Génesis 22:14 - Biblia Dc en Mixe de Quetzaltepec

¹⁴ Ok ojts ja Abraham ja xyëëw tpëjktä'äky ja itjotm: Yë Wintsën mëti'ipë yäjkpyën winë. Paaty tyampaat je'eyëm yajtijy ja kopk: Ma kopkën yäjkpy yë Wintsën mëti'ipë mëyajtpën.

Biblia Mixe de Quetzaltepec

¹⁴ Ok ojts ja Abraham ja xyëëw tpëjktä'äky ja itjotm: Yë Wintsën mëti'ipë yäjkpyën winë. Paaty tyampaat je'eyëm yajtijy ja kopk: Ma kopkën yäjkpy yë Wintsën mëti'ipë mëyajtpën.

Génesis 22:14 ပူးပေါင်းရင်းမြစ်များ

Génesis 22:13

Ënet yë Abraham y'ijxë'ky ets t'ijxpaty tu'uk yë kupixyny mëti'ipë ënety të jyänën yë wyaj ma ujts xe'entyën. Ënet ojts ninëjkxy ja kupixyny, tääts yë'ë tkëxko'ky jam ma ja wintsë'këntyaknën ets jä'ä ja Dios ojts tukwintsë'ëkë ijxtëm ja y'u'unkën jeexyë.

Génesis 22:15

Ënet ja Wintsën ojts tsajpjotmëtë kukäjpxy myëkäjpxyë mëmäjtsk'ok jam tsajpjotm. Dios jëtu'un të y'ënä'äny: Tëë jëtu'un xytyuny ijxtëm të nni'ënä'ämënës ets ka'ap yë m'u'unk të xytyukmëj'aty maas ëjtsën, tyamës kë'ëm nyänyikäjpxyë etsës n'ëna'any,

Génesis 22:8

Tä ja tyeety y'ëtsooy: Dios nyija'ap wi'ix tyaka'any yë jëyujk mëti'ipë yajtukwintsë'ëkëpën. E ënät jatëkok ye'eytsyo'ontë.

Génesis 28:19

Ma tampë ja it naaxwiinyëtën tam ënety tu'uk yë kajpn, mëti'ipë yajtijpën Luz, yë Jacob ojts ja xyëëw tyajtëkajtsë ets ojts tijy Betel.

Génesis 32:30

Tä yë Jacob tyajxëëwpejty ja jampë ja it naaxwiinyëtë Penuel, jä'ä ko y'ënäny: Tyam tëëjës ënät ja Dios kë'ëm ntim'ixy wiinxë jëjpxë ets ixës tyam njaakjuuknyëmëty.

1 Reyes 17:8

Ënet ja Wintsën t'ënëmaay ja Elías:

Éxodo 17:15

Yë Moisés ojts tu'uk t'oytyuny yë wintsë'këntyakn mëti'ipë ojts txëëwmo'oyën, Yë Dios yë'ëjës nwitwintëy'äjtyp,

Ezequiel 48:35

Ja kajpn ja nyapots na'ëwtity jä'ä y'ayeny'atëty tëtujk mil xajpk ets ja naax kajpn jä'ä txëëwajnëty: Yaa yë Wintsën yajpaaty.

Miqueas 4:10

Näwyiit näyxyaatsët ets ya'ax jok, mijts Sión kajpn, jëtu'un tä tu'uk yë to'oxytyëjkën mëti'ipë u'unk maay pyaatäämpy y'ixäämpyën, jä'ä ko tso'onta'ajantëp yë mja'ay ets nëjkx jam muum wintë'ëtstuuy jyuuky'atë, jampaat Babilonyë jya'ta'antë. E yë Wintsën nëjkxëp jam tyajpëtsëmy yë nyaax kyajpn; nëjkxëp tyajtso'oky ma ënety yajpaatyën myëtsip'akujky.

Juan 1:14

Mëti'ipë yajtijpën Aaw Ayuk, yë'ë awinpijt naaxwiinyëtë ja'ay ets ojts jyuuky'äty ma ëëtsajtëmën. Tëë n'ijxëm ja myëj'ajt y'oyajtën ets ja myëj'ajt jyääntyajtën mëti'ipë ja Dios Teety tu'kpajk Y'u'unk'ajtypyën, mëët mëj'äämpy ja tsojkën ja'awën ets ja tëyajtën.

Deuteronomio 32:36

Yë Wintsën nyiwaantu'utäämpy yë nyaax kyajpn, ko ënety t'ixy të y'ënu'kxëtyääynyëtë. Yë Wintsën pya'ëyowäämpy yë tyuunpë kyupëjkpë, ko ënety t'ix, ko ka'ap ma pën mëti'ipë ka'ap myëkëtyën ets mëti'ipë mëkëtyën.

1 Timoteo 3:16

Tëy jëtu'un ko ja tëyajtën mëti'ipë të nyikëxë'ëkyën ko të nmëpëjkëm ja Dios jä'ä ja mëjwiinpë këjääpë: Kristë ojts nyäyajnikëxe'ekyë tä ja'ayën, ojts myëtä'äky jëtu'un tä ja Kënu'kxymyëk'ajtënën ets ojts ja anklëstëjk y'ixyë. Ojts yajnimëtyä'äky ma ja naax kajpnën, yajmëpëjk naaxwiiny ets yaj'ëxajëy mëët ja mëj'ajt oyajtën.

Jueces 6:24

Tä yë Gedeón tu'uk yë wintsë'këntyakn jam t'oytyuuny mëti'ipë ja Wintsën tyukmëjja'awëyënën ets txëëwmooy: Yë Wintsën yë'ë jotkuj'ajtën'ajtp. Ya'atë wintsë'këntyakn yajpatp tyampaat jam Ofrá ma ja kajpnën mëti'ipë yë Eliézer yë jyä'äy nyitënaaytyëpën.

1 Samuel 29:10

Paaty yam nmëpëjktsoy ets mijts mëët yë mja'ay mwinpitëty, jëpom jopy ko ënety xyiinytyä'äky, tääts mtu'upëktëty.

1 Samuel 7:12

Tä ja Samuel tkoonë'ky tu'uk yë tsaa ets tpëjktäky ma mëët nyäpyaatëtën yë Mizpá ets Sen. Tä txëëwmooy jampë it naaxwiinyëtë Eben-ézer, jä'ä ko tyaa y'ënäny: tyampaat yë Wintsën të xypyutëjkëmë.