Génesis 22:5 - Biblia Dc en Mixe de Quetzaltepec

⁵ Ënet ojts ja tyuunpë t'ënëëmë: Wë'ëmtë yaa, ja yaa yë jëyujk këwent'atë, ëjts n'ëkjaamë'ëkyës mëët ya'atë nmaankës, nëjkxës yë Dios n'ëk'ëwtatë. Tyaajës jatëkok nwinpijtkojnëtëpë.

Biblia Mixe de Quetzaltepec

⁵ Ënät ojts ja tyuunpë t'ënëëmë: Wë'ëmtë yaa, ja yaa yë jëyujk këwent'atë, ëjts n'ëkjaamë'ëkyës mëët ya'atë nmaankës, nëjkxës yë Tios n'ëk'ëwtatë. Tyaajës jatëkok nwinpijtkojnëtëpë.

Génesis 22:5 ပူးပေါင်းရင်းမြစ်များ

Génesis 22:19

Ënet ja Abraham wyimpijnë ma ënety jam ja tyuunpë të wyë'ëmtën, tä ojts jam tsyoontë ets nyëjkxtë Beerseba, ma ja Abraham tsyënaaytyaknpëjknën.

Génesis 22:4

Kom tëkëëk xëëw ja Abraham ojts ja itjot t'ijxpaatynyëm, jëkäm ënety wyi'imnyëm.

Génesis 22:6

Abraham ojts yë nyija'axy tso'owë ja wintsë'kën ets tmooy ja Isaac tääts tpatso'owëty kyejkyijxy, kyoon näjyëtu'un ja tsujkn ets ja jëën ets ojts nyëjkxtë nimäjtsk.

Éxodo 24:14

Ets t'ënëmaay ja mëjja'aytyëjkëty: Yaa miitsëty m'ëwxitëty, koonëmës nwinpitëty, yaa näjyëtu'un wyë'ëma'any yë Aarón ets Hur mëët miitsëty, ko jää tiijotmay xymyëët'atëty yë'ë mtuk'ëwaanëtëp.

Hebreos 11:19

Paaty ja Abraham jëtu'un tuuny ko ojts myäy tyäjy ko Dios myëët'ajtyp yë mëk'ajtën ets o'kpë paat tyajuukpyëkëty, paaty ja Abraham ja y'u'unk jatëkok t'ëxajëy ets ojts yë'ë wyi'imy ijxpät.

Hebreos 12:1

Paaty, ko të nnija'awëmë ko may ja ja'ay na'ëwtity yajpaatë mëti'ipë të myëpëktën, tsojk n'ëxmajtsëm tu'kë'ëyë mëti'ipë ëxëëktuunpën, ets ja poky mëti'ipë yajwinma'anyjyo'pën ets ntu'unmëty mëti'ipë ja Dios tsyojkpyën, ijxtëm ja ja'ay myëjaaw t'ixyën mëti'ipë pëyë'kijpxtëpën.