Génesis 22:20 - Biblia Dc en Mixe de Quetzaltepec

²⁰ Ënet ja Abraham nyija'ajtë ja aaw ayuk, ko ënety ja kyäpy Milcá ja u'unk të tpaat të t'ixy, ja myëkä'äx ja tyo'oxytyëjk mëti'ipë xyëëwajtypyën Nahor.

Biblia Mixe de Quetzaltepec

²⁰ Ënät ja Abraham nyija'ajtë ja aaw ayuk, ko ënäty ja kyäpy Milcá ja u'unk të tpaat të t'ixy, ja myëkä'äx ja tyo'oxytyëjk mëti'ipë xyëëwajtypyën Nahor.

Génesis 22:20 ပူးပေါင်းရင်းမြစ်များ

Génesis 11:26

Taré jä'ä ënety yë jyëmëjnë tëkë'px majk ko myëxu'unk'ajtë yë y'u'unkëty mëti'ipë xyëëwmooytyën Abram, Nahor ets Harán.

Génesis 11:27

Ya'atë jëtu'un ja y'u'unk y'ok yë Taré mëti'ipë tyeety'ajtën yë Abram, Nahor ets Harán. Harán, yë tyeety yë Lot,

Génesis 11:29

Abram yë'ë ojts mëët pyiky tu'uk yë to'oxytyëjk mëti'ipë xyëëwajtypyën Sarai. E yë Nahor yë'ë ojts mëët pyiky ja to'oxytyëjk mëti'ipë xyëëwajtypyën Milcá, yë'ë nyëëx yë Harán, yë'ë y'uty yë Iscá.

Génesis 15:1

Ënet yë Dios ojts tmëkäjpxy yë Abram kuma'ayjoty ets t'ënëmaay: Këtii mtsë'ëkë Abram, jä'ä ko ëjts mijts nkuwäämpy. Yë mkuma'ayën mëj y'ita'any.

Génesis 22:21

Mëët tu'uk mëti'ipë ojts ëka'any myëxu'unk'atyën, jä'ä xyëëwajtyp Uz. Ënet ojts myëxu'unk'aty näjyëtu'un ja y'uty, jä'ä xyëëwajtyp Buz. Ënet myëxu'unk'ajty näjyëtu'un ja Quemuel, mëti'ipë ojts ja Aram teety'ätyën.

Génesis 24:10

Tä ja Abraham ja tyuunpë nyänyipëjktakëyë. Jä'ä wyin'ijx ja oyëtypë näynyamo'ojë, mëti'ipë ënety ja Abraham myëët'ajtypyën ets näjyëtu'un tmënëjkxy majk yë jëyujk jëku'ux ma ja nyaax kyajpnën ja Nahor, mëti'ipë jam yajpatpën Mesopotamia.

Génesis 24:15

Ka'anëm ënety tuunta'ay ja kyapxtakën, ko myiiny tu'uk ja to'oxy'ëna'k mëët yë nyëëtsiiyë kyejkyijxy. Jä'ä ënety ja Rebeca, yë Betuel yë nyëëx, jä'ä ënety Betuel xyëëwajtyp ja Milcá ets ja Nahor ja myaank, ja Abraham ja myëkä'äx.

Génesis 24:24

Ënet ja to'oxy'ëna'k y'ëtsooy: Yë'ëjës nteety'äjtyp yë Betuel, yë y'u'unk yë Milcá ets Nahor.

Génesis 31:53

Wä'än yë'ë tkëwentëpëky yë Dios mëti'ipë yam nikajpxëmën nimëtyakëmën, mëti'ipë y'ëwtajtën yë mtatwelë Abraham etsës yë ntatwelë Nahor. Ënet yë Jacob ojts tukë'ëwan tukë'ëyaaxë ja Dios mëti'ipë ënety jam y'ëëwmujk kyajpxmujktëpën, ja Dios mëti'ipë ja tyeety Isaac y'ëwtajtën.

Proverbios 25:25

Jëtu'un tä xeemynyëë ja'ay t'uukyën, jëtu'un yajjawë ja oy aaw oy ayuk mëti'ipë jëkäm tso'onpën.