Génesis 22:7 - Biblia Dc en Mixe de Quetzaltepec

⁷ Kom jeknyëm ja Isaac ojts ja tyeety tyajtëy: Tatë. Tääts y'ëtsoy ja Abraham: ¿Tii mtsojkpy u'unk? Tää yë Isaac y'ëtsooy jatëkok: Ëk'ix, nmëët'ajtëm yë ja'axy ets jëën. ¿E ma ënät ja kupixyny mëti'ipë Dios mtukwintsë'ëkëjäämpyën?

Biblia Mixe de Quetzaltepec

⁷ Kom jeknyëm ja Isaac ojts ja tyeety tyajtëy: Tatë. Tääts y'ëtsoy ja Abraham: ¿Tii mtsojkpy u'unk? Tää yë Isaac y'ëtsooy jatëkok: Ëk'ix, nmëët'ajtëm yë ja'axy ets jëën. ¿E ma ënät ja kupixyny mëti'ipë Tios mtukwintsë'ëkëjäämpyën?

Génesis 22:7 ပူးပေါင်းရင်းမြစ်များ

Génesis 22:8

Tä ja tyeety y'ëtsooy: Dios nyija'ap wi'ix tyaka'any yë jëyujk mëti'ipë yajtukwintsë'ëkëpën. E ënät jatëkok ye'eytsyo'ontë.

Génesis 8:20

Tä yë Noé ojts tnipëjktaakë ets t'oytyuuny tu'uk wintsë'këntyakn. Yë Noé ojts yë Dios tukwintsë'ëkë jëyujk ets joonëty jëyujkëty mëti'ipë wa'atsëtyën, tu'kë'ëyë jëyujk wi'ixëty y'ixë'atën.

Éxodo 12:3

Jëtu'un xy'ënëëmëty tëkokyë yë Israel ja'ay: Ko ya'atë po'o myajk'anëty, jää nëjkx xyaj'ooktë nitu'ukjaty yë mtsajppaxëty ëkë mkupixynyëty ets nitëkokyë jëtu'un maajaty yë jëën tëjkën.

Éxodo 29:38

Xëmë winjëpom xyakëty yë wintsë'kën, jam ma wintsë'këntyaknën. Yë'ë myakëp yë kupixyny mäjtsk mëti'ipë tu'ukjatynyëm yë jyëmëjtën.

Mateo 26:39

Ënet ja Jesús ojts wäänë jyëkämke'eky ets nyäkyoxtënaaytyakë naaxkëjxy ets ja Dios nja'amyejtsy, jëtu'un y'ënäny: Dios Teety, pën mëpaat'ajtp etsës ka'ap n'ëyowëty, këtii xyajkutukëty ets ya'atë ta'amnëë n'uukëtyës; je'eyëp ko ka'ap jëtu'un tyunëtëty jyatëtëty winë tääjës ëjts ntsokyën, yë'ë tunëtëp jatëtëp mëti'ipë mits të xytyuknipëjktaakën.

Mateo 26:42

Ko ojts mëmäjtsk ok nyijkxy, ënät ja Dios tja'amyejtsy ets t'ënëmaay: Dios Teety, pën ka'ap tjëkyepy njëjpmëkajpxëtyës ya'atë ëyo'on, mijts mnija'ap wi'ix tii xytyuna'any.

Juan 1:29

Komjëpom ja Juan t'ijxy ko ja Jesús myëwinkonyë ets y'ënäny: Ixtë, ya'atë jëtu'un ijxtëm ja kupixyny u'unkën, Dios wyintsë'kën mëti'ipë ja naaxwiinyëtë ja'ay yajpokywyätsëpën.

Juan 1:36

Ko t'ijxy ja Jesús nyäxy ets y'ënäny: Ixtë, yë'ë ya'atë Dios wyintsë'kën, ijxtëm ja kupixyny u'unkën.

Juan 18:11

Ënätyë ja Jesús t'ënëmaay ja Pedro: Pëjkë'ëk yë mtëypyujxn ma tyëjkën. Pën Dios Teety ënaanp etsës n'ëyowëty, ¿Tiijës ko nkakupëkëty?

Romanos 8:15

Miitsëty ka'ap yë'ëjëty të myajmo'otë ja Kënu'kxymyëkajtën mëti'ipë tëytyuunpën ets yajtsë'këpën, yë'ë të myajmo'otë mëti'ipë myajnaxëtëpën Dios u'unk. Mëët ya'atë ja Kënu'kxymyëkajtën ëëts n'ëna'anëmë: Tatë, Teety.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.