Génesis 24:12 - Biblia Dc en Mixe de Quetzaltepec

¹² Ënet ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

Biblia Mixe de Quetzaltepec

¹² Ënät ojts tyëkë kajpxtakpë ets y'ënäny: Wintsën mëti'ipë y'ëwtajtypyën yë nwintsënës Abraham. Mijts myajkutukëp ets oy wyimpëtsëm jyëjpëtsëmëty ya'atë amay jotmay tyampës nkujëtitën. Yaj'ixët yë m'oyajtën maas yë nwintsën Abrahamën.

Génesis 24:12 ပူးပေါင်းရင်းမြစ်များ

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 24:21

Ja tuunpë je'eyë t'ëkna'ixy ets ka'ap nitii ayuk tkäjpxynyëm. Yi'iyë ënety jam myëmääpy myëtäjpy ko ja Dios ja y'oyajtën tyajnikëxë'ëky ets jëtu'un wyimpëtsëm jyëjpëtsëmy oy mëti'ipë pyatijtypyën.

Génesis 24:27

tä y'ënäny: Nmëjja'ap nkënu'kxyjya'apës yë Wintsën, mëti'ipë y'ëwtajtypyën yë nWintsënës Abraham. Yë'ë të tyaj'ixyë y'oyajtën maas yë nWintsënën, paatyës të xytyu'uwinwoy ma ja jyiiky myëku'uk ja jyëën tyëjkën.

Génesis 24:42

E jëtu'un ko tyam të nja'tyës ma yaa nëëkopkën, tääjës yë Wintsën të nmëpëjktsoy, Wintsën mëti'ipë y'ëwtajtypyën yë nwintsënës Abraham: pën janty tëyajtën ko oy wyimpëtsëma'any jyëjpëtsëma'any mëti'ipës mpajëtijtypyën,

Génesis 24:48

Täätsës të nyäkyoxtënaaytyä'äkyë etsës të n'ëwtaty yë Wintsën; etsës të nmëjjaw të njaanty jawë ja Dios mëti'ipë y'ëwtajtypyën yë nwintsënës Abraham. Koos të xytyu'uwinwoy të xytyu'uwinwitsy ma ja në'ë tu'ujën ja oypyë etsës të nja'ty maas ja nwintsën ja jyiiky myëku'ukën. Jëtu'unës ja y'u'unk nyëëx n'amëtowanë npëjktsowanë, mëti'ipë pyëkëp y'uukëp ja nwintsënës Abraham ja myaank.

Génesis 26:24

E jä'ä tsu'um ja Dios nyänyikëxë'kë ma yë'ëjën ets y'ënëmaayë: Ëjts jëtu'un xyTios'ajtp ja mteety Abraham. Paaty këtii mtsë'ëkëty, jä'ä ko ëjtsës mijts mëët n'ity. Mëët yë'ë ko ja n'u'unkës nmaayës Abraham oy të xymyëtunyës. Paaty näjyëtu'un mijts nkënu'kxa'any ets nyajmëjëja'any tyajmayëja'anyës ja m'u'unk m'ok.

Génesis 27:10

Koos nyaj'o'oyëtya'ajëty tääts xymyënëjkxëty ja kyä'äyën y'ukën ets kyäyëty. Jëtu'unts mijts myajmo'ojëty ja kënu'kxën, ma ënety ka'anëm y'ookynyëmën.

Génesis 27:20

Tää ja Isaac tyajtëëy: ¿u'unk wi'ix tëy poj'am të xytyimpatnë ja tuka'any? Ets ja Jacob y'ëtsooy: Yë mWintsën Dios, yë'ëjës të xypyutëkë etsës tsojk'am të npaaty.

Génesis 28:13

Näyjyëtu'un t'ijxy kootëm ja Dios wyintänëty ets y'ënë'ëmxëty: Ëjts jëtu'un Wintsën, mëti'ipë Tyiosajtën yë mtatwelë Abraham ets mteety Isaac. Mijts nmo'ojäämpy ya'atë naaxjot ma jam mko'knën ets m'u'unk m'ëna'k.

Génesis 31:42

Ko jeexyë ja Dios xykyani''ijxkëtä'äkyës mëti'ipë yë Abraham y'ëwtajtën, ja Dios mëti'ipës ijty ja nteety Isaac y'ëwtajtypyën, katii nija'awën wä'änxyëp jeexyë jëtu'unyë mijts të xy'ëkwinpakäjxnës. Yë Dios yë'ë të t'ixy, ko ënety ëjts mon tuk nyajpaaty ets koos ënety mëk ntuny n'ëyoy, paaty ya'atë tsu'um të mëkmëkäpxyë.

Génesis 32:10

Ëjts ka'apës xyjyapaaty, je'eyë mijts oy tsuj xymyëët'atyës. Koos ya'atë Jordán mëjnëë ntuknajxy, yi'iyës ënety nkë'ëkap'ajtypyës yë ntajkës, nitiijës ënety nkamëëtëty. E tyam mäjtskpëkyës të nyajwä'kxy mëti'ipës nmëët'ajtypyën.

Génesis 32:9

Tää ojts tyëkë nu'kxtakpë ets ja Dios tmëpëjktsooy: Wintsën mëti'ipë y'ëwtajtën ja ntatwelës Abraham ets ja nteetyës Isaac, mijtsës të xy'ënëëmë koos nwinpitëty maas ja nnaax nkajpnën, ma tsyëënëtën jyuuky'atën ja njëëky nmëku'ukës. Mijtsës të xy'ënëëmë näjyëtu'un, ko oy tsuj xyajwinpita'anyës.

Génesis 43:14

Dios mpa'ëyowëtëp tääts tnajtsmatsëty ja tu'ukpë ja mëku'ukëty ets Benjamín, e pën ëjts jëtu'unës ënät u'unktuk nwë'ëmëty, minës jëtu'un n'ëkwë'ëmy.

1 Reyes 18:36

Ko ojts tpaaty ma ënety ja wintsë'kën tyaka'anyën, tä ja käjpxynyajxpë Elías wyinkoony ets y'ënäny: Wintsën, mëti'ipë y'ëwtajtën yë Abraham, Isaac ets Israel: Mijts myajkutukëp ets tyam yajnijawëty ko mijts jëtu'un mWintsën'ajtp ma Israel ja'ayëtyën ets koos mijts xytyuunpë'ajtp ets tëkokyës mëti'ipës yam ntuunpyën mijtsës të xytyuk'ëne'emy.

2 Reyes 2:14

Tä ojts twojpyu'kxy yë nëë mëët ja nyijän ets mëk yujk'ënany: ¿Maatën ënät ja Wintsën, mëti'ipë y'ëwtajtypyën yë Elías? Je'eyë ënety jam të twojpyu'kxta'ay, ko ja nëë nyäwya'kxë mäjtskpëky, jëtu'un ja Elisejë ojts jatëkok tuknaxy ja mëjnëë.

Nehemías 1:11

Paaty mijts Wintsën yam nmënu'kxtä'äky ets xymyëtoow'itëty ya'atë ja jëëytyak nu'kxtakën tyampë ntunyënës maas mijts xytyuunpë'atyën, maas yi'iyë nmëmay nmëtajyën wi'ix ntukxoonta'akëtyën ets wi'ix ntukjotkujk'atëtyën. Tyam näjyëtu'un n'amëtoy npëjktsoy ets xymyo'ojëtyës ja jot winma'any wi'ixës ja yajkutujkpë nyajjotukëtyën ets oy ja winma'any wyimpëtsëm jyëjpëtsëmëty.

Nehemías 2:4

¿Tii mtsojkpy ntunëtyës mëët mijts? Ënätës ja Wintsën tsajpjotmëpë ja winma'any n'amëtooy etsës n'ëtsowëty ja yajtë'ëwën,

Salmos 118:25

Wintsën, tun yë mëyajtën, yajtsoktëkës. Tun yë mëyajtën, Wintsën, mijts myajkutukëp etsës akujk jotkujk njuuky'atëty.

Salmos 122:6

Amuumtu'ukjot nikajpxtë: Wä'än tjam'aty ja jotkujk'ajtën Jerusalén; ets wä'än tjuuky'atë jotkujk mëti'ipë mtsojkëyëp mja'awëpën.

Salmos 127:1

Pën yë Wintsën ka'ap yë'ë kë'ëm tkojy yë tsajptëjk, natëkë tyuntë mëti'ipë tëjkkojtëpën; pën yë Wintsën ka'ap kë'ëm tkëwent'aty yë naax kajpn, oy jënu'un yë ja'ay kyëwent'atëty ka'ap nitii tuntëty.

Salmos 37:5

Yë Wintsën yë'ë mjuukyajtën tukkë'ëwanë; yë'ë tuk'ijxpät ets mniminëtëty ko ënety yë putëjkën xyajmëyäty.

Éxodo 3:15

Ojts yë Moisés näjyëtu'un yë Dios y'ënë'ëmxëty: Jëtu'un xy'ënëëmëty yë Israel ja'ayëty: Yë Wintsën mëti'ipë Tyios'ajtëpën yë m'ap m'okëty, yë Abraham, Isaac ets Jacob, yë'ëjës të xykyexy yaa ma miitsëtyën. Ya'atës jëtu'un nxëëwajtyp xëmëkyëjxm, ya'atës jëtu'un nxëëwajtyp winë xëëw.

Éxodo 3:6

Ets ojts tjaaknikäjpxy: Ëjts jëtu'un ojts xyTios'atë yë m'ap m'okëty. Ëjts jëtu'un xyTios'ajtë yë Abraham, Isaac ets Jacob. Yë Moisés ënätyë ojts nyäwyinkumo'kxëty, jä'ä ko yë'ë ojts tsë'ëkë, ko ja Dios jeexyë t'ixy,

Proverbios 3:6

Dios yë'ë mtimjyotnakon'atëp oy tii xytyimtunëty, ets yë'ë myajnëjkxëtëp ma ja tu'ujën mëtëypyë.

Mateo 22:32

Ëjts xyTios'ajt ja Abraham, Isaac ets ja Jacob? Dios ka'ap yë'ëjëty niTios'aty o'kpë, yë'ë nyiTios'ajtyp mëti'ipë juuky'ajtëpën.

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.