Génesis 23:6 - Biblia Dc en Mixe de Quetzaltepec

⁶ Tun yë mëyajtën mijts Wintsën, ëkmëtow yajxon. Mijts Dios m'u'unk'ajtëp ets yë'ë të mwin'ixyë yaa ma ëëtsëtyën. Yajnaaxtëkë yë mto'oxytyëjk ma jawäänë oypyë ja it nnaaxwiinën, ijxtëm mijts mja'ay'ätyën, pën tii mka'ëkmo'ojanëp.

Biblia Mixe de Quetzaltepec

⁶ Tun yë mëyajtën mijts Wintsën, ëkmëtow yajxon. Mijts Tios m'u'unk'ajtëp ets yë'ë të mwin'ixyë yaa ma ëëtsëtyën. Yajnaaxtëkë yë mto'oxytyëjk ma jawäänë oypyë ja it nnaaxwiinën, ijxtëm mijts mja'ay'ätyën, pën tii mka'ëkmo'ojanëp.

Génesis 23:6 ပူးပေါင်းရင်းမြစ်များ

Génesis 24:35

Mëj yë Dios oy kyënu'kxyë jyëkyepyë ets jotkujk yaj'ityë ma jyëën tyëjkën ets ma jyuukyajtënën. Yë'ë të myo'oyë kumeenyajtën. Yë'ë myëët'ajtyp yë jyëyujk, tsyajpkaa, tsyajppaxëty, kupixynyëty ets tyuunpë ye'etyëjkpë to'oxytyëjkpë.

Génesis 14:14

Ko yë Abram tnija'awëy ko yë tsyojkmaank të yajmatsy, ënät ojts tyajmujkta'ay yë tyuunpëtëjk mëti'ipë të myëxu'unk'atën jam ma tyëjkën. Jä'ä nyiwinë'atë tëkëëk mëko'px ja majkmokx tëkëëk. Ënet ojts tsyoony mëët yë'ëjëty ets tpapooytyë ja yajkutujkpëtëjk, jampaat tpaja'ajtë ma ja Dan kajpnën.

Isaías 45:14

Jëtu'un ja Wintsën t'ënëmaay ja Israel ja'ay: Ja naaxtuunpë ja'ayëty japë Egiptë yajpaatën, ja ajuupyëtëjk ets ato'kpëtëjk mëti'ipë tso'ontëpën Etiopíë, ja yenyjyä'äytyëjk mëti'ipë Sabá itjotm yajpatëpën, jam nëjkx nyäkyuwa'anëtë ma mijtsën ets nëjkxëp jam myëtuntë; tsumy matsy nëjkx xymyënëjkx mëët pujxntejpxy, nëjkxëp mwinkoxtänëty ets nëjkxëp mënu'kxtä'äkyë: Tëyajtën yë'ë ko yë Wintsën tam yajpaaty ma miitsëtyën. Ka'ap maa wiinkpë ijxtëm yë'ëjën ets ka'ap maa wiinkpë tios.

Éxodo 32:22

Ets ojts yë Aarón y'ëtsoy: Wintsën këtiis xytyukjoot'anpëkëty. Mijts wa'ats xynyijawë ko ya'atë naax kajpn yë'ë tyäty tyunantëp yë ëxëëkpë.

Génesis 44:8

Ix maa ëëtsëty muum ntsoontë Canaán ets nyajwinpita'antës ja poop meeny mëti'ipës të npaatën nxa'k ëkë'pëtyës, koos jam nja'ajtë. ¿Wi'ix ko ënät tyam n'ëkmä'tstëpëtyës ja pu'ts pujxn ja poop pujxn ma ja mWintsën ja jyëën tyëjkën?

Génesis 44:5

¿Mëti'ipës yë nwintsën tyuk'ukëpën ets mëti'ipë winë mëët tuknasjawën? Miitsëty ëxëëk winma'any jëtu'un mpatëp.

Génesis 42:10

Ka'ap Wintsën. Jëtu'un y'ëtsoowtë. Ëëtsëty mijts yë mtuunpëtëjk, tsajpmok ëëts njuyantëp.

Génesis 32:18

Tyaa xy'ëtsowëty: Mijts wintsën Esaú, yë'ë yë näynyamo'ojë mëti'ipë mtukmëkäjxëyëpën yë m'uty Jacob mëti'ipë m'oyjya'awëyëpën, tä ja näjyëtu'un myiny ëx'ok.

Génesis 31:35

Ënet yë Raquel t'ënëmaay yë tyeety: Tatë, këtii m'äkëtëty oyës nkawä'ätsë'ëkëty, mijts mwintuuy, ëjts ëmaay'ijtpës tyam. Yë Labán ojts tjajaak'ixtaay'ëti'itsy ja tsyaamëxan, e nikä'äpyëm nimaa tpaty.

Génesis 24:18

Oy mnëë'uukëty Wintsën: jëtu'un y'ëtsooy ja kiixy. Ënätyë nyätyukuwijtstutë ja nyëëtsiiyë ets ojts tyajnëë'uuky ja Abraham ja tyuunpë.

Génesis 21:22

Jä'ä xëëw jä'ä jëmëjt ojts yë Abimélec nyijkxy ma jam ja Abraham tsyëënën ets mëët kyajpxa'any myëtya'aka'any, tam ënety näjyëtu'un pyanëjkxyë ja Ficol, mëti'ipë nyiwintsën'ajtypyën ja tsiptuunpëtëjk. Ënet ja Abimélec ojts t'ënëëmë ja Abraham: Këxë'kp ko yë Dios mëj këjää mputëkëty ma tu'kë'ëyë winë xytyunyën.

Génesis 18:12

Paaty yë Sara ka'ap ënety t'ëkmëmëtaknë amë'pxy y'itëty. Tääts tukxiky, tyaa ënety myäy tyäjy: ¿Wi'ixëm jëtää u'unk maay tyam n'ëkmëmay n'ëkmëtajëtyës, pën yë nye'etyëjkës ets ëjts tëëjës tu'knax nmëjja'ayënëtë?

Génesis 13:2

Yë Abram mëkja'ay ijty, may tmëët'ajty yë pu'ts pujxn, poop pujxn ets jëyujk tsajpkaa.

Rut 2:13

Ënet ja Rut y'ëtsooy: Mijts janty'oy mja'ay'äty mëët ëjts, yë m'aaw m'ayuk janty jotkujkës xyajnäjyawëty. Mëët ja aaw ayuk oypyë të xymyëkäjpxyës, oyës nkajëtu'unëty tä nitu'ukën yë mtuunpë.

Génesis 20:7

E tyam yajwinpijtë ënät yë tyo'oxytyëjk tääpë ye'etyëjk, jä'ä ko käjpxynyajxpë yë'ë, yë'ëjës xymyënu'kxta'akaanp ets mijts mjuuky'atëty. E pën ka'ap xyajwinpijtë yë tyo'oxytyëjk, tyam yajxon ntim'ënëëmë ko o'kta'ajantëp niwinë ja'ay mëti'ipë mmëët'ajtypyën.

Génesis 23:5

Tää ja Hit ja'ayëty y'ëtsoowtë:

Génesis 23:7

Ënet ja Abraham wyakë'ky ets tyajnikëxë'k ja winkutsë'kën ma ja Hit ja'ayëtyën,