Génesis 21:16 - Biblia Dc en Mixe de Quetzaltepec

¹⁶ Tää wäänë ja y'u'unk tmëjëkämkeky ets najamtëkë nyaaxwe'tsy, jä'ä ko ja y'u'unk ënety kya'ijx'ookäämpy; e wäänë y'ijty tääts ja y'u'unk tyëjkëy yaxpë.

Biblia Mixe de Quetzaltepec

¹⁶ Tää wäänë ja y'u'unk tmëjëkämkeky ets najamtëkë nyaaxwe'tsy, jä'ä ko ja y'u'unk ënäty kya'ijx'ookäämpy; e wäänë y'ijty tääts ja y'u'unk tyëjkëy yaxpë.

Génesis 21:16 ပူးပေါင်းရင်းမြစ်များ

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Ester 8:6

Jä'ä koos, ¿wi'ixës jëtu'un jotkujk njuuky'atëty pën nija'apës koos ja njëëky nmëku'uk ets ja nmëkunaax nmëkukajpn y'o'kta'aja'antë?

1 Reyes 3:26

E ja mëti'ipë mëtëy tyaak'ajtypën ja mëxu'unk juukpyë, ojts mëk nyajts'ëyowëty ko ja mëxu'unk yajtsujkwa'kxa'any, tä ja yajkutujkpë mëktä'äky tmënu'kxtäky: Tun yë mëyajtën, yajkutujkpë, këtii tääpë mëxu'unk xyaj'ooky mëti'ipë juukyën. Tyamës n'ëna'any, wä'än yë'ë tjä'ä'aty tääpë to'oxytyëjk. E ja wiinkpë ja to'oxytyëjk tää y'ënäny: Oy pën tkatimjyä'ä'atëty, wä'än tsujkwa'kxtë.

Lucas 15:20

Ënet tyu'utëjkëy ets ojts nyijkx ma ja tyeety ja tyëjkën. Jëkämnëm ënety myiny ko ja tyeety y'ijxpatë, tääts pëyi'ikyë nyitso'onë ets pya'ëyoowë ets myënäänë ets tsyu'kxë.

Zacarías 12:10

Nëjkxëp nmo'oyës yë yu'unk aaw yu'unkjot yë David yë y'u'unk y'ok ets Jerusalén ja'ayëty. Ënet nëjkx t'ijxpaatë ja mëti'ipë ënety të tukuumnaxtën ets të tyaj'ooktën ets nëjkx tnijë'ë tniya'axtë jëtu'un tä jeexyë kyä'äxkopk ëkë tu'uk u'unk të y'ookyën.

1 Samuel 30:4

Tääts tyëjkëtyë jëëpyë yaxpë.

1 Samuel 24:16

Ko yë David kyajpxtaay, ënät yë Saúl mëk yujk'ënany: U'unk maay David, mijtstëm jëtu'un. Tääts tyëjkëy yaxpë,

Rut 1:9

Yë'ë y'a'ixëp ets miits oy jatëkok mpëktëty m'uuktëty ets xymyëët'atëty ja mjëën mtëjkëty, m'u'unk m'ëna'këty. Tääts je'eyë t'ëkjaaktsu'kxnë ets tjëëkajpxnë, e yë'ëjëty ojts tyëkëtë yaxpë ets y'ënantë:

Jueces 2:4

Ko ja Dios ja kyukäjpxy kyajpxtaay ënät ja Israel ja'ayëty tyëjkëtyë yaxpë.

Génesis 44:34

Jä'ä ko wi'ixës ëjts nwinpitëty ets nteetyës jotkujk nwinkuwa'akëtyës, ¿pën ka'apës yë myaank nyajnëjkxë? Ëjts ka'apës oy näjyawëtëty ko ja nteetyës ëxëëk jyatëty kyëpätëty.

Génesis 29:11

Ënet ja Jacob ojts tkajpxpo'kxy ja Raquel ets ojts tsu'kxy, tääts tyëjkëy yaxpë.

Génesis 27:38

Ja Esaú ni'ikyë ja kyajpx'ëtë'ëtsy: ¿Tatë tii këtiis mëpaat xytyimmooynyë ja kënu'kxënë, oyxyëp jeexyë ja tu'ukënë? Ënet jatëkok ja Esaú tyëjkëy yaxpë.

Génesis 21:15

Ko ojts ja nyëë kyëjxnë, mëti'ipë ënety jap xutyjoty myëmiinpyën, ja y'u'unk jam ojts tnajtsko'kënë kepypya'tkë'ëm.

1 Reyes 17:12

Tä y'ëtsooy ja to'oxytyëjk: Tyam nikäjpxyës mëët ja mWintsën ja xyëëw ko ka'apës tii nmëëtëty kääky. Wäänës jap tsajpmokjëtsy nmëëtëty, mëët wäänë on mëti'ipës jap tu'tsjoty nyaj'ijtypyën ni'atujkpety, tyam yë'ëjës yaa wäänë n'ixtääpy ja'axy etsës nëjkx nyaj'oyëjä'äny yë kääky, mëti'ipës yë n'u'unk ntukayäämpyën etsës ëjts. Yi'iyës jëtu'un njaak kayantëp etsës ënät n'o'knëtëty.

Jeremias 6:26

Yë nkajpnës yë nyëëx, pëjkta'ak ja mwit mëti'ipë kuump u'kxpën ets kyëxë'ëkëty ko jë'ë ya'ax myajpaaty; ja'amyäts naaxyäts, mon tuk yajpaat tä jeexyë pën të y'ookyën; jä'ä ko ja mëtsip mëti'ipë xynyimina'anëmën, tää ja tyimwinkony.

Amós 8:10

Ma ënety ja xëëw tyunyën jää nëjkx ja'ay tyëkëtë yaxpë mëët ko ënety t'ixtë may ja ja'ay y'o'knëtë, ja mëti'ipë ënety ëëwtëpën nän nëjkxëp tyëjkënëtë yaxpë mëët ko ënety may ja o'kpë; nëjkxëp ja wit xytyuktëkëtë monpë tukpë ets nëjkxëp ja mkuwaay xynyëkääptë mëët ko ënety ja ëyo'on jotmay të y'ity. Jëtu'un nëjkx mya'axtë tä ja'ay yä'äxyën mëti'ipë ja y'u'unk të y'ookyën tu'kpajkpë t'u'unk'atyën ets jëtu'un nëjkx jyëjpkukëxë mëët ja monyëtukyë.