipë yajtukmëjja'awëpën yë ëmaayxyëëw ma ja Dios yajmëjjawën. Mëët ko tëkokyë tyaj'o'ktaay ja kä'äxkopktëjk jap Egiptë ets ko ja Israel ja'ayëty jëkäm ja jyëën tyëjkëty yajnanajxtë ma ënety jap tsyëënëtën Egiptë ets jëtu'un'äämpy ojts tyajtso'oky ja nja'ayajtëmë. Ënet ja Israel ja'ayëty wyintak nyaaxkoowtë ets ja Wintsën tmëjja'aw tjaantyjya'awëtyë.

Éxodo 34:8

Ënet ja Moisés poj'am nyäjyijtakë ets wyintäky nyaaxkooy ets ojts t'ëwtaty ja Dios,

Éxodo 4:31

Ja ja'ayëty ojts jëtu'un tmëpëktë ja käjpxy mëtyä'äky ets tnija'awëtyë ko ënety ja Dios myëmay myëtajëtë ets ko ënety tëë t'ixy tnijawë wi'ix y'ëyowtë jyotëkoytyën, tä tyaj'ijxëtë ja näywyinkutsë'kën ko nyaaxkoowtë jëtu'un tä jeexyë yë Dios t'ëwtatën.

Miqueas 6:6

¿Tii mëët yë Wintsën Ni'ik këjxmëpë nwinkuwa'akëtyës koos ënety n'ëwtata'any? ¿Yë'ëjës mëët nwinkuwa'akëty yë tsajpkaajë tu'kjëmëjtpë jyëmëjtën mëti'ipës ntukwintsë'ëkëpënë?

Filipenses 2:10

jëtu'un tääpë ja xëëw mëj'äämpy nyaxëty, mëti'ipë ja Jesús yajmooyën ets wyinkoxtänëtëty ni'ëmukë mëti'ipë jamën tsajpjotm, naaxwiiny ets naaxpa'tkë'p,

Jueces 7:15

Ko jëtu'un yë Gedeón tmëtooy wi'ix yajnimëtyä'äkyën ja kuma'ay ets wi'ix ojts tyajniwijtën yë'ë kë'ëmëty, ënät yë tmëjja'awëy tkënu'kxy ja'awëy yë Wintsën. Tääts ojts poj'am nyijkxy ma ënety ja myëku'uktëjk yajpaatën, ja Israel ja'ayëty ets y'ënäny: Pëtë'ëktë Israel ja'ayëty, yë Wintsën tëë xykyë'ëmo'oyëmë yë Madián ja'ayëty.

1 Samuel 1:28

Ëjts tëëjës ntuknipëjktaakë, koos yë'ë Wintsën nkë'ëmo'oja'any maapaat jyuuky'ätyën, jëtu'un yë'ë tmëtunëty ja Wintsën. Ënet ja teety Eli nyäkyoxtënaaytyakë ets wyintäky nyaaxkooy, tkukajpxë ja Wintsën.