Génesis 2:7 - Biblia Dc en Mixe de Quetzaltepec

⁷ Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Biblia Mixe de Quetzaltepec

⁷ Paaty yë Wintsën ojts tu'uk yë naaxwiinyëtë ja'ay tyajkojy. Naax ojts yi'iyë t'oytyuunkojy, tä tjëjpmëpixëy ets tmooy jëtu'un ja jyuukyajtën. Jëtu'un ja naaxwiinyëtë ja'ay ojts jyuukpyiky.

Génesis 2:7 ပူးပေါင်းရင်းမြစ်များ

1 Corintios 15:45

Jëtu'un ja Dios ja y'aaw y'ayuk kyëxja'ayëty: Ja ye'etyëjk mëtu'ukpë, ja Adán, myëët'ajt ja juukyajtën; je'eyëp ko ja ix'okpë Adán, ja Jesukristë yajtijp, yë'ë ja juukyajtën të tmëminy tëkatsypë, ka'ap jyëtu'unëty ijxtëm ja mëti'ipë myëmiinën ja jëwyiinpën ja Adán.

Job 33:4

Dios, mëti'ipë maaytyääyëpën winë, yë'ëjës të xyajkojy etsës të xymyo'oy yë jot mëjaaw.

Eclesiastés 12:7

Kom ok, naaxway jatëkok y'awinpity ja jot nini'kx, e ja jot ja'awën jam jatëkok wyimpity ma Tiosën, mëti'ipë jot ja'awën yäjkpyën.

Isaías 64:8

E mijts Wintsën, je'eyëm nteety'atë e ëëtsëty jëtu'un tä mo'ontsën ets mijts mnajxp tä tu'ts pojtspën; aakmijts ëëts të xyajkojtë.

Hechos 17:25

ets ka'ap tyajmëyäty tii ntukmëtu'unmëty, jä'ä ko yë'ë xymyo'oyëm ja juukyajtën, poj ets tu'kë'ëyë winë.

1 Corintios 15:47

Ja jëwyiinpë ja ye'etyëjk mëti'ipë ojts yajtuk'oytyunyën ja naax, naaxwiinyëtë ja'ay jä'ä; e ja mëmäjtskpë, tsajpjotmëpë jä'ä.

Génesis 3:19

Mëk mtunëty ets mpëxyikëtëty, täänëm ja mka'ayën m'ukën xypyaatëty, jëtu'un mjuuky'atëty koonëm m'awinpitëty jatëkok naax, ma ojts mtsoonyën. Jä'ä ko mijts naax mëët m'oytyunyëty ets naax jatëkok mkawinpita'any.

Job 27:3

maapaatës xymyo'oyën yë jot mëjaaw etsës njaakxäjëty,

Génesis 7:22

Ojts y'o'kta'atë ets kyëjxtaaytyë tu'kë'ëyë jënu'un ënety naaxkëjxy winë y'ityën ets jënu'un jyuuky'ätyën ets xyejyën.

Zacarías 12:1

Ya'atë aaw ayuk yë'ë yë Wintsën tyuknikäjx yë Israel kajpn. Yë Wintsën mëti'ipë të twijtstëyën yë tsajp ets të tpëjktä'äky ma naaxwiinyëtë kyëxwäätsëtyën ets tjuukyajtënmo'oy yë ja'ay, yë'ë ënaanp:

Salmos 103:14

yë'ë wa'ats tnijawë tii ëëtsajtëm mëët n'oytyuny'ajtëmë; wa'ats tnijawë ko naaxway ëëtsajtëmë.

Salmos 100:3

Ja'amyätstë ko Wintsën yë'ë Tios'ajtp; yë'ë të xyajkojëm, e paaty yë'ë xyjyä'äniwa'anëmë. Yë'ë xykyajpn'ajtëm ets yë'ë xy'ijx'ijt xykyëwent'ajtëm tä ja'ay kyupixyny tkëwent'atyën.

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Dios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?

Isaías 2:22

Këtii yë naaxwiinyëtë ja'ay xytyuk'ijxpätëty, nitii tkakëjxmëty, wäänë jyuuky'ajtkojy.

Génesis 3:23

Paaty ojts yë Wintsën tim yajpëtsëmy ja ye'etyëjk jap ujts tsa'am jë'kxykyamjotm. Ets tpëjktäky wiinktsow ets tyunëty naaxwinm tu'uwinm ma ojts kyojyën.

Hebreos 12:9

Näyjyëtu'un ko të nmutsk'ajtëm, tëë ja nteety'ajtëm yaa naaxwiiny xywyijtswinpijtën ets tëë nwintsë'këm. ¿E tii ko nkawintsë'këmëty ja Dios, mëti'ipë tsajpjotmën? Wä'än xywyijtswinpijtën ets npatmëty ja juukyajtën.

Proverbios 20:27

Yë jot winma'any mëti'ipë yë Dios të tmo'oyën yë naaxwiinyëtë ja'ay, yë'ë kyutë'kxyp yë jot winma'any këkpaat.

Job 33:6

Mijts ets ëjts tu'knax'ajtëm Dios wyintum; ëjts naaxës ojts nyajtukpotsy.

2 Corintios 5:1

Jëtu'un ëëtsajtëm tä tu'uk ja tëjkën naaxwiinypë yajpaatyën, tä wit tëjkën mëti'ipë ka'ap jeky y'ityën; je'eyëp ko nnija'awëm pën ya'atë tëjk wintëkoopy, tap ja Dios xytyukjëjp'ijxëm tu'uk ja tëjk tsajpjotm mëti'ipë xëmëkyëjxm ijtpën, mëti'ipë ka'ap jyä'äyëty të tkojyën.

2 Corintios 4:7

Ijxtëm ja ja'ay ja myeeny tpëjkë'ëkyën naax tu'tsjoty, jëtu'un ya'atë oyajtën nmëët'ajtëmë ma ja ni'kx'ajt nkopk'ajtëmën ets nyikëxë'ëkëty ko jam tsyoony ma Tiosën.

Juan 20:22

Ets ja y'ijxpëjkpëtëjk ojts tpi'ixy ets t'ënëmaay: Kupëktë ja Kënu'kxymyëkajtën.

Job 4:19

¿wi'ixpëm jëtää tu'uk yë naaxwiinyëtë ja'ay mëti'ipë ka'ap tii tkëjxmëtyën, mëti'ipë jëtu'un kojy mä'kxy ijtpën tä jëën tëjkën mëët yë mo'onts naaxwayjotypë kyojyëtyën ets kyutëkoyëty tä waanyën?

Eclesiastés 3:7

Nyixëëw nyijëmëjt pyätyp ko pën wit tukëëtsë ets ko pën wyit'axuyë. Ko pën amonyë y'ity ets ko pën kyäjpxy.

1 Timoteo 2:13

jä'ä ko ja Dios, yë'ë ojts jëyëjp tyajkojy ja Adán ok ja Eva ojts kyojy.

Génesis 2:6

Yë nëë ja jää'ajtp ënety naaxwiiny mëti'ipë ja naaxwiinyëtë yajxo'kpyën.

Lamentaciones 4:20

Tëë yajtsumy yajmatsy mëti'ipë ja Wintsën wyin'ijxën, mëti'ipë ijty ëëts xyjyotkujkmooytyëpën, ja yajkutujkpë mëti'ipë ijty ëëts n'antijtëpën: Yë'ë wyintuuy jotkujk njuuky'ata'antës ma naax kajpnën.

Ezequiel 37:5

Jëtu'un yë Wintsën m'ënë'ëmxëtë: Tyam jatëkok yë xejy nmo'oja'antë mëti'ipë yajjuuky'ajtpën ets mjuukpyëktëty.

Génesis 1:27

Ko yë Dios ojts tyajkojy yë naaxwiinyëtë ja'ay, jëtu'un ojts tyajkojy ijxtëm yë'ë kë'ëm y'ixëtyën, ye'etyëjk ets to'oxytyëjk ojts tyajkojy.

Ezequiel 37:6

Mpëjkta'akäämpyës yë eemy ma mpajkëtyën, yë xixy ets ni'ak, nmo'ojantëp näjyëtu'un ja mxejyëty mëti'ipë yajjuuky'ajtpën ets jatëkok mjuuky'atëty. Jëtu'un xynyijawëtëty ko ëjts Wintsën.