Génesis 19:5 - Biblia Dc en Mixe de Quetzaltepec

⁵ Ënet tyëjkëtyë yaxpë jojkpë. Yë Lot yajmëkajpxp, jëtu'un y'ëna'antë: ¿Ma ënät ja ja'ayëty mëti'ipë të xyaja'ajtä'äkyën ma mtëjkën? Yajpëtsëm nmëëtko'knëjantëpës yam.

Biblia Mixe de Quetzaltepec

⁵ Ënät tyëjkëtyë yaxpë jojkpë. Yë Lot yajmëkajpxp, jëtu'un y'ëna'antë: ¿Ma ënät ja ja'ayëty mëti'ipë të xyaja'ajtä'äkyën ma mtëjkën? Yajpëtsëm nmëëtko'knëjantëpës yam.

Génesis 19:5 ပူးပေါင်းရင်းမြစ်များ

Génesis 19:6

Ënet yë Lot tnipëtsëëmy ja ja'ayëty. Tä yë tyëjk tyaj'ëtujky jëxkë'p'äämpy,

1 Reyes 14:24

Näyjyëtu'un ja ja'ayëty kë'ëm ijty ja jyot nyini'kx tyajknëtë tukwintsë'ëkëtë ja tyiosëty ets jëna'ajëty yi'iyë tyimniye'eymujkëtyëp, tuunëtë tkajpxnëtë ja ëxëëkpë ets ja tëkatsypë ja jot winma'any, näjyëtu'un tä ja mëti'ipë ijty ja wiink naax wiink kajpn tyuuntëp kyajpxtëpën, mëti'ipë ja Wintsën të t'ëxwojpta'ayën ma ja Israel ja'ayëtyën.

1 Reyes 22:46

Josafat ojts t'ëxwojpta'ay ja ja'ayëty mëti'ipë ënantëpën ko ka'ap wyi'ixëty oy nyätyookëtëty yë to'oxytyëjktëjkëty ye'etyëjkëty ets ka'ap wyi'ixëty oy yë ja'ay jyot nyini'kx tookëty ets tyakëty ja wyintsë'kën ma tyiiosën mëti'ipë y'ëwtajtëpën, mëti'ipë ënety të wyë'ëmtën ko ja tyeety Asá yajkutujky.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Isaías 3:9

Ja y'ëxëëkjot y'ëxëëk winma'any yë'ë kë'ëm ëxaty nätyuktuunëtëp, jä'ä ko ja nyëë pyokyëty ka'ap tjëkyepy tkuyu'utstëty; timjëtu'un tä tëkok jyäjty kyëpejtyën yë Sodomë kajpn, ojts ja naax kajpn tuknija'awëtyä'äy wi'ix ënety tyëkoyën. Janty mon janty tuk yajpaatë, kë'ëm nyäyajkutëkoya'anëtë.

Jeremias 3:3

Paaty ka'ap y'ëktuunë potmjoty ets xëkopkjoty. Jëtu'un mkëxë'ëky into'oxyën.

Jeremias 6:15

Tsëtyuunëtëp jeexyë ko yi'iyë tyuuntëp ka'apës nme'kxyën. E ka'ap tsyëtyuntë, jëtu'un yaj'ixy ka'ap yowë nijawëtë tii tsëtyu'unën'ajtp. Paatykyëjxm koos ënety ntëytyuntë, je'eyë y'anäpëja'antë ets kyëtawa'antë jëtu'un tä jyatën yë wiink ja'ayëty. Ëjts, mëti'ipë Wintsën'ajtpën, ëjts ënaanp.

Ezequiel 16:49

Jä'ä ko yë m'uty Sodomë, mëët yë mutskëtypë nyaax kyajpn, paaty ijty mëj këjxm nyäyajnaxëtë jä'ä ko tam may tmëët'atë jyi'kxy pyikyëty ets jotkujk yajpaatë, je'eyë ko ka'ap ojts nijëna'a tputëkëtë yë ëyoopëja'ay ets mëti'ipë winë yajmëyäjtypyën.

Ezequiel 16:50

Amëj akëjxm ojts jyä'äy'ajnëtë ets tuunëtë ëxëëkpës n'ixyën; paatykyëjxmës të nyajkutëkoy tä të xy'ixyën.

Ezequiel 16:51

Samaria kajpn ënätpë, yë'ë nikujkwä'kxy mkamëpaatyë ma nëë pokyën. Jä'ä ko mijts ni'ik o'ktëy të m'ëtë'ëtsy ma ja nëë pokyën; ni'ik ja mpoky ko yaj'ijxkijpxy mëët yë'ëjëty, jëtu'un yaj'ixtë ka'ap yowë tii poky tmëët'atë.

1 Corintios 6:9

¿Ka'ap xynyijawëtë ko yë ëxëëkja'aytyëjk ka'ap jyuuky'ata'antë ma ja Dios ja kyutujktaknënë?

Deuteronomio 23:17

Nitu'uk yë ye'etyëjk ets nitu'uk yë to'oxytyëjk mëpaat tkatuunk'aty ets jyot nyini'kx tookëty, jam ma ja tukmuk tukxu'umtën ja ka'apë wyintsënëtyën.

1 Timoteo 1:10

mëti'ipë yajwintsë'këntëkooytyëpën ja pëjkën ukën, mëti'ipë ja myëye'etyëjk ëkë myëto'oxytyëjk myëët'ajtëpën, mëti'ipë ja'amyä'tstëp, mëti'ipë win'ë'ëntëp, mëti'ipë ja Dios yajkajpxtëpën mëët ja antakën, ni'ëmukë jënu'un tmëtsip'atën ja mëtëypyë ijxpëjkën.

2 Timoteo 3:13

E ja ëxëëkja'aytyëjkëty ets ja win'ë'ëmpëtëjkëty ni'ikyë y'o'ktëwa'antë, win'ëënantëp ni'ikyë ets näjyëtu'un yajwin'ëëna'antë.

2 Pedro 2:2

May ja ja'ay tpanëjkxa'antë mëët ja y'ëxëëk juukyajtënëty ets yë'ëkyëjxm ja Dios tyiyajtën ëxëëk yajnikajpxa'any yajnimëtya'aka'any.

2 Pedro 2:7

Dios yaj'ëwaatspëtsëëm ja Lot, mëti'ipë oyjyä'äyën ets ka'ap akujk jotkujk y'ijty mëët ja ëxëëk ja'ay ja jyuuky'ajtënëty.

Judas 1:7

Ijxtëm ja anklëstëjk ja Dios tkamëmëtoowtën, tim näjyëtu'un ojts y'ëtëtstë ja Sodomë ets ja Gomorra ja'ayëty ets ja wiink kajpn mëti'ipë winkon yajpatën. Ni'ikyë këjää pyokytyuuntë, paatykyëjxm ja Dios yajkutëkooyëtë mëët ja jëën. Jëtu'unts ja Dios ja nija'awën të xymyo'oyëmë.

Jueces 19:22

Jää ma ënety jap jotkujk yajpaatën, jää ojts myintë yë ja'ayëty jampë kyukajpn'atën ets tyajnatujktë ja tëjk, tää t'ënëmaaytyë ja mëjja'ay mëti'ipë kutëjk'ajtpën: Juut tääpë ye'etyëjkëty mëti'ipë të xyaja'ajtä'äkyën. Wä'änës mëët t'ëko'knëtë.